السلام عليكم ورحمة الله
يا خوان شهويتوني بها الحنيذ ومالنا غناة عنه الين نجربه
على العموم سؤالي واضح
وين ألقى أغضان المرخ الخضراء الطازجهههه
ولكم مني فائق التحيه
أخوكم غار صوار
..
.
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله
يا خوان شهويتوني بها الحنيذ ومالنا غناة عنه الين نجربه
على العموم سؤالي واضح
وين ألقى أغضان المرخ الخضراء الطازجهههه
ولكم مني فائق التحيه
أخوكم غار صوار
..
.
تحصله عند المطاعم بطريق الملك عبدالعزيز
بالقرب من وزارة الدفاع
وأنا اقول ترى سعف النخيل افضل من المرخ ونفس الطعم
أخوي انا مثلك أدورها عجزت ألاقيها بس والله سمعت الكثير يقولون أن السعف أحسن من المرخ وأخويcrydays ماقصر بالتوصيه عليها
أشكرك أخي crydays على مرورك وإجابتك على تساؤلي لكن تهقى المطاعم ببيعون لي ما ضنته يسوون تسذا على العموم مشكور ومتشكر مرورك وتعليقك
الله يعين ما لنا إلا السعف الله يخليه لنا ولعل وعسى يضبط
وأشكرك أخي عبد المجيد على المرور والتعليق
ولك مني أحسن تحيه
تحيتي لكما جميعا
,,
,
اخوي خل عنك المرخ وعليك بالسعف
وبعدين اهل الجنوب ما استخدموا المرخ الا على البيئة الي هم عايشين فيها البيئة الجبلية وانت الحين في البيئة الصحراوية يعني عليك بالسعف
تقبل تحياتي
بالنسبة للمرخ تحصله حدر ضلعان القديه الى نزلت من القديه أطلع يمين وبتحصله وتعرف أنه ما ينبت في السهل يعني بتلاقيه في أسفل الضلعان حول الجرفه وعلى الاطراف وبعدين لازم أنك تعرف شكله ولا مانت لاقيه وتحياتي ولا تنساني من الحنيذ
التعديل الأخير تم بواسطة ALBDRANE ; 26/05/2008 الساعة 07:59 PM سبب آخر: ز
والله إنك طموووووووووووووووووح
المرخ والسلع مكونات الحنيذ
والتواجد الله يسلمك توصي لك أحد من الجنوب وإلا تشوف أحد بيجي على الطيارة أو يرسله بحافظه
أوصي واحد من الربع في أبها إذا صارت عندي عزيمة وأخليه يرسله بحافظة...لكن إذا الطيارة تأخرت لاي سبب الله يجملك على معازيبك
المرخ موجود بكثرة في الرياض أسئل وبتلقاه
العسبان وبس
تبي حمل ددسن اتصل نصل هههههههه موجود بعد التفتيش اللى على طريق الخرج يمين واذا كنت تبي زود معلومات ردلى على الخاص مشكور
جربت المرخ والعسبان مافيه مقارنه المرخ اطعم ينكه باللحم اسئل مجرب ..
شكرا لمشاركتكم وتفاعلكم مع الموضوع
والله يجزاكم خير
لكن ياخوان حيرتونا ناس مرخ وناس عسبان
بنجرب العسبان ونشوف
ولكم مني فائق التحية والإحترام
..
.
أخوي جلمود الله يخليك يا ليت توضح مكانه أكثر لأنه على طريق المزرعه
سعر المرخ غالي وهو موجود بالرياض قريب من سوق الغنم والبشام يقولون افضل من المرخ والسعف
الذين يشاهدون الموضوع الآن: 1 (0 من الأعضاء و 1 زائر)