رحلتنا حول العالم

[راف]

الله يوفقكم

انصحكم ان تاخذو كتب دعوية بلغات مختلفة

وتستشيروا وتأخذوا أفكار من الرحالة الإماراتيين لما لهم من خبرة

لكم منا الدعاء .... بالتوفيق وفي رعاية الله

[iamabood]

فكره جميله جدا جدا والله يوفقكم, بس تحتاجون سيارتين "مثل رحالة الإمارات" واهم شي ان يتم تصوير الرحله بشكل محترف. وإذا تبون خوي وسيع صدر وراعي قصيد ومسحوب تراي والم:d , كل ما شفت رحالة الإمارات اقول" مالت على كشتاتي:d ", وتحتاجون لغة إنجليزية ,وأن تكونون راعين بر , ولا فيكم عصبي ومنرفز , وأن تكون الإنطلاقة من مكة المكرمة, ,وأن ما يكون في الرحله شباب صغار يعني تحت 20 ,وحبذا الأعمار من 25 إلى 40 وأتمنى لك التوفيق.

[ابوعبدالهادي]

للاسف السيارة مايعتمد عليها

ماعندك غير ثلاث سيارات صالحة لهذه الرحلة
باترول- لاندكرزور- يوكن دفع رباعي


وبالتوفيق

[رمال النفود]

أخوي رومانسي ..
رحلتتكم تبي تكون رحلة جبارة .. والله يصبركم .. لأنكم ستتعبون نفسيا وجسديا لدرجة ان بعضكم قد يفكر يقطع رحلته ورجع لبيت أهله .. خاصة اذا كنتم غير متعودين على رحالات مماثلة ، يعني لم تعملوا زي الرحلة هذي (بروفات) رحلات مصغرة ، كرحلة لسبع او عشر دول متواصلة .. عشان تاخذون تصور مبدي وواقعي للرحلة الكبيرة .. و قد تواجهون مشاكل صحية كبيرة جدا (كمرض اكثر من شخص وقد يصل لرقاده بالمستشفى) ، بسبب الارهاق النفسي والتغير المكاني وتغير الطعام وتغير الروتين اليومي لحياتكم (لأن الاصل في حياة الانسان الاستقرار) .. سنة وشهرين فترة طويلة جدا..
بس أطلب من أعضاء الرحلة القيام برحلة مماثلة (بعد عودتكم) لجميع مدن المملكة وعمل تقارير وبرامج فضائية عن مناطق المملكة .
والخرائط مهمة جدا جدا لكم ..
واذا كنت تبي خرائط بالعربي موقع موسوعة مقاتل من الصحراء فيه خرائط أكيد راح تستفيدون منها ..
http://www.moqatel.com/openshare/indexf.html

ومثلا هذي خريطة ايطاليا (مأخوذة من الموقع اعلاه) فيها اهم المدن واهم الطرق بالعربي http://www.moqatel.com/openshare/indexf.html

، بس الموقع حافظ حقوقه يعني ما تقدر تنسخها ، بس ممكن تخطابون ادارة الموقع وهم ما يقصرون خاصة ان صاحب الموقع هو الامير خالد بن سلطان بن عبدالعزيز http://www.moqatel.com/openshare/intro.html

وهذا موقع خرائط لاغلب دول العالم مفصلة بس بالانجليزي ..
http://www.maps.com/

والعدد 4 اشخاص ليس كافيا ابدا لأنه من المتوقع بسبب طول المدة مرض أكثر من شخص وربما عودة بعضهم للسعودية ، العدد 7 قد يكون أفضل .. مع توزيع مناسب للمهام ..

ومن المهم جدا اذا انتم تطلبون التوفيق من الله انكم تكونون دعاة اليه في رحلتكم .. بالكتب والسيديات المترجمة ، مكتب دعوة الربوة بالرياض يوفر سيديات باللغة الانجليزية والفرنسية ، والندوة العالمية للشباب الاسلامي ما اتقصر معكم وخاصة ان لها مكاتب في كثير من دول العالم ممكن اتساعدكم ..

ولي عودة للموضوع ان شاء الله ..
وسا أتابع تقارير رحلتكم ..
واتمنى لكم التوفيق وتكون رحلة ميسرة باذن الله .

أخوك:
رمال النفود

[قوي العزوم]

الله يوفقكم في رحلتكم واول شي لا تنسون

دعاء السفر
بالتوفيق ان شاء الله

قوي العزوم

[ami1948]

الفكره ممتازه وستكون لكم رحله تاريخيه ولكن سيارتكم اللى عرضت صورتها مستحيل تقطع بكم أصغر شعيب لأول جبل تصادفونه من جبال الهملايا ؛ ياعزيزى إرجع واطلع على رحله لمجموعه من أسبانيا نشرت على حلقات فى قناة المسافر العربى أو قناة الواحه بدأوا الرحله من أسبانيا مروراً بأوروبا إلى آسيا وانتهت الرحله بعد سنه وأربعة أشهر وبشاحنتين مجهزه بكل شيء واستهلكوا ستون كفر لسيارتيهم وصادفوا مواقف صعبه ومضايقات من بعض الدول المتخلفه وأمراض وأنهوا الرحله فى سنغافوره ؛ أرجو أن تستفيدوا من الإطلاع على تلك الرحله وتمعنوا التفكير فمثل سيارتكم هذه لاتصلح إلا للطرق المسفلته مع الدعاء لكم بالتوفيق .

[راعي بيشة]

نصيحتي الأولى : خلو القطة عندي وترى القطه من 300 ألف

ثانياً : ما تبون واحد يطبخ لكم مندي وحنيذ ومرقوق مطازيز ، ومشاوي وسلطات شي ولا ف الأحلام

ثالثاً : تراى سواق لا أكلّ ولا أمل

رابعاً : ترى عندي حصانة دبلوماسية .... أقصد شنطة دبلوماسية

وش راي سمو معاليكم


ههههههه

[رمال النفود]

رمنسي حنون

وش آخر الاخبار أخوي
تراني متابع لرحلتكم ..

[الرحال جي آر]

شباب ايش اخبار رحلتكم هل تنفذت لاننا سنقوم برحله مماثله

[بريداوي اصليm]

خذون معكم تكفون تراي ع الطريق مرو ع بريدة
وأنا أتحرااكم
هاا وش قلتو ؟

[الطبخ نفس]

رومنسي وحنون(عجزت تدخل براسي) ورحله 14شهر وعواصف ورعود وبطانيج وبنشر سياره وطبخ ---على نكك توقعت تبي لمبه حمراء+ ورده+ةتشغل صوت خرير الماء وتعيش جو بدل البهذله وشموس وقوايل وبرد

على فكره لاتنسى تاخذ معك ناموسيه على شان الباعوض مايخرب جوك الى جيت تنام

واتمنى لك رحله سعيده تشرف فيها دينك ووطنك

[قناص الحوى]

وش صار على رحلتكم يمديها خالصة من أربع سنوات

[X30]

الرجال لف العالم وانتم ادورون الاخبار والعلوم...صح ابو غلا

[ريف النشاما]

الظاهر الجماعة ماعاد ارجعوا


يمكن لهالحين يدورون

الله المستعان اربع سنين