أنت تسأل ونحن نجيب، اكتب استفساراتك هنا... وابشر بعزك..

[Magellan]

أرجو التوضيح اكثر


وشهو الريس؟

هذي كلمة عند أخوانا الخليجيين يسمون عداد ضغط المكينة (RPM)بالريس..

[أبو فهد11]

السلام عليكم أخوي فني الشروكيات

فيه مشكله في الباث فندر من موديل 2003 إلى 2005 وهي نقص الزيت

وما أدري وش الحل لهذه المشكله مع العلم أنها ما تطلع دخان ازرق او ابيض

والموتر اذا فحصته قالوا نظيف ما به اي عيوب

وكيف يمكن معالجتها

أرجو التوضيح

أخوكــ أبو فهد11

[shehab450]

الله لا يحرمك الأجر ومتعك الله بالصحة والعافية

[خواتم]

السلام عليكم
صاحب ورشة يقول انه يولف طرمبة بنزين للجمس و اليوكن بحيث يركب طرمبة فورد هل كلامه صحيح وهل تنصح بالتوليف اكيد تعرف بمشكلة الطرمبة؟

بارك الله فيك

[بليزر]

اخي / الفني
السلام عليكم ورحمة الله وبركاته
ياخي عقب ما قريت ردك وانا اقحص لم الموتر واشوف زيته و ابشرك احمرررررررر زيت نظيف زي يوم غيرته جديد ولا نقص و لا إحتراق ولا فيه إلا العافيه
يعني يبقى علينا وزن القير لكن منه عنده نوزن ما تشور علينا بمهندس نروحله ويكون تكانه ما يتعبنا ويا خذ حلالنا و الله نسأل لك الخير الجزيل . اخوك تراه يحب موترة وعزيز عليه . تكفى افزع لنا الله يوفقك للخير

[تاهو2007]

موضوع رائع بارك الله فيك .. سؤالي وانا اخوك وش الطريقة الأمثل والآمنة لرفع مقدمة تاهو 2007 .. ودي ازيد ارتفاع الوجة شوي عن الآرض لأني مركب ونش وشبك ونزل زيادة .. وانت خابر البر واحتياجات الأرتفاع .. ولكن كل همي انها تكون آمنة وماتخل بتوازن السيارة.. وبارك الله فيك

[قناص حفراوي]

بالله يا شباب سؤال وشلون يقولون الباثفندر امريكي وهو من صنع نيسان ياباني بالله ابسرعه

[فني الشروكيات]

حيا الله الجميع..


أرجو من الله أن يعينني ويوفقني في إجاباتي على تساؤلاتكم..



أخي الكريم: أبو عقل: شرفني مرورك، وبخدمتك بأي وقت..
تحياتي لك ..


الأخ نيسان 94: أنت بحاجة إلى تصفية مكينة، أولاً، ووزن كاربريتر، فإن تعدلت الأمور، وإلا يلزمك عمل طقم إصلاح للكربريتر، -يشترط أن يكون أصلي- ..
والله ييسر أمرك..


ماجلان: مشكور على التوضيح، وبيض الله وجهك..


أبو فهد: حياك الله أخي العزيز: بالنسبة لسؤالك عن الباثفايندر: هذه المشكلة سببها أخي وفقك الله المشي بسرعات عالية ولمسافات طويلة، يضعف الشنبر مع الوقت، وهذا من العيوب المصنعية في محرك الباثفايندر. لكنه مشكلة تعتبر بسيطة، وذلك لأن الصرفية، تعتبر بسيطة نسبياً إذا ما قورنت بمحركات أخرى، كمحرك lt1 مثلاً على السرعات العالية..
هذا طبعاً في حالة عدم وجود تهريب للزيت –يعني السيارة تصرف زيت ولا فيه تهريبات-، أما في حالة وجود تهريبات، فيلزمك معرفة مكان التهريب ثم إصلاحة –صوفة ونحوها مثلاً...


