اخواني ..
السلام عليكم ورحمة الله وبركاته ،،
تتذكرون كلمة ( غلطة الشاطر بعشره ) كلنا نتذكر هذا المثل .. وبصراحة فكرت كثير في طرح مشكلتي هنا في المنتدى وقلت لنفسي انزل الموضوع او اعتبره شيىء شخصي .. ولكن فكرت وقلت ربما انه راح يستفيد شخص ما وان شاء الله ما راح يغلط زي ..
بداية المشكلة ..
بطبيعة حالي انا في كل غوصاتي والحمدلله دائما انظر الى جوانب الأمان اول شيىء وبعد ذلك الأشياء الأخرى مثل الكاميرا .. ودائما غوصاتي كلها كاميرتي معاي على طول احيانا ما اصور شيىء ، بس خلاص تعودت انني انزل كاميرتي معاي زي الكشاف يعني بالعربي كانت رفيقتي .. ربما البعض يتسائل ليش ما ارفق صوري اللي صورتها تحت البحر .. اقول ليش .. لأنني ما استخدم الفلتر الخاص بها ولأنني هاوي ولست محترفا وصوري على قدر حالي وما حبيت انزل شيىء علشان انها في الحقيقة ما تستاهل .. نرجع الى موضوعنا ..
نزلت البحر قبل ثلاثة ايام .. وكالعادة اشيك على كل شيىء .. بس هذه المره نزلت وما شيكت على غلاف الكاميرا بس ثبتها على الـ BCD ونزلت عادي .. وفي عمق الـ 60 قدم شفت اخطبوط صغير حليوه وعجبني وقلت خليني اصوره وما ان مسكت الكاميرا واذا بها غارقه .. مصيبه .. اسرعت الى السطح .. بس خلاص .. فكيت الغلاف فنزل الماء كالسيل .. حزنت كثير على الكاميرا .. لأنها كانت رفيقتي في كل سفرياتي الداخليه والخارجيه .. بس خلاص يمكن عمرها انتهى ..
علشان كذا ..
انصح الجميع قبل النزل بالكاميرا .. ان ينتبهوا على الكاميرا .. يعني كتجربه بسيطه وانت على الكساره او يجانب البوت اعمل لها اختبار خفيف .. غطس الكاميرا وشوف يدخلها ماء او .. لا .. بس غلطتي انني ما شيكت زي كل مره انزل .. ونزلت بها نزلات كثيره وما شيكت يمكن انني تماديت في عدم التشييك ..
حبيت انصح كل اخواني الغواصيين اصحاب الكاميرات .. ان ينتبهوا قبل الغوص بالكاميرا .. علشان لا يخسروا الشيىء الفلاني .. انا والله زعلان من فقدان قيمتها المعنويه وليس الماديه .. اتمنى هذا درس لي ولكم .
والسلام .
هذا هو شكل الكاميرا
وهذا شكل الغلاف البحري
وهذا بعد القهر .. فككت الكاميرا وصلة وصله .. وبخيتها بخاخ الصدا وخليتها في الشمس يومين .. بكره الله يعيين في تجميعها .