@@@%%%=====> رابطة ملاك الشيروكي <=====%%%@@@

[عاشق وسم]

مساء الخير .. ياشباب

سجلوني معكم .. أملك إثنين جراند شيروكي 93 و 97 جير أوتو واللون أخضر زيتي

ومشكلة ال 93 في الجير.. يفوت ومايغير للرابع بس ثلاث نمر ويسبب إرتفاع الحراره بعد ال 120 وحنه..قلق

أما 97 شاريه ومكينته منتهيه ويحتاج تغيير مكينه..لكن مشكلته الحاليه في الريموت وغيرت الريموت عند العمودي إلي بالغرابي وما فاد وإلى الآن بلش فيه هل هناك حل

أخوكم .. ابوفيصل

بالنسبة للقير أخوي

صارت لنا في ميركوري 2001 ما يعشق للثالث

غيرنا له قير و ضبط

والريموت ما عندي خبر

بس تلقاه من نفس جهاز الريموت الي في السيارة


أخوك : عاشق وسم

[عاشق وسم]

نبي نفيدكم بالي عندي

كان عندنا شروكي 2001 أمريكي قير توماتيك

وأ،ت تمشي في الخط يتفتف ويطفى خخخخ

وعزمه ما هوب عزم الشروكي الي نعرفه

المهم ما فيه شي ما غيرناه حتى المكينة و فكيناها ووضبناها والبخاخات غيرنا ثنتين مدري وحده

ولا ضبط

قسم بالله قررررررف

المهم وديناه فحص الكمبيوتر

وقال هذي طرمبة البنزين

وغيرناها

اوووووه قسم بالله فرق عن أول بووووووواجد

عزم صححح

وكل شي ضبط

حتى المكيف والمساعدات كلها ضبطت << وش السالفة لحد يصدق هاه

ولله الحمد سلك الموتر

أخوكم : عاشق وسم

[عاشق وسم]

إفادة أخرى

نفس الشروكي السابق

كثير من الناس يعانون من حرارة الشروكي

بالنسبة لي

ركبت مراوح سوباروا مع مروحة المكيف حقت الوكالة على حساس مرسدس

<< حساس الوكالة يشغل المروحة إذا جت الحرارة على النص أما المرسدس يشغلها على الثلث

وبلف كابرس يفتح موية الرديترعلى الثلث

والحرارة ما يحتاج يالله لك الحمد

بس ترتفع إذا صرت في النفود وأنت فاجرة بعد

أما وأنت تتمشى مضبووووط

والظهر في عز الصيف الحرارة ممتااااااااااااازة مع المكيف بعد

أتمنى إني أفدتكم ,,


أخوكم : عاشق وسم

[عاشق وسم]

إفادة إخرى << طولها الأخ هههههه


معي شروكي 96

إذا دخلت البر أو النفود وأنا فاجر الموتر ورقيت مطبات يطقطق طقطقه الله يستر

تقول الموتر بتفكفك الحين

المهم أشغلنا الخراب نبي نعرفه

وديته لفني في الصناعية القديمه / ورشة (( نورث ستار ))

وقال كراسي المكينة

وغيرناها وضبط الموتر يالله لك الحمد


هذي إفادة حبيت أشارك بها


أخوكم : عاشق وسم

[عاشق وسم]

إفادة أخيرة



في خرابات الشروكي السهلة

إذا فهمت الخراب إعتبر إنك صلحته لأن تشخيص الخراب صعب بعض الشي

أخوكم ومحبكم /


* عاشق وسم *

[أبويوسف 507]

السلام عليكم

أنا معكم ياملاك الشروووووكي

عندي شروكي 1991 إذا جيت أدق سلفه احيانن ما يدق يدور إلى النهايه ولا يدق


أبد أفتح السوتش وأغير نمر القير (تمتيك)

من الفاضي إلى الريس إلى الفاضي إلى الدي

وأدق سلفه يدق


وش رايكم

واحد قالي السلف خربان
وواحد يقلي الأمان حق القير لما تحطه في الفاضي ما يفض
يعتبر إنه فمعشق فما يدق

وش رايكم

[أبو. سعود]

انا معي شيروكي 99 امريكي كلما وقفت ترتفع الحرارة فوق النص بشوي وحنا في عز الشتاء اجل في الصيف وش بيسوي ؟؟؟؟ وش الدبرة اصيخ الاديتر ولا وش اسوي ؟
المشكله الثانية المكيف اذا شغلته جلس شوي يبرد ثم يقلب حار ومادري وش سالفته وبيني وبينكم كلما رحت لورشة قاموا يتفلسفون علنيا ؟؟؟ وش الدبرة

