ماهو احسن طريق من القصيم الى الطائف

[ذيب صعافيق]

السلام عليكم ورحمة الله كثرة الطرق اونقول التحويلات من القصيم الى الطائف فماهو الطريق الاحسن للي معه سائق غشيم مع ارفاق خريطه _ان امكن_ جزاكم الله خيرا وخاصة الى ظلم

[ابو خالد 2006]

نقطة البداية رايح تكون من وين ؟

[AMAZ]

1- عندك طريق الرس _ دحنة - نفي- البجادية- عفيف- ظلم-(طريق الرياض الطائف السريع ) .
طبعا مايمحتاج رسم لانه طريق واضح وفيه لوحات عليك باتباع للوحات كما كتبت لك لكن افضل شي انك تمشي بالنهار لانه طريق واحد وفيه جمال سائبه . والمسافة من الرس الى ضلم الطريق الى هو صعب سيد واحد (400كلم) والمسافة من ضلم الى الطائف (220كلم) سريع

وفيه طرق مختصره لكن بالنهاية كلها تحول على عفيف يعني فرقها بسيط يمكن 20 كلم ماتستاهل انك تروح معاها لانها طرق شبه زراعية وتمر في قرى كثير ولفات .

[خالدعبدالعزيز]

والله وانا اخوك قال المثل عليك بالدروب لو طالت وبنت العم لو بارت
انا اشوف بما انه معك سائق غشيم الله يحفظنا وياك يارب من كل غشيم انك تروح لرياض ومن الرياض على الطائف اولا طريق سريع سيدين الشي الثاني استراحات ومحطات كثيره بامكانك الوقوف باي وحده منهن
فانا اقصد اشتر راحتك النفسيه واشتر سلامتك وسلامت الي معك بزيادة ساعتين على طريق سريع مهب مكسر وسيدين مهب سيد واحد
امل اني افدتك تقبل مروري

[رسلان]

الطريق الرسمي المعروف من القصيم عبر الرس - البجادية - عفيف - ظلم - سريع الرياض الطائف

وهناك طريق آخر جديد وأغلب الناس تذهب معه الآن وهو من الرس إلى عفيف أيضاً ويختصر 45 كم وليس 20 كم فقط ! ولكن يحتاج شوي للأنه غير مباشر وفيه عدة لفات

الطريق للرياض ثم للطائف هذا مبااااااااااااالغ فيه جداً وبعيد جداً ولا داعي له بتاتاً !!! يزيد مئات الكيلوات على حسب مكان الانطلاق ولا أقل من 300 كم !!

أنصح بالطريق المعروف منذ زمن جدي وهو طريق الرس - دخنة - البجادية - عفيف - ظلم - السريع حتى الطائف

طبعاً الطريق فيه المسارين وفيه المسار الواحد حتى ظلم يأتي السريع

هذه خارطة تبين المسارين القديم والجديد

الأحمر العريض هو الطريق المعروف
بالأزرق الصغير هو الطريق الجديد ( تقريبي )

(( المسافات تجدها بالأسود أرقام على الطريق وتكون بين علامتين .. علامة خط فوقه دائرة سوداء )




أرجو أني أفدتك

[تفاح]

الصدز اني مدري

[أبو علي 444]

الله يعين ..

[AMAZ]

الاخ الذي يقول انه تروح للرياض ومن الرياض تروح للطائف(رايح تضيع الرجال وتحمله مشوار حوالي 1400كم) انا لما وصفت له طريق الرس دخنه من شان انه مختصر لكن اذا هو يبي سريع ياروح مع طريق ( القصيم -- المدينة -- مكة المكرمة -- الطائف ) المسافة كلها تقريبا (1200كم) لكن انا انصحك في طريق الرس دخنة والله طريق قريب بعدين مختصر بعدين فيه لوحات واضحه مايضيع على طول اتبع اللوحات التي مكتوب عليها مكة المكرمة . وكل ماتشك انك مانت متجه المحطات على ايمن الخط وايسره اسئل وين طريق الطائف او مكة وهم يدلونك .

[ذيب صعافيق]

شكراللاخوان ابوخالد2006 و Amaz و خالدعبدالعزيز ومشرفنا رسلان وتفاح وابوعلي 000000000000

[مغلي]

http://burnews.com/news-action-show-id-53209.htm

الأمير فيصل بن مشعل : مشروع طريق القصيم - مكة المباشر قطع مايزيد على 200 كم من مسافته

أكد سمو الأمير الدكتور فيصل بن مشعل أن مشروع طريق القصيم - مكة المكرمة المباشر قطع مايزيد على 200 كيلو متر من مسافته ، موضحًا أن مبلغ ترسية المرحلة الثالثة للمشروع تجاوزت 378 مليون ريال ، وأنه سيستكمل بعد شهر رمضان المبارك لما تبقى من ميزانية المشروع بقيمة ستتجاوز 140 مليون ريال لتنفيذ هذه المراحل المتبقية له ويدخل في صلاحيات المنطقة.
وأشاد سموه بما رآه من العمل الذي يقدمه المقاول القائم على طريق القصيم - مكة المكرمة المباشر ، وبمتابعة فرع وزارة الطرق والنقل ، واعداً سموه بزيارة للمشروع بعد أسابيع قليلة للوقوف على المرحلة الثالثة منه لمشاهدة عمل القائمين على هذه المرحلة عن قرب ، مقدرًا الجهود المقدمة والمبذولة من قبل أهالي محافظة الرس والمراكز القريبة من المشروع لتذليل العقوبات والصعوبات أمام هذا الطريق.
وتوقع سموه أن يخرج إلى النور في العام القادم معظم طريق القصيم - مكة المكرمة المباشر ، مشيرًا إلى أن الجزء المتبقي من المشروع في منطقة القصيم يتميز بسهولة التضاريس ، وأنه سيكون هنا انجاز على ارض المشروع لتحقيق ما يرضي المواطنين في ذلك المشروع.
وأكد سمو نائب أمير منطقة القصيم أن هذا المشروع لايخدم أهالي المنطقة فحسب وإنما يخدم المواطنين جميعا في المملكة من شمالها وشرقها ، وأهالي منطقة دول الخليج المجاورة.

[مطر سعيد]

الراي عندي ولا تزعلون كلكم
اشحن سيارتك للطائف واركب لك طياره وهذا اسرع شي

[fahad2013]

الطريق اللي ذكره الاخ رسلان باللون الازرق هو الاقرب ذهبت معه عدة مرات وافضل من مفرق البجادية
عموما الطريق المشكلة ليست في البعد ولكن لانه سيد واحد من الرس الى ظلم تقريبا 400 كلم تحس انها 1000كلم ويمر الخط مع قرى كثيرة جدا والخط ضيق وفيه جمال سائبة والطريق خطير وأكبر مشكلة طريق ظلم عفيف 160 كلم ولايوجد أي محطة
ولاينصح بالمشي فيه الا بالنهار
ومازلنا نتعشم بسرعة إنجاز طريق القصيم مكة