15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 3 123 الأخيرةالأخيرة
النتائج 1 إلى 15 من 39

الموضوع: سؤال وجواب عن طريق الإمارات - السعودية( الرياض الدمام )

  1. #1
    تاريخ التسجيل
    Feb 2002
    الدولة
    نجد
    المشاركات
    65

    سؤال وجواب عن طريق الإمارات - السعودية( الرياض الدمام )

    السلام عليكم
    سمعت انه فيه طريق جديد يربط ما بين الخرج والبطحاء ( حدود الإمارات ) .....فهل احد منكم
    سلك الطريق ؟ وكم المسافة ؟ وهل يوجد محطات ؟
    ارجو ممن يعرف ان يفيدنا مشكوررررن ,,,,,,,,,,




    في هذا الموضوع سوف يتم دمج المواضيع المتشابهة من أسئلة وأجوبة
    وقد تم تغيير عنوان الموضوع والدمج من قبل ادارة مكشات

  2. #2
    تاريخ التسجيل
    Dec 2001
    الدولة
    Any way
    المشاركات
    51

    ابشر بالعلم الوكاد ....

    السلام عليكم ورحمة الله وبركاته ...
    أنا رجعت من عنده بالتحديد برجب تقريباً بعد ما طلعت من الحدود الامارتية ودخلت السعودية مشينا تقريباً أقل من 10 كيلو وجتنا محطة على الجهة اليسرى والمحطة هذا هي الطريق اللي يوديك لحقل ( شيبه ) عبينا من المحطة هذي فل وبعدين دخلنا في طريق رادمية ما فيه زفلت أعزكم الله ، لحد ما يجيك ملف على يدك اليمين هذا هو الخط ..
    1. الخط ما فيه ولا محطة .
    2. طريق واحد .
    3. في رمال متحركة خطرة .
    4. يطيح من الخط 250 كيلو بس .
    5. ينزلك على حرض .
    6. الجوال بعد 15 كيلو تقريباً ينقطع لحد ما توصل حرض او قبل بشوي .
    للمعلومية : إذا كانت سيارتك مهب تكانه انصحك كل النصح لا تروح من عنده لانه زي ما قلت لك ما فيه محطات وفيه ( ناس تحاول تتحرش فيك بعد ) بمعنى أصح لا توقف حتى طير الشرب إلا في حرض وانا سويت الشي هذا لاني أول ما مسكت الطريق قام يمشي وراي جيب شاص لمدة ربع ساعة وبعدها سقط على وقام يضرب فرامل ويدق فلشر ويحاول يوقفني بأي طريقة ولكن ولله الحمد أني ما وقفت ولا عطيته بال وبعد ساعة الا ربع تقريباً من التحرش مل وراح .

    هذي كل المعلومات اللي عندي بس لاحظ إن الكلام هذا صار له أكثر من 3 أشهر .....
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي لو خيروني مرة ثانية أني ارجع مع الخط هذا ما رجعت معه لو ايش الا اذا تعدل اللي فيه يعني لو صار فيه على الاقل محطات ....

  3. #3
    تاريخ التسجيل
    Dec 2002
    المشاركات
    31

    الطريق الجديد من الرياض الى الامارات

    السلام عليكم ورحمة الله وبركاته

    الطريق الجديد من الرياض الى الامارات
    من الرياض الى الخرج الى حرض الى البطحاء509


    الرياض الخرج 80
    الخرج حرض 175
    حرض البطحــاء 253

  4. #4
    تاريخ التسجيل
    Jan 2002
    المشاركات
    201
    الله يعطيك العافية اخوي رحال .......... لكن انا سمعت ان هذا الخط خطر جداًُ وفيه مقطعة .... هل هذا الكلام صحيح

  5. #5
    تاريخ التسجيل
    Dec 2002
    المشاركات
    31
    اخي البتار
    اسأل الله ان يتقبل من ومنك وجميع المسلمين صيام شهر رمضان وقيامه
    الطريق من الخرج الى حرض سيء نوعا ما
    اما من حرض الى البطحاء فهو مقطعة كما ذكرت من حيث ان المحطات قليلة وغير مكتلمة
    علما ان اخر مرة مشيت مع الطريق في اول شهر شعبان

  6. #6
    تاريخ التسجيل
    Aug 2002
    الدولة
    السعودية / القصيم
    المشاركات
    4,968
    السلام عليكم

    الحقيقة انا سلكت هذا الطريق في اخر شعبان وكان ممتاز جدا

    اما من ناحية انه خطر فالخطر موجود من حاجتين الأولى من الابل والثانية من الكثبان الرملية المتحركة
    وعموما فيه معدات لإزالة الرمال وتعمل على مدار الساعة.

