وش تقولون يا أعضاء مكشات اذا طلع معكم ناس وجابوا معهم

[كاشت في صمان]

وش تقولون يا أعضاء مكشات اذا طلع معكم ناس وجابوا معهم
(شيشة ,
دش بحجة مشاهدة الدوري الفلاني والمبارة الفلانية والمسلسل الفلاني ,
ورق بلوت,
لاب توب بحجة تصوير المناطق وأرسالها الى الأقارب بالايميل ومحادثة الاهل بواسطة الماسنجر )

وش تقولون لو جاني واحد زي كذا أعطيه مخمس مع وجهه وأكسر لاب توب و الدش فوق راسه

[نوماس1]

لا تعلييييييييييييق

[ابوالجازي]

والله ياكاشت بالصمان انا معك واايدك بالنسبه للشيشه والدش بس ما اكسرهن على راسه انصحه او اخليه ما انتخاوى انا وياه
اما اللابتوب عادي والبلوت لابأس(شباب في رحله) طبعا مع اعطاء وقت كافي للذكر والعبادات
والدروس
اشكرك على الطرح المميز وتقبل مروري

[كاشت في صمان]

شكرا لكم على المرور

[هوى الشرق]

بالنسبة لي عادي اذا هو رايح للبر مثلا او استراحه يعني مكان انت اصلا رايح علشان تستانس كل واحد بكيفه يمكن مايطلع اذا ما كان معه شيشه ، وحلات الطلعه ان يكونو الزملاء والاخوياء كاملين ، عكس ذلك لو انه جاي مثلا في عزيمه او ناس اغراب او عند كبارالسن ما ارضى ابدا ، كل وواحد له وجهة نظره!؟

[بر الوالدين]

لاب توب

ممكن تنهضم شوي

أما البقيه و لله الحمد

ما يعيب ربعي هل البر إلا الدخان

ولا كل الأمور زينه ولله الحمد



.

[ملاعب الريح]

شيشه بيحرق عمره مالي دخل فيه أما لابتوب ودش ماله أمل يركب بالجيب....




ملاعبــ

[عشانا]

عادي وكلا على راحته مدامك وافقت على الخروج معاهم
والمثل يقول من بغا الدح ماقال اح

[}{التميمي}{]

هذي طلعه بر والواحد يبي يستانس بس الصراحه الدخان والشيشه ما يصلحن والله يصلحنا ويهدينا وشباب المسلمين

[صقر أمه 506]

الله يهدي الشباب
والله يعافيهم

قال تعالى: (فقولا له قولاً ليناً لعله يتذكر أو يخشى)
هذا وهو فرعون

......فأنصحهم بالطيب......

[ذيب طي]

والله يارجال اني انصحكم بالنصيحه لأن لها نتائج مايتوقعها الناصح ولها اثرعظيم وخاصة اذا كانت باللين
والابتسامة _لأنه يمكن يهتدي ويهتدي على يديه آخرين _فكم من الأجر والثواب العظيم الذي ستناله من الله بإذنه سبحانه
قال الله تعالى(وجادلهم بالتي هي أحسن)الاية
قال عليه الصلاة والسلام((الدين النصيحة)) وقال((لأن يهدي الله بك رجلا خيرا لك من حمر النعم 000الحديث))
اللهم اجعلنا غير ضالين ولا مضلين... آمين

[((الخالدي))]

الشيشة و الدش لالالالالالالالالالالالالالالالالالالالا


أما البالوت واللابتوب عدي يكون موجود في البر

[الخادم]

الغالي
كل يطلع على راحتة
و الدش يمكن يشاف فية خير و يمكن العكس
و الله يوفقك على ماتحب و ترضى

[منصور ع]

مادامك تعرفهم يشيشون وراعين دش لاتطلع معهم البر
اما اللاب توب مافيه شي اذا يستخدم في محله وكذلك البلوت
0000000000وقبل لاتطلع يقولون اللي اوله شرط اخره سلامه
ودمتم،،،،،،،،،

[باوزير]

الواحد يطلع البر عشان يغير الروتين ويغير جو وعشان السوالف الحلوة
اما يطلع عشان يشوف الدش او يلعب على اللابتوب يقعد في بيته احسن له
تحصله طول الوقت عيونه على التلفزيون او اللابتوب ما منه فايدة