مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
يا شباب حبيت اسألكم عن الجمس الحوض مديلات 2002 وطالع 2500 القير العادي
هل فيه مشاكل وهل هو يتحمل وكيف القير حقه لاني سمعت ان العادي ما هو زين وان التماتيك
اقوى ويتحمل اكثر
اخوي ابراهيم
تبي اي موديل ؟
على العموم بالنسيم تلقى لك معرض او معرضين فيها جموس حوض موديل 2008 بس قليله جدا
أخوي طارق أنا ابي الجديد 2007 او 2008 أصفاااار
غمارة 2500
اهـــــــــــــــداء الى كل عشـــاق الجمس G M C 79
http://www.mekshat.com/vb/showthread.php?t=140624
ألح على الله و أكثر من هذا الدعـــاء في كل زمان ومكـــان :
(( اهـدنا الصــــــــــــــــــــــــــراط المستـقيم ))
اللهــمـ صلـ و سلمـ على محمــــدٍ و آل محمد
لاهنت على القصيدة
العنابي 616 لا توهق بالخص القير العايدي ماله قطع غيار
والتماتيك كله حساسات لو يلخبط الحساس يفرط القير
ابو عقل يا مرحبا بك و يا هلا
--
إهداء إلى أحبتي .. أعضاء و زوار منتديات مكشات .. موقع حلو بسيط خفيف عجبني و الله .. يستاهل 10 من 10
https://www.geocities.com/ghazi_143/
جمسٍ يهوم المدح ويحارب الذم
امهجنٍ يحيي القلوب اشتغاله
أمه ترايستار وأبوه جي إم
وأكثر اطبوعة من طبايع خواله
امصممينه للفضاء قبل يفطم
ويوم افطموه فقالت القاع أنا له
كن حس سلفه لا غرسته ورنم
ضحكت صغيرٍ يدّرج وسط صاله
وونت اسيوره صوت عودٍ تـهشم
يوم اقفو الغازين بأغلى حلاله
واليا أشتغل كن في قزوزه مترجم
يحكي فرنسي عن ظروف البطاله
لاكن شكامينه اليا من ترأزم
ايدين سباحٍ هوا من سقاله
ماكينته كنها أبريقٍ ملغم
فوقيه أحمر والبلاء في الحثاله
لجة الحي الغوج لامنه لجم
في حس كبوته ليا غط جاله
شبكه يشادي رشرشٍ فوق محزم
على كما التفاح من تحت شاله
لاكن امراياته اايا اقفى موشم
اذني ريمٍ ذيرته الثعاله
شنابر اجنوطه احجولٍ بمعصم
سوداً تهيض بالطبل كل داله
ورفارفه كنها اركوح المقطم
وكن القزاز البرق لنشت اخياله
ومساحتينه حجة الي تلثم
خشف على العاشق عسير وصاله
سيته يظم الي على طارته ضم
أمٍ تضم اوليدها من دلاله
كنها احتوت في حضنها هند رستم
أو بنت صدقي قمت الفن هاله
وكنه مع القاع هرش تهندم
هرش مع الغفران تومي حباله
مقدمه لا ماأقفى يخم الشمع خم
لا بالذي صممه ماوسع خياله
يشدي لسكران يلاغي ويحشم
وإلا لعودٍ مزعلينه عياله
منقوله من اخوي بن غييثات
تسعه وسبعين من يذكر حراجه
والجميح مورده برى الحــــدودي
والله ونعمين ياصنع الخواجـــــة
المركي صانعه يرقى سنـــــودي
حافظينه من وكيله لا كراجـــــه
ما بعد شفنا على حلياه بـــــودي
ما تغير شكله من اول انتاجــــه
تندته بيضاء ولون البدي عـــودي
له فخامه والجميحيات تاجــــه
والوقار اللي على طبعه يســودي
ضامنين محركة عند احتياجـــه
صادق التمرين يصدق بالوعـودي
دق سلفه واشتغل طرب ٍ مزاجـه
حس شكمانه مثل دن الرعــودي
ما دبله دعسته والحقه صاجــه
ولا ثنى تشغيلته عقب الخمـودي
احتفوا به مثل شيخ ٍ في زواجـه
يذكرون الله عليه من الحسـودي
ان وقف كنه عميد ٍ فالمواجــه
كل ما يامر تنفذه الجنـــودي
وان تحرك كن ضاربته هياجـه
لا لقمله نمرت ٍ شره يــزودي
وان ضرب له خطة ٍ فيها عواجه
الله أكبر يالتوازن والركــودي
يا ثقل حجمه ويا خف اندراجـه
فالحزوم والهضاب وفالنفــودي
الكفر بالون والممشى عناجــه
ما تعثر له بطانيج الحيــودي
ان تنحرته عكس شوفك زجاجه
الصدر متربع وفج العضـودي
لو تدقق شفت في عينه غناجـه
وسم صناعه من كبار الليهودي
وان تقفيته غشا جوك عجاجـه
الكفر يحتاس لافتر العمــودي
سايقه مطنوخ في جيبه علاجه
ما بعد ساقوه شلات الهنـودي
الشــــاعر : عبدالله بن عبدالعزيز الحميداني....
منقوله بن اخونا وقيان
أرحب يا بو عقل و يا هلا
عبد الله ابو لا هنت على صوره موترك و ما شاء الله عليه
بن غييثات لا هنت ياذيب و أنا أشهد أنك وافي و قدمت بدذه جميله يا جعل عمرك طويل يالغالي و نتمناك معنا على طول يا جعل والدينك بالجنه
طارق الحربي ما شاء الله على موترك و أنا أشهد أنه عز الطلب لأهل البر
شورت يا هلا بك و أشكرك جزيل الشكر على عرض الصور النادره للجموس القدام و نرجو من الجميع سلك طريقك و عرض الصور النادره للجموس القدام و الله لا يهينك يا جعل عمرك طويل و والدينك الجنه
الذين يشاهدون الموضوع الآن: 1 (0 من الأعضاء و 1 زائر)