    وهو يشبك البطحاء بحرض يعني من حرض الى الرياض كله قديم والوصلة الجديدة طريق واحد بس واسع جدا

    وبه محطة بنزين وما اعتقد انه مقطعة لأني جيت معه وعامر بالسيارات ورايت ابراج الجوال يشتغلون بها يعني الان اعتقد ان الجوال يشتغل فيها.

  7. #7
    تاريخ التسجيل
    Jan 2002
    الدولة
    الجزيرة العربية
    المشاركات
    2,340
    وكلام الأخوان رحال وصقر على متمه كنت أسمع بها الطريق وما أدري عن صحة الكلام حتى جيت معه لوحدي صراحة طريق ممتاز جداً وسيع وزفلته جديد والجوال بيشتغل فيه قريب.

  8. #8
    تاريخ التسجيل
    Dec 2003
    الدولة
    الرياض
    المشاركات
    2,144

    يا اهل المشوره!!! ماهو افضل طريق من الرياض الى دبي!!!

    السلام عليكم ورحمة الله وبركاته

    انا ناوي بمشيئة الله تعالى السفر من الرياض الى دبي.

    اي الطرق افضل؟؟؟

    الرياض- حرض -الامارات
    ام الرياض الامارات عن طريق الحسا ؟؟؟
    او اي طريق اخر!!!
    (طبعا السفر بواسطة السياره وليس الطياره !!!!)

    لكم الشكر

  9. #9
    تاريخ التسجيل
    Dec 2003
    الدولة
    الرياض
    المشاركات
    1,767
    الرياض - حرض - الامارات .. هو الطريق الأفضل بأذن الله تعالى ، حيث تختصر حوال الـ 200 كم .

    وتروح وتجي بالسلامة . وترى بالشارقة فندق يقالة الشاطئ الذهبي عبارة عن شاليهات حلو ورخيصة بـ 200 درهم فقط لليلة الواحدة ويمكن تكون أقل علشان عروض الشارقة والمعلن عنها بالجرائد .

  10. #10
    تاريخ التسجيل
    Jan 2003
    الدولة
    **ـــــــــ**
    المشاركات
    220
    عليكم السلام ورحمة الله

    والله يالغالي ابي اجاوب عليك مع ان سنيدي جاوب وكفى و وفى

    فعلا طريق حرض يختصر اكثر من الحسا بكثير

    لكن انتبه تمشي طريق حرض بالليل ترى بعارين وانتبه من السوافي

    يعني اطلس موترك فيري

    واصرف عملة امراتيه من بنك السبيعي هو انسب شىء لان بالطريق وبالامارات اذا عملتك سعودية يبي يقصبونك قصب

    وكانك تبي اجهزة نادرة او غريبة او غير موجودة بالسعودية عندك سوق نايف في دبي فيه عمارة اسمها عمارة قرقاش فيه محل يقاله القطان هو الي بجنبة

    وتروح وتجي بالسلامة

  11. #11
    تاريخ التسجيل
    Mar 2004
    الدولة
    الرياض
    المشاركات
    75

    الى دبي

    انا سافرت مع الطريقين الاحساء وحرض واحسن طريق هو الرياض.....الخرج...........حرض.......البطحا ء وفعلا يختصر 200 كيلو تقريبا كما ذكرو الشباب ويفضل المشي في النهار .

  12. #12
    تاريخ التسجيل
    Jan 2004
    الدولة
    الرياض والدوادمي
    المشاركات
    1,471
    أخي العزيز بركان

    الشباب ماقصروا طريق حرض طبعا هو الأفضل وإن حصلك تمشي بعد صلاة الفجر وتريح وتغدا في البطحاء وتكمل بالسلامه.

