مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
انت الي والله علمك غانم ياراعي بيشة وانت سابقنا لهالخير ولامانه النقل والموضوعية .. بعض من المشاركات كما اسلفت منقول من منتدى عسير
------------------
هذا وصف يمشي الحال لهضبة العروس الي بعض اهل ايضاً يجهلونها
تقع هضبة العروس على طريق أبها _ خميس مشيط بعد اشارة المنسك باتجاه أبها قبل المحطة الموجودة هناك طريق فرعي يمين موازي لجدار .. بعده بأقل من كيلو واحد تظهر لك هضبة العروس...
ملاحظة هامه:
قريب ببعض الردود بالانترنت من بعض سكان تلك المناطق بانهم يحمدون ربهم على ان مناطقهم لازالت نائية ولم تطلها ابصار السائحين .. ويطالبون اشد المطالبة بان تبقى مجهولة وغير معلومة.. وانا اقول من حقهم ولعلها همسة في اذن اخواني بان لا يقتحمو الاماكن الخاصة والمزارع المملوكة وان يتركو المكان كما كان او افضل مما كان وان يتعاملو مع اخوانهم بتلك المناطق بالحسنى ولين الجانب..
منتجع السوده 100%
الدعساوي بيض الله وجهك
ليت تشرح لنا شوي المنتجع وهل سكنته وكيفه للعائله لكبيرة
أسعاره ، عيوب مميزات
راعي بيشة
السودة هذي ماحبيتها .. ياخوك زحمة وعالم مشافيح ( كل عزابية الخميس يتكون فيها) فانا امرها بالموتر فقط واحيانا اروح للجهة الي يمين الخط .. هالجهة مخصصة للعوائل.. ولا عديتها بكيلويين لمنزة الجعيثن .. صراحة انبسطت فيه وغالب جلستي فيه للغداء.
ايضاً قبل لا تاصل التلفريك فيه مخرج على يسراك اسفلتي.. اطلع معه واي خط يمين رح معه .. بيوديك لمطل خلف الجبل حق السودة .. رائع جداً.
والله ياخوك .. المشكلة اني مثل ماقلتلك فرمت القارمن ولا والله يافيه مواقع روعة وميزتها ماحولك احد وللاسف اني مو ذاكرها تماماً فصعب اوصفها بالتهجس.
لكن الوعد ان احيانا الله هالسنة.. بانزل خريطة لابن غييثات
بيض الله وجهك يا بن غييثات
الخريطة تكفى نتحراها بعد رحلتك إن شاء الله
والله يجعلها رحلة مباركة
آمل إرسال رقم الأخ اللي في أبها على الإيميل a_mahnabi@hotmail.com
ومشتاق لبرنامج ال (15) يوم لأني غشيم بأبها
ولكم جزيل الشكر والتقدير
أخوكم أبوعبدالله
تكفى وانا خو بن غييثات العلم اللي جبته صحيح
بودل الخليوي ب 700 من اليوم
حسبنا الله والله شي مبالغ فيه
لو بادفع 700 سكنت في قصر أبها حتى لو أغلى
5 نجوم وخجعبة ودلع وكاريمبوو 000000 وهذا الأخير أظنه أسم لاعب فرنسي معلش
عموماً برج أبها والتوفيق الذي بحي الخشع أو أبهى القصور الفرع الداخلي ليس الرئيسي
زينه نصيحة
أما عائلة كبيرة فربما فلل السودة ممتازة أو اللي في طريق السودة
أبو تركي الخالدي توني شفت كلامك في عزيزه
الحقيقة جيناها زمان مرات عديدة وأذكر بها وادي ما ينقطع السيل منه
ولها لوحه توضح مدخل عزيزة
وهي على طريق السودة يسار
وترا مبطي منها لكن أبشر بعزك أبحط تقرير عنه خاص إن شاء الله
يزيد الأول سوف أنسق لك برنامج 15 يوم عطني شوية وقت
السلام عليكم راعي بيشه انت ذكرت/ فيه أحد الشباب من أبها رجل طيب وراعي دين ممكن يفيد البعض وخدوم جداً اللي يبي رقمه أرسله له على الخاص الله يسلمك ارسل رقمه ولك ولرفيقك جل التقدير
وسوف أرجع لأكمال الموضوع إن شاء الله
أخي الرسام حاولت أرسله لك على الخاص فوجدت خياراتك لا تقبل الرسائل على الخاص
فيه سكن ممتاز مقابل الجوازات على الدايري
مدخله من ظهر
اسمه المحمديه أو ديار المحمدية بس السعر ما ادري يمكن غالي
الذين يشاهدون الموضوع الآن: 1 (0 من الأعضاء و 1 زائر)