أفضل تصميم للمجالس الطينية

[الثويمري]

[الثويمري]

الجديد الي سويته
1-أظافة أناره مخفية في الوجار .
2-المثلثات الي فوق^^^^^^^عملتها بطريقه مطورة بوضع زيادة في راس المثلث مقدار أصبع.
3-الشباك أستخدمت الألوان الخاصة بالزجاج ورسمتها بالطريق النجدية وهي أجمل من الخشب لأنه بيكتم المجلس.
4-الطاولات المستخدمة من الخشب الهندي والمطعمة بالنحاس على الشكل القديم.
5- السقف عملته من الجبس بقوالب خاصة قريبه من الحقيقة مثل (جذوع الشجر والقصب الي يشبه الى حد ما السعف) بنسبة90% وأستخدمته عشان يدوم معي ويخدمني أكثر من الشجر الحقيقي والسعف لأنه يجمع الغبار ويتأكل مع الوقت.
6-السجاد الي في النص حرير أصطناعي والشغل يدوي وأما الموكيت القص البني وضعته عشان الفناجيل تثبت مظبوط.
7- أما القز الاصفر تعبت لين لقيت نفس مقاس الوجار السحب.
8-ترا تعبت شوي

[الثويمري]

8- وضعة أنارة الحائط على شكل الفوانيس حديثة الشكل وأسلاك مخفية دار مادار المجلس.
9-

[الثويمري]

ياجماعه أعذروني على القصور والنقص
فيه أشياء نسيتها

[كاشخ 24 ساعه]

ما شاء الله


هذا مجلس والا متحف؟؟؟


ابى اسألك عن الموقد اللى حاطه وسط الوجار

وش اسمه ومنين اجيبه وياليت سعره لو سمحت



وشكرا

[العـربي]

طيب الدلال من وين

الله يهنينا وياك

[الثويمري]

ما شاء الله


هذا مجلس والا متحف؟؟؟


ابى اسألك عن الموقد اللى حاطه وسط الوجار

وش اسمه ومنين اجيبه وياليت سعره لو سمحت



وشكرا

مرحباً بك ياكاشخ24 وأشكرك على المرور أنت وأخي الشتاء والصيف
والموقد الاصفر ياطويل العمر من 350 الى 400
أما الدلال جايه من حايل والدلال عادية جداً

[المليحي]

ما شاء الله تبارك الله
ما شاء الله تبارك الله

[مالوكو]

السلام عليكم عمل جميل

[عود رمث]

السلام عليكم

تقول :
وهذا طال عمرك كله شغلي بس والله ماطلع بهالصورة الأ بعد تعب دام تقريباً 3 شهور أو أكثر
وتقول بعد :

السقف عملته من الجبس بقوالب خاصة قريبه من الحقيقة مثل (جذوع الشجر والقصب الي يشبه الى حد ما السعف) بنسبة90%

هالكلام باب ونبي له جواب

الصراحة يا أخي الثويمري أنا مغرم بالعمل اليدوي بدون عمّال ...

واللي فهمته من كلامك إن هذا شغلك ... يعني بيدك وذوقك ... الصراحة إذا كان كذا فالعمل يعتبر جديد في بابه .. يعني ماسبقك أحد لمثل هالمغامرة ....

والنتائج ولله الحمد صارت فوق الخيال ...

سؤالي .. القوالب الخاصة الي استخدمتها أنت صانعها ؟؟ أو شاريها جاهزة ؟؟

وهل استخدمت الجبس والليف ؟؟ أو الجص ؟؟

وهل كل الشغل شغلك ؟ أو السقف فقط .. يعني الكمر والمدخنة والبوية من شغلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أخيرا ::: ما أشوف طاق الحطب ؟؟ وين تحط حطبك فيه ؟؟


والله يعينك علينا


محبك / عود رمث

[سسته]

سوال اذا ممكن
البكم يشتغل .......... عندي اسطوانات .... ناخذ فنجال وطرب

[الثويمري]

مرحباً بالجميع
وأشكركم على المرور
أخوي المليحي
وأخوي مالوكو

[الثويمري]

السلام عليكم

تقول :
وهذا طال عمرك كله شغلي بس والله ماطلع بهالصورة الأ بعد تعب دام تقريباً 3 شهور أو أكثر
وتقول بعد :

السقف عملته من الجبس بقوالب خاصة قريبه من الحقيقة مثل (جذوع الشجر والقصب الي يشبه الى حد ما السعف) بنسبة90%

هالكلام باب ونبي له جواب

الصراحة يا أخي الثويمري أنا مغرم بالعمل اليدوي بدون عمّال ...

واللي فهمته من كلامك إن هذا شغلك ... يعني بيدك وذوقك ... الصراحة إذا كان كذا فالعمل يعتبر جديد في بابه .. يعني ماسبقك أحد لمثل هالمغامرة ....

والنتائج ولله الحمد صارت فوق الخيال ...

سؤالي .. القوالب الخاصة الي استخدمتها أنت صانعها ؟؟ أو شاريها جاهزة ؟؟

وهل استخدمت الجبس والليف ؟؟ أو الجص ؟؟

وهل كل الشغل شغلك ؟ أو السقف فقط .. يعني الكمر والمدخنة والبوية من شغلك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أخيرا ::: ما أشوف طاق الحطب ؟؟ وين تحط حطبك فيه ؟؟


والله يعينك علينا


محبك / عود رمث

مرحبا بك ياعود رمث
والله يحيك يسعدني سؤالك ويسعدني مرورك
وبالنسية للباب الي يبي جواب تفضل:
الشغل شغلي وانا اشتغلت شي بسيط ومعي عمال الى أن عرف العامل المطلوب
وعندك الشباك شغل يدي 100% تصميم وتنفيذ
وصبغ السقف الالوان أنا مركبة أما الجدران فهي "المشاشكو المعروفه" من دهنات الجزيرة
والقوالب جاهزه لكن تعبت تعبت لين لقيت الي في بالي والقوالب "أشكال والوان"
والي أستخدمته جبس ولليف
وطاق الحطب فيه طريقتين
1-أحط باب خشبي على الطراز القديم في القوس الايمن من الوجار ويكون عرضه 60 وعمقه لافتحت الجدار 70 او 1متر.
2-او أسوي أمتداد من الوجار بأرتفاع 90 سم الى الركن . (وهالطريقه راح تكون متعبه )وماني مقتنع فيها.
وخذ راحت وانا أخوك....
محبك الثويمري

[الثويمري]

سوال اذا ممكن
البكم يشتغل .......... عندي اسطوانات .... ناخذ فنجال وطرب

البكم يشتغل وعندي أسطوانه لنجات الصغيرة
والله يحيك أنت ومن معك وأسطوانتك جبها
والله يحيكم ياجماعه

[االديحاني]

الله يعطيك العافيه