شهاب: حياك الله، يشرفني مرورك.
تحياتي لك أخي الكريم.


خواتم: الجمس طرمبة الوكالة حقته علة، ومن تجاربي معها: طرمبة الفكس آر، ولم تكن ناجحة، وركبنا طرمبة مرسدس، ونجحت لكن بصورة غير كاملة،
النجاح الكبير الذي حققناه ولله الحمد هو طرمبة الفورد، أفضل شي طرمبة الفورد، خذها وانسا شي اسمه طرمبة تخرب، بس يبيلك ترهم الفيش حقها، خذ لك فيش وسلك أصلي، وتشوفلك واحد فنان عشان يركبها لك صح.
تحياتي لك..


بليزر هلا بك والله: الأفضل ترجع للي وضب لك القير أول مرة، وتخليه يوزنه لك، لأنه هو اللي اشتغل فيه قبل، إذا ما عرف يضبطه وده ترايستار وإن شاء الله يضبطونه لك.
أتمنى لك التوفيق.



تاهو 2007: الأفضل أخي الكريم أنك تخلي الموتر على ماهو عليه، حسافه الموتر جديد، لأن الرفع بيحوس عليك الدنيا، بيسبب لك رجة خاصة إذا كان الموتر دبل، ولازم تنزل القير، أو تركب كعكة خلفية، يعني أنواع الحوسة، خل السيارة على ما هي عليه أفض لك بكثييييييييييييير.
أتمى أن تكون الفكرة قد وصلت.
تحياتي لك...


وفق الله الجميع..




ولا تنسو التقيييييييييييييييم ...

[فني الشروكيات]

قناص حفراوي:

إذا قالوا: باثفاندر أمريكي، يعني استخدام أمريكي.

يعني مثل ما يقولون خليجي سعودي...........إلخ

[Magellan]

موضوع رائع بارك الله فيك .. سؤالي وانا اخوك وش الطريقة الأمثل والآمنة لرفع مقدمة تاهو 2007 .. ودي ازيد ارتفاع الوجة شوي عن الآرض لأني مركب ونش وشبك ونزل زيادة .. وانت خابر البر واحتياجات الأرتفاع .. ولكن كل همي انها تكون آمنة وماتخل بتوازن السيارة.. وبارك الله فيك

يعني مثل هالموتر

[فني الشروكيات]

حيا الله الجميع..


أرجو من الله أن يعينني ويوفقني في إجاباتي على تساؤلاتكم..



أخي الكريم: أبو عقل: شرفني مرورك، وبخدمتك بأي وقت..
تحياتي لك ..


الأخ نيسان 94: أنت بحاجة إلى تصفية مكينة، أولاً، ووزن كاربريتر، فإن تعدلت الأمور، وإلا يلزمك عمل طقم إصلاح للكربريتر، -يشترط أن يكون أصلي- ..
والله ييسر أمرك..


ماجلان: مشكور على التوضيح، وبيض الله وجهك..


أبو فهد: حياك الله أخي العزيز: بالنسبة لسؤالك عن الباثفايندر: هذه المشكلة سببها أخي وفقك الله المشي بسرعات عالية ولمسافات طويلة، يضعف الشنبر مع الوقت، وهذا من العيوب المصنعية في محرك الباثفايندر. لكنه مشكلة تعتبر بسيطة، وذلك لأن الصرفية، تعتبر بسيطة نسبياً إذا ما قورنت بمحركات أخرى، كمحرك lt1 مثلاً على السرعات العالية..
هذا طبعاً في حالة عدم وجود تهريب للزيت –يعني السيارة تصرف زيت ولا فيه تهريبات-، أما في حالة وجود تهريبات، فيلزمك معرفة مكان التهريب ثم إصلاحة –صوفة ونحوها مثلاً...


شهاب: حياك الله، يشرفني مرورك.
تحياتي لك أخي الكريم.


