احداثيات

[غواص الخليج]

كيف الحال يا جماعة شرايكم كل واحد يحط احداثيات مواقع الصيد الي عنده علشان الكل يستفيد و نتبادل الخبرات ight: ight:

[سمٌاري]

فكرة حلوة وأنا مني التأييد
ولو توضع أحداثيات هنا راح اضطر أشتري الجهاز وبصراحة لي الرغبة أني أشترية

[صقر]

على الرابط التالي:

احدثيات جمعتها انا خلال سنوات ونزلتها بالمنتدى هدية لإخواني

http://www.mekshat.com/vb/showthread...C7%CB%ED%C7%CA

[غواص الخليج]

يا الأخ (الصقر) نشكرك علي ردك و لكن احن نقصد احاثيات بحرية

[Bo Rashed]

حياك الله اخوي غواص الخليج

بصراحة انا شفت موضوعك وسالت احد الاصدقاء عن احداثيات لبعض المواقع لاني لا استخدم الGPS لكنه رد علي بكلام منطقي اقنعني بعد ما عرف اني بحطها على النت اقرا رده واتوقع انك بتقتنع وبتشوف كلامه منطقي...

رد صديقي:

هلا والله بالحبيب الطيب أبو راشد.. شفت إسمك وإنشرح صدري..

مثلك يدري إن هذي الأماكن بعيدة شوي .. وإذا حطيت إحداثياتها ممكن ياخذها واحد غشيم ويحطها في GPSويشد عليه وبعدين يطيح لك في أحد الرقوق و يلحم فيها أو سصدم في لحف وبعدين يبلشنا ويقول إن إحنا إللي عطيناه الإحداثيات..

تعرف يا خوي يا بو راشد إن كل موقع من هذي المواقع الوصول لها يجب أن يتم عن طريق سلوك بعض الممرات المائية إللي تجنبك الوقوع في الرقوق والأماكن الضحلة..

ويختلف كل ممر مائي حسب نقطة الإنطلاق.. فلو كنت نازل من الجبيل مثلاً يختلف وضعك من إنك لو كنت نازل من الدمام.. وفي كل حالة يجب أن تسلك ممر مختلف عن الأخر..

السؤال إللي يجب أن يطرح هو: ما هو الممر المائي للوصول إلى "شتية" (مثلاً) إنطلاقاً من ميناء الجبيل القديم! في هذه الحالة الجواب يأتي على شكل عدة إحداثيات لو إتبعها البحار لوصل إلى هدفه بأمان وبدون أخطار.. وللمعلومية فإن هذه الممرات تتغير مع الزمن لتغير طبيعة أرض الخليج بالتعرية مثل ماهو معروف..

وعلى العموم.. المناطق هذي موجودة على الخريطة.. وممكن إستخراج إحداثياتها من GPS لكن الممرات الموصلة لها تحتاج بعض الوقت.. وأنا بصراحة لا أتحمل مسؤولية إللي يستخدمها..

تمنياتي للجميع بالسلامه

[akhan]

مشكوووووووووور