ياخوان ابي برميل مندي ممتاز لاني كل من سالته عطاني شور
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
البراميل انواع يا ابو الشباب
فيه براميل تدفن في الأرض وتكون ثابتة ..وفيه براميل تكون فوق الأرض متحركة تسحبها في اي مكان تبيه.
الثابت يحتفظ بحرارة وقت اطول لأن الأرض عازلته .. والمتنقل طبعاً لا يحتفظ بالحرارة لوقت طويل مثل المدفون .
كما ان البراميل نوعين بالنسبة لمصدر الحرارة .. فيه براميل على حطب وفيه براميل على غاز .. اغلب المدفون على حطب بالرغم انه ممكن توليعه بالغاز بطريقة تصميم معينة او بدافور مثل طريقة منزلها واحد من الشباب في احد المواضيع هنا ( شيك إلى الصفحة الرابعة او الخامسة وتلاقها ) اسمه مندي بطريقة جديدة او غريبة او مبتكرة ..
كما ان المتحرك ممكن يكون على غاز وممكن يكون حطب ..
طبعاً اللي على الغاز اوفر واسهل وما يزعجك في شراء الحطب والتوليع .. فك حنفية الغاز وشب الدافور ويصلي لك التنور في ربع ساعة او اكثر شوي .. ولكن طبعاً الطعم السميرات افضل ولكنها عثيثة .
طبعاً فيه مقاسات .. مقاس كبير يأخذ ثلاث ذبايح او ذبيحتين كبار مرة وفيه براميل ما تاخذ نصف تيس او بالكاد تأخذ تويس صغيّر.
فيه براميل مبطنة بالخزف وهذي روعة وتكنز حرارة على كيف كيفك وفيه براميل حديد وهذي تحتر بسرعة وتفقد الحرارة بسرعة.
الخزف عيوبه يتكسر بسهولة إذا انكب عليه ماء بار وهو حار او ماعزل زين وفي نفس الوقت ثقيل.
الحديد يفقد الحرارة بسرعة ولين شبيت عليه كثير تعفط من الداخل وتقوّس .
يعني شف المواصفات اللي تحتاجها وتناسب ظروفك وخذها بعين الاعتبار وطق لك واحد
ماشاء الله عليك يالمتكي ماخليت شي !!
أنا ناوي أقول ربع كلامك بس أنت كفيت ووفيت ،،
إضافة صغيييييرة : إذا بغيت برميل مندي متنقل وخفيف وخاص للرحلات ادخل على الرابط اللي تحت التوقيع ثم ادخل على موضوع برميل المندي ورح لصفحة 14 علشان تشوف الصور ،، والله يوفقك ،، وتقبل مروري يالغالي ....
اللهم انصر إخواننا المسلمين في سوريا ،، اللهم ارحمهم وكن معهم ووحد صفوفهماللهم عليك بمن ظلمهم ،، أرنا فيهم عجائب قدرتك يا قوي يا متين
طيب لو حفرت بالارض وطويتها طوب احمر مثل حق المشبات ظنكم يزبط ؟؟
ما يضبط وبس إلا هذا الشغل اللي اوصى به دكتور المندي .. بس لو بغيت الشغل يكون صح اطوها بطوب احمر يباع عند حقين المواد الصحية مخصص لأرضية الأفران .. شكله مثل شكل الفرن من الخارج ولكنه حراري.
انا ناوي اسوي لي عزبة مندي وشواية في المزرعة وافكر اخليها مطوية بالطوب .
بصراحة الكيسي رائع ومتين وقوي ولكن يعاب عليه انه ضيّق .. مناسب للمقاسات الصغيرة ولكن إذا كان فيه كيسي بقطر عريض وبنفس سماكة كيسي الأرتوازات فهو بلا شك افضل ويكفيك برمته الصالبة.اخوي اذا بتخلي البرميل ثابت
انصحك تحط (كيسي ) حق الارتوازات للي مايعرفه .
بصراحه يعطيك قوة وحراره افضل من البراميل وكذلك يعيش
عندنا في الاستراحه حاطينه من عام 1422هـ والى الان كنه توه مركب . لا صدى ولا تغير في الطعم ولا شي .
احسن لك من البرميل اللي فتره ثم يصدي
هل تقصد .. طوب مثل اللي في تنور حقين الفطاير ؟
نعم اخوي .. تنور حقين الفطاير مستخدم فيه نوعين من الطوب .. طوب داخلي وهذا حراري وطوب خارجي وهذا جمالي وليس حراري تقريباً الشكل واحد.
لو تروح لحقين المواد الصحية اللي يبعون اسمنت وبلوك وبطحا في مناطق العمار بتلقى المطلوب وهو اصلا ييبي ينبهك إلى هذي النقطة لو درا انك تبيه لهذا الغرض .
مقدرررررررررررررر اقولشي
الله يعطيكم العافيه
وين احصل الكيسي اللي بحجم البرميل العادي
السلام عليكم اسعد الله مسائكم وكل عام وانتم بخير
بما أن الموضوع يتكلم عن البرميل المندي الثابت انا عملت تجربه من اربع سنوات وإلا الآن ما شاء الله عليه
رحت لمحلات بيع الحديد واخذت صاج مقاس (ظ،.ظ¢ظ¢م/ظ¢.ظ¤ظ¤م) سماكة ظ¤ ملم والافضل (ظ¦ملم) ورحت للصناعية وطعجته بمقاس غطاء البراميل الكبيرة اللي تجي اغطيتها كبس وحفرت له حفره وسكرته من الاسفل بالطوب الاحمر وعملت عليه اسمنت بسماكة ظ§ سم
اتمنى اني افدتكم واذا فيه اي استفسار انا حاضر وشكراً .
الشيخ صالح المغامسي - اليأس
مقاس الصاج
ظ،،ظ¢ظ¢ في ظ¢،ظ¤ظ¤
السماكة ظ¤
الافضل ظ¦ ملم
مقاسات الصاج
1,22 2,44
4 ملم
الافضل
6 ملم
الذين يشاهدون الموضوع الآن: 1 (0 من الأعضاء و 1 زائر)