خواتم: الجمس طرمبة الوكالة حقته علة، ومن تجاربي معها: طرمبة الفكس آر، ولم تكن ناجحة، وركبنا طرمبة مرسدس، ونجحت لكن بصورة غير كاملة،
النجاح الكبير الذي حققناه ولله الحمد هو طرمبة الفورد، أفضل شي طرمبة الفورد، خذها وانسا شي اسمه طرمبة تخرب، بس يبيلك ترهم الفيش حقها، خذ لك فيش وسلك أصلي، وتشوفلك واحد فنان عشان يركبها لك صح.
تحياتي لك..


بليزر هلا بك والله: الأفضل ترجع للي وضب لك القير أول مرة، وتخليه يوزنه لك، لأنه هو اللي اشتغل فيه قبل، إذا ما عرف يضبطه وده ترايستار وإن شاء الله يضبطونه لك.
أتمنى لك التوفيق.



تاهو 2007: الأفضل أخي الكريم أنك تخلي الموتر على ماهو عليه، حسافه الموتر جديد، لأن الرفع بيحوس عليك الدنيا، بيسبب لك رجة خاصة إذا كان الموتر دبل، ولازم تنزل القير، أو تركب كعكة خلفية، يعني أنواع الحوسة، خل السيارة على ما هي عليه أفض لك بكثييييييييييييير.
أتمى أن تكون الفكرة قد وصلت.
تحياتي لك...


وفق الله الجميع..




ولا تنسو التقيييييييييييييييم ...

[saleh585]

الله يعطيك العافيه على الموضوع الي اكثر من رائع
طيب ممكن طلب اخي الكريم فني الشروكيات
انا ودي اشتري شروكي بس اني ترددت من كثر سب الناس فيه
والي يقولي كانك شريته تراك تبي تعرف على حقين الصناعيه كلهم (قصده من خراباته )
وانا والله ياخوي الموتر داخل مزاجي وحبيت اسالك وشو افضل انواع الشروكي وكم المديل المرغووب
وشي اكثر الخرابات الي يشتكي منها الشروكي وهل لها حل او لا
واسف اخي الفني على الاطاله
وانا انتظر درك علي باقرب وقت الله لا يهينك
تقبل مروري اخوك :
صالح

[تاهو2007]

يعني مثل هالموتر

أي والله مثل هذا ....ولو ان اللي بالصورة يوكون بس كلهم أخواااان .... عز الله انك عوووورت قلبي وانا اخوك وجيت على الجرح ....آآآآه لو ان مويتري مثل كذا كان علووووم ... بس واضح من الصورة انه برا المملكة يعني ماحولك احد يسوي مثل هالشغلات ... بس الصورة اكثر من رائعة وبارك الله فيك

[تاهو2007]

حيا الله الجميع..




تاهو 2007: الأفضل أخي الكريم أنك تخلي الموتر على ماهو عليه، حسافه الموتر جديد، لأن الرفع بيحوس عليك الدنيا، بيسبب لك رجة خاصة إذا كان الموتر دبل، ولازم تنزل القير، أو تركب كعكة خلفية، يعني أنواع الحوسة، خل السيارة على ما هي عليه أفض لك بكثييييييييييييير.
أتمى أن تكون الفكرة قد وصلت.
تحياتي لك...


وفق الله الجميع..




ولا تنسو التقيييييييييييييييم ...

ودي بكل امانة اني ما ا سوي شئ بس مضيق صدري اذا قام يحك وجهه ياليت فيه حل بدون حووووسة .. وما شرينا الموتر دبل الا عشان نتهنا بالبر والنفود والشعبان لكن ... عساك تلاقينا حل الله يوفقك ..... تحياتي وبارك الله فيك وفي جهووودك

[NISSAN 94]

الريس هو منظم الي بالماكينه الي لما تشغل السياره وهي بارده يكون صوت السياره علىي وبعدين لم تسخن ينزل صوت الريس