[al_3aaabr]

الله يعطيكم العافيه ياشباب عامه وبوعلى خاصه انا صارلى فتره ادور على رابطه للشروكى والحمدلله انى لقيتكم وصراحه انا عندى مشكله عندى شروكى موديل 1991 تماتيك خانه الاول تطول وتحن واجد على ماتبدل الى خانه الثانى والكل يقول بدل الجير مع ان خناته الباقيه مافيها شى افيدونا جزاكم الله كل خير

[ولد اهلي]

السلام عليكم
انا اضيفون معكم
معي رانجلر 97
وعندي الحراره
ويقطع اذا تعدا الضغط 2 ونص تقل تارك الدعسه بس اذا غيرت يمشي معي تمام
و
الحين حاطه عند واحد من الشباب خبير شروكيات وان شاء الله يضبطه

[khaled99]

وين الرابطة ...؟ أدورها من زمان..

تكفون ياشباب شدوا الهمة خلوا الرابطة ما تنزل الصفحات الثانية...

أنا عندي شيروكي 2001 كلاسيك...

وودي أقوي أنواره .. بس بدون ما أعمي العالم اللي قدامي...لأن انواره الوكالة ضعيفة الصراحة وما تنفع...

الله يعطيكم العافية

[شروركي 111]

مساء الخير لكم جميعا

اخواني معي شروكي 95 6 سلندر وابي ارفعه من وراء والامام لانه رفعته شد بلد

وياليت اعرف وش اركب له عشان يرتفع .. وكذلك الورشه اللي خبيره بالرياض لرفعه ؟؟ وشكرا

[التمَاري]

السلام عليكم

أنا معكم ياملاك الشروووووكي

عندي شروكي 1991 إذا جيت أدق سلفه احيانن ما يدق يدور إلى النهايه ولا يدق

أبد أفتح السوتش وأغير نمر القير (تمتيك)

من الفاضي إلى الريس إلى الفاضي إلى الدي

وأدق سلفه يدق

وش رايكم

واحد قالي السلف خربان
وواحد يقلي الأمان حق القير لما تحطه في الفاضي ما يفض
يعتبر إنه فمعشق فما يدق

وش رايكم

خويك الي قالك انه من امان القير فهو صحيح وماعندك مشكله .....بمعنى انك تحطه في n يشتغل وهذا شي عادي ما تستاهل انك تصلحه .. .
بالتوفيق.....

[التمَاري]

انا معي شيروكي 99 امريكي كلما وقفت ترتفع الحرارة فوق النص بشوي وحنا في عز الشتاء اجل في الصيف وش بيسوي ؟؟؟؟ وش الدبرة اصيخ الاديتر ولا وش اسوي ؟
المشكله الثانية المكيف اذا شغلته جلس شوي يبرد ثم يقلب حار ومادري وش سالفته وبيني وبينكم كلما رحت لورشة قاموا يتفلسفون علنيا ؟؟؟ وش الدبرة

حياك الله اخوي ركب اديتر كندي المنيوم رصتين وفك مروحه المكينه وركب مروحه وحده سوبارو مع حساس مرسيدس وبلف 160 حق شروكي وما عليك ان شاء الله ....

بالتوفيق...

[شروركي 111]

مساء الخير لكم جميعا

اخواني معي شروكي 95 6 سلندر وابي ارفعه من وراء والامام لانه رفعته شد بلد

وياليت اعرف وش اركب له عشان يرتفع .. وكذلك الورشه اللي خبيره بالرياض لرفعه ؟؟ وشكرا

[التمَاري]

الله يعطيكم العافيه ياشباب عامه وبوعلى خاصه انا صارلى فتره ادور على رابطه للشروكى والحمدلله انى لقيتكم وصراحه انا عندى مشكله عندى شروكى موديل 1991 تماتيك خانه الاول تطول وتحن واجد على ماتبدل الى خانه الثانى والكل يقول بدل الجير مع ان خناته الباقيه مافيها شى افيدونا جزاكم الله كل خير

حياك الله اخي الكريم ...

عندك مشكله في حساس القير وعندك حلين:
1- انك تفك القير وتغير حساسات القير كلها وهي (3) حساسات ..
2- انك تفحصه كمبيوتر ويطلع لك الحساس الخربان وتغيره ...

بالتوفيق....