@@@%%%=====> رابطة ملاك الشيروكي <=====%%%@@@

[خبيرخسائر]

السلام عليكم

أنا أويد الفكرة وأنا من ملاك الشيروكي 2002
وعندي مشكلة في المتكم .مكيف يوجد تهريب ووديته لورشه وقالوا ثلاجة تغيير وشغل يد 500 ريال والثلاجة 400 ريال ,,
هل المبلغ معقول أو كثير ..

وياليت ورشة في الرياض محترمة وممتازة للشيروكي وسلامتكم

هلا اخوي
معي قراند شروكي 99 حصل فيه تهريب في المكيف وديتها لورشه
وقالو عندك الثلاجه لازم فك طبلون كامل يالطيف

الشباب والله فكو الطبلون كله طلعنا على الكبوت كل مسمارفكوه لين طلعو الثلاجة
وجابو من التشليح ماحصلنا جديدة نفس الشكل للثلاجة
وركبوها وضبط شغلهم ممتاز

كلف الشغل حوالي 700 والثلاجه 400
الورشه المطويع في صناعية القديمه الرياض ولديهم تشليح خاص بهم في الحايرررررررر

[السالمي]

معكم قلبا وقالبا

قراند شروكي 2000

[جارح1]

فووووووووووق ياشروكي فوووووووووق

[شيروكي97]

السلام عليكم

[شيروكي97]

شباب وين الاقي دفرس ؟؟
حتى لو اجيب كونتينر من برا انا صاحب تشليح وشابف ان مشكله الدفرس كبيره ويعاني منها الشروكي للاسف
ممكن آخذ آرائكم ؟

[Cool 3la 6ooL]

السلام عليكم

معي قراند شيروكي 2006 ومكتوب في الكاتلوج استخدم بنزين 89 طبعا حنا ماعندنا 89 فمالك الا 91
سؤالي لو اعبي 95 بيفرق العزم من وجهة نظركم او لا؟
وياليت اللي معه قراند شيروكي من 2005 وطالع ينورنا بنوعية البنزين اللي يعبيها.

[كاريزما2]

مرحبا شباب انا اولا مو راعي شيروكي راعي وانيتات قديمه وسبق واستعملت الشيروكي وافضل الشيروكيات موديل 91 الي 96 غير كذا لاتقنعني لان طريقه سير العجلات تختلف عن مثيلاتها بالموديل 97 و98 الي اخر موديلات وصراحه سياره اهم شيء لايلمس الكهرباء عليمي وانت بخير وبخصوص الحراره لها حل ترمستات كابرسموديل 96 ركبها علي الشيروكي وانسي الحراره وحاول كل 6 شهور تفتح هوز الرواديتر العلوي وتغير الماي واتمني استفدتوا من كلامي وبالاخر اقولكم كلنا شغل امريكي وعيال عم قال تويوتا قال اطلع منها

[حقوق المطر]

ودي اعرف ليش حذفت مشاركتي بالرابطه !!

مع انها مجرد اعلان انضمام

وصوره للجيب اللي عندي




ممكن افهم ؟؟؟

[التمَاري]

ماش رابطه نايمه

[Cool 3la 6ooL]

طيب شعللها

من خبراتكم وش افضل محل تشتري منه قطع غيار (الوكالة) او (الموزعين مع ذكر اسم ومكان الموزع)

قبل يومين اشتريت فلتر زيت اصلي من محل في الصناعية واكتشفت بالاخير انه تقليد

[راعي النبات]

انا املك شروكي سبورت2001
معكم قلبن وقالبن
اتمني
1-ان يوضع قسم لبيع الشروكيات وقطع الغيار
2-مشكلات الشروكي اكثرالمشاكل الي تحصل مثل التسخين خربات المكيف وغيره الكثير وتتدر في الخرابات
3-ياليت من الاخوان الي يحصل عنده مشكله في جيبه وينوي يوديه للورشه يقوم بتصوير العطل وطريقه التغير بصور او يقوم بتصليح الخراب بيده مع التفصيل الممل.
وتقبلو تحياتي...........................

[عاشق تويوتا]

هلا والله اخواني
يشرفنا انضمامكم معنى
التفاصيل هنا :http://www.mekshat.com/vb/showthread.php?t=202606

[bader_ls]

السلام عليكم ورحمه الله وبركاته
انا مع الرابط ه ولها
وانا لدي اقتراح للفائد (لكل من واجه مشكله في الشيروكي او الجراند شروكي )
واستطاع ان يحلها اتمنى ان يطرحها في الرابطه لكي يستفيد الاعضاء من خبرته
وانا اول واحد ابطرح المشكله التي واجهتني واستطعت حلها
انا لدي جراند شروكي مديله 94 ومركب ماكينه 98 ثمانيه سرندل وكا ن الموتر
يطفى فجئه وتختفي الكهرباء نهائي عن السياره وبعد مده من التشييك الشخصي
على الاسلاك اكتشفت انه السلك الرئيسي من البتري الى السلف هو السبب
حيث يوجد به كربون (اكسده ) داخل السلك وتم اصلاحه وانتهت المشكله

[bader_ls]

كيف تعرف بوجود الاكسده !!!
ذالك سهل جدا سوف ترى الاسلاك بها انتفاخات مثل
لسعات الدبابير وشكله متعرج وغير متساوي
وايضا عند مخرج السلك النحاسي من الربله
الي عند البتري يكون عليه (اكسده كربون لونه اخضرفاتح )
وشكرا

[bader_ls]

طريقه سهله لازاله الاكسده عن اصابع البتري (البطاريه)
فقط احظر ماء يغلي واسكبه على اصابع البطاريه بعد فصل الاصابع عن البتري
فقط احذر من تلامس القطبين بالماءويفضل ماء عذب اي حلو اي بيذر
شكرا