بسم الله الرحمن الرحيم
السلام عليكم ورحمة الله وبركاتهأحبابي أريد أرقام تشاليح لجيوب لاند كروزر في الرياض ولكم مني الدعاء
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
بسم الله الرحمن الرحيم
السلام عليكم ورحمة الله وبركاتهأحبابي أريد أرقام تشاليح لجيوب لاند كروزر في الرياض ولكم مني الدعاء
عجلوا علي تكفون التشليح بالحاير وانا شمال الرياض\\\
وعليكم السلام
اخوي عندك تشليح الكويت وخليجي كلها بحائر
ولاكن ما عندي ارقامهن اتمنى اني قد افدك
لك رسالة على الخاص
أعلن الآن بعد مارحت اليوم العصر الخميس إلى الحاير عن أسفي البالغ عن الأسعار المقاربة للوكالة وأقول ياخسارة المشوار وخرجت من الحاير وأنا ماسك راسي من العجب العجاب والغريب إن فيه ناس يشرون بسعر مثل الوكالة وهم مايدرون ولا أبالغ وشكرا للجميع ..
صحيح كثير من الناس
يجهلون اسعار القطع بالوكاله
يروح التشليح ويلقا القطعه اللي يبي
ويقوله راعي التشليح ب 100
وياخذه واذا راح الوكاله يلقاه ب 50
(((واللي يرفع الضعط اذا قلتله هذي سعرها بالوكاله ب...... يقولك رح خذه من الوكاله)))
يدري بيجيه واحد ياخذه بالسعر اللي يبي
الله يعين على التشاليح
لحايل وحايل لا عطشت الفخر تروين**وغيـاض مـع بـرزان عـدّ الرواويّـه
شربنا غلا حايـل ونفنـى لهـا مغليـن**ولا عاش شعرٍ مـا صـدق للسنافيّـه
لو إن الغلا ماقـد ذبـح قبلنـا ياحسيـن**ذبحنـا غـلاء تـاج الديـار الشماليّـه
ياوجه الله حتى البلاء ذا جاكم في الرياض بعد ؟
والله ياعندنا في تبوك ياأهل التشاليح ( يمزعونا مزع ) لا وكلهم سودانيين ومصاريه متسعودين ولا يقوم الواحد من مكانه والمشكله ان تبوك تشتهر بالغبار يعني تلقى نص السيارة في التشليح مردوم من التراب ( أكرمكم الله) ولا ترتيب ولا ماهم يحزنون ومع ذلك ( شين وقوي عين ) باب خلفي ونيت قلت له بكم قال بــ 2000 ريال تخيلوا لو بيبيعني الصندوق بالكامل بكم اتوقع بــ 5000 ريال
لا ومره قلت لهم ابغى اصطب ونيت خلفي قيمته في الوكاله بـ 180 ريال جديد أصلي قال الحبيب في التشليخ ( ماهو التشليح ) بــ 240 ريال
يااخوان انتبهوا منهم والله اني سألهم عن حاجات انها اغلي من الوكاله ولكن طالب تسعيرة ولما اطلع عليها ضاع وجهه يعطون اسعار دبل
اخوي لاتروح الحااير بتاتا البته
فيه محل في الصناعيه القديمه
تخصصه لاند كروزر انا من الاشخااص الي اتعامل معه واذا القطعه مو موجوده عنده يقوولك بكره تجي
العنوان
اذا خليت السالم للزجاج السيارات على يمينك ووجهك شمال بيجيك بنشر على شارعين ادخل من عنده يمين
امش الين يجيك حر T ثم لف يساار وشف المحل على يمينك قطع غيار مستعمل
أشكر الجميع على مداخلته ويبقى الموضوع فائدة لمن أراد التشاليح ..
وحقيقة عن نفسي ما أشوف مثل تشليح العجلان ببريدة وسعره المناسب جدا لكن متى أروح لبريدة ؟
ولا يهون الرقيبة ..
أستغفر الله الذي لا إله إلا هو الحي القيوم وأتوب إليه
تسلم يالغالي على المعلومه وتراك بارك الله فيك ورحم الله والديك وفرت علي المشوار للحاير ، لأن وصف المحل قريب مني وممكن اروح له مشي (وترى تشليح الخليج والي يجي على اليسار في الحاير مزود كثير في القطع ولكن سبق وتعاملت مع الهندي ابو شنب الي عنده كذا مره وصار يرخصلي في اسعار بعض القطع ويارب استر علينا وعلى كل مسلم من روحة التشاليح)
ودمتم سالمين وعن التشاليح مبعدين
من وجهة نظري ودي يكون عليهم رقابه على الاسعار
رحت لتشليح الرياض في الحاير بغيت مرايه جانبيه
للاف جي قالي نهايتها بـ 900 وكنت باخذها نقصة فلوسي 100 ريال قلتله بــ 800 ورفظ البيع خيره من ربي
وخذيتها من وكالة عبداللطيف اللي عند اسواق طيبه
بــ 343 ريال جديده بكرتونها أصليه
والله قهر الحذر يارجال منهم
الذين يشاهدون الموضوع الآن: 1 (0 من الأعضاء و 1 زائر)