السلام عليكم
اولا اهنيك على اختيارك المنطقه الشرقية لان الصراحه هذي المنطقه وسيع صدره بشكل كبير
ثانيا كثيره روحاتي للشرقيه لان له ذكرى وحنييين لهذي المنطقه
نظرا لدراسة المرحلة الجامعية بالشرقية
نرجع لموضوعك
اذا كنت من النوع الي يهتم بخدمات الشقق وجودة المبنى وما ادري ايه
بهذي يفيدك غيري
اما اذا كان كل مقصدك عشان النوم وانك تحط اغراضك فالمطلوب عندي
انا دايما اسكن بشقق ولا عمري غيرته
وهي غرفه وحده وحمام والجميع بكرامه
ومطبخ بس الصراحه ما اسميه مطبخ لان كل الي به مغسله وحمايه على الكهرب
ومساحته صغيره ما تتعدى متر ونص في مترين
موجود اثاث جديد سريرين ودولاب واحد ومع التلفزيون
والعماره مجدده تجديد بسيط والارضيه سراميك جيد
وسعر اليوم بـ 80 ريال
اذا كان مقصدك مثل ما قلت بس للنوم تراه ممتاااااااازه لان موقعه بالنسبه لي اعتبره جدا ممتاز لانه اقرب منطقه سكنيه للبحر (الهاف مون)
ويبعد عن مركز المدينه لو قسنى على (مجمع الراشد)
ما تتعدى 4 كيلوا وعلى نفس الشارع
الموقع على شارع العزيزيه العام بالخبر قبل كوبري الي فوقه مطعن كنتاكي
اذا جازلك الي عندي رد علي بالموضوع عشان اوصفلك من يوم تدخل الشرقيه