    والسكن زي ماقالوا الخوان عليك بالشارقه أرخص كثير وأنظف ومحافظه زينه مره لسكن العوايل والله يعينك كانك راعي شراء قرابيع إذا جيت تراجع تلقى مكان لعفشكنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    تروح وترجع بألف سلامه

  13. #13
    تاريخ التسجيل
    Jan 2003
    الدولة
    الدهناء والصمان
    المشاركات
    1,610

    رمال......... كبر........ولاهنا

    الاخ العزيز
    بركان
    السلام عليكم
    شف اخيي طريق حرض زين بس بشرط انك تنتبه مره وعيونك مثلنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي مهوب مثلنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي لا ياخيي
    لئن طريق حرض هاليام شين رمال في وسط الخط كبر البعارين ولاهنا محطه بعد حرض يعني اترس موترك
    بنزين و في الليل انتبه للبعارين ولا وش الله حادك تمشي في الليل انسهل وفي الصباح رباح امش بعد صلاة الفجر مع الجماعه علشان تصير في ذمة الله والله يحفظكم ويردكم سالمين غانمين عليك بالشارقه مثل قول الاخوان او ابو ظبي ان حدك الزمن
    اخوك
    خشم الحصان
    ملاحضه
    فيه احد من الامارات معنا في المنتدي ان كان فيه انشدهم هم ابخص بديرتهم واذا وصلت سلمني علي كحيلان
    زايد

  14. #14
    تاريخ التسجيل
    Mar 2002
    الدولة
    جبل شمر - حائل
    المشاركات
    8,427
    أخي العزيز بركان..

    تروح وتجي بالسلامة .. هذا أولاً.

    ثانيا .. مثل ما قالوا الشباب طريق حرض أفضل مية مرة من طريق الموت (الله يكفينا شرة ) طريق الحساء.

    ثالثا .. فية محل يختص بأدوات وأغراض البر.. تجدة في دبي - حي الديرة - قريب من ميدان جمال عبدالناصر
    وهذا التلفون بتاع المحل / 267667(04)

    كمان تلفون ثاني للمحل / 247900(04)

    أسم المحل / السمنان

    وماهو بعيد عن سوق قرقاش اللي ذكرها لك ( الاجودي )

    لايفوتك المحل .. خصوصا الدرابيل ..

    أما السكن فأنحش عن دبي كلة لأنة بيني وبينك( وصخة)..

    ولاتنسى تمر على مدينة ألعاب أسمها ( وادي البر ) عند مدخل برج العرب..
    تطق لهم 40 درهم أو حول هالمبلغ .. وألعب من الساعة 3 العصر الى 9 بالليل .. وكل الألعاب مائية يعني تطق بشورت وتحط ملابسك في درج خاص بك..
    ملاحظة / أذا سيقانك يفضحن حاول تاخذ معك بنطلون طويلنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    المهم لانسى تمر على البرج .. ولا تخاف ترى حتى الوغدان طبقوا معة..

    تمنياتي لك برحلة موفقة وممتعة
    ونحن بأنتظارك لتخبرنا عن رحلتك..

    أنتبة من السعوديين ( النصابين ) هناك يجيك يقولك حاجزين زوجتي بالفندق أو سيارتي على ما أدفع لهم بقية الحساب أو مثل هالاعذار.. طقة بوجهة على طول قلة ..أمش معي أوديك للسفارة وهم يوصلونك للسعودية .. ماتشوف الا غبارة مع الشارع .. لأنة نصـــــــــــــــــــــــاب.

    تحياتي

  15. #15
    تاريخ التسجيل
    Apr 2002
    الدولة
    رغــبـــــــه
    المشاركات
    888

    انتبه من الخط

    السلام عليكم ورحمة الله وبركاته

    اخوي بركان تروح وترجع بالسلامة لا كن عندي ملاحظة على الخط من بعد دخولك للمنفذ حق الامارات

    وهي في امرين:

    1:اذا دخلة الامارات من بعد منفذ البطحاء بحدود ( 70 الى 90 ) كيلو انتبة واكررها انتبة للطريق خاصة في الغدراء واقصد فيها الليل من اللي يجفل عليك بالخط وهي معروفة حبيبة القناصة( الارنب ) لا تاخذك النشوة
    وتعشق قيرك وتطردها لان فيها ( .............. ) اللي ماحد يعرفةغرامة وماشابة الغرامة

    2: الضبان ابيك تنتبة اذا صار ممشاك نهار لان وحنا راجعين وطينا ( 4 ) ضبان ومن كبرها تقل تماسيح ماشالله مايصيدونها مادري (الارنب) و(الضب) هذى هي اغرب ماشفة عندهم في الطريق من بعد المنفذ

    وسلامتكم
    اخوك الصغير ( ابو شجاع )


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •