اخوي شقران ال502 كم اسعارها شد البلد
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
اخوي شقران ال502 كم اسعارها شد البلد
مكشاتي ذهبي
من ناحيه أنك تخليه .. فأنا أنصحك أنك تستخير و تستتشير
استخر الله
و استشر الناس ..
و إن كنت معزم على الرفرف .. و ماخذ قلبك .. هاذاك شي ثاني
--
إهداء إلى أحبتي .. أعضاء و زوار منتديات مكشات .. موقع حلو بسيط خفيف عجبني و الله .. يستاهل 10 من 10
https://www.geocities.com/ghazi_143/
مكشاتي ذهبي
ياراكب من عندنا جمـس(ن) اسـرد=
جمس(ن) جديـد ولاوطتـه المكـده
اليا دعسـت اسليتـره تقـل يطـرد=
اقفى تقـل خفـر السواحـل تحـده
كنـه مهـرب والمهـرب مـهـدد=
بالقتـل تابيـد السـجـن مايـسـده
حمل على الماخوذ حشيش(ن) اسود=
فعله قبيـح ولابـه احـد(ن) يـوده
و عليـه قـوات السواحـل تشـدد=
وتنطحـوه بسهلـة(ن) مجـرهـده
عطوه فيها حول خمسـة عشـر رد=
وتله يبي من حيث مـا جـاء يـرده
كبس لبنصه واحتمى العلـم واشتـد=
واللـي بطبلونـه نبـيـره يـعـده
و يوم استواله نابي الحزم الاجـرد=
روح حلال القـوم محـد(ن) يـرده
ويوم ارهوا انه راح ماعـاد ينـرد
جات الاوامـر بـا حرقانـه بشـده
وعطوا خبر لمسـدد الرمـي سـدد=
وخبط على الأخمس وهـزه ومـده
وقام أيتصرم .. ماصه الموت الجلد=
شعال ويشوفـه و مـن عنـد خـده
يصلاه بالرشـاش قـرم(ن) مسـدد=
هـذي هفـت دونـه وهذيـك قـده
وقام يتعزوى يـوم صـارت معانـد=
وتـسـاون الثنتـيـن مـاعـاد وده
و صكه بثالث وانتهض فوق وإرتـد=
والويل كـز و فـز و الحـزم قـده
ولا لحم البنزينـه بثالـث وصـرد=
و عده يطير من الحزم فـوق عـده
و رقوه إلى تسعين كيلو ورا الحـد=
مع سهلة(ن) حذف المرو فوق شـده
فوقه شجاع امورد الخـال والجـد=
وعليه مـن وقتـه محفـه وضـده
ماهو براعي شين .. لاشـك محتـد=
والوقت .. له على المناعيـر صـده
قليل مال ويطلبـه هيـس(ن) اربـد=
قبيح وجـه مـن الوجيـه المصـده
افقم فم(ن) ناشف طويل(ن) مجرعـد=
قابة فمه(ن) قرو(ن)ٍ قبيح(ن) مـرده
انخش عور .. وجهه من اللحيه اجلد=
هيس(ن) ليـا أبنـد عمـى ماتـرده
والمال ضربـة مـال مـا ينتقاصـد=
والـلاش عـذره بالوفـا مايـسـده
مهمـا تعـذر مايفـيـد امتـمـرد=
و الاجـودي .. عليـه مالله يحـده
و حده حداه الله علـى غيـر مـاود=
والا علـى ماصـار ماهـو بـوده
مكشاتي متقدم
السلام عليكم ورحمة الله وبركاته
يعطيك العافيه اخوي شقران على القصيده وصح لسان شاعرها
احب اشكر جميع الاخوان الافاضل المشاركين معنا بالموضوع
؛؛ سبحان الله ؛؛ الحمدلله ؛؛ الله أكبر ؛؛
مكشاتي ذهبي
المشاركة الأصلية كتبت بواسطة أبوشوق
يا مرحبا فيك أخوي أبو شوق و صح بدنك و يا مرحبا و مسهلا و شرفتنا
مكشاتي متواصل
يطيكم العافيه على الموضوع اللي قعدت يومين ماشاء الله عشان اتصفح واقرى كل صفحاته بس عندي سؤال عن المكينه 8100 ابي كم قوت احصنتهااا وهل يجي الجمس الحوض على هالمكينه ويجي دبل جير انا شخصياا شفت في الكويت وانيت بس شفر مو(جمس) 8100 بس بدون دبل وتماتيك 2500
انتظر الرد من اهل الخبره
مكشاتي ذهبي
حياك الله أخوي
و يا مرحبا و مسهلا فيك
و بالنسبه لـ8100 فهي تقريبا ً من أقوى مكاين الجموس .. و هي ما تجي على الونيت الحوض شد بلد ، تجي على السوبر ، و في ناس يرهمونها على ونيتاتهم .. و بالنسبه لكم حصان فما لي علم والله ، نشوف الأخوان الكرام ..
و بالتوفيق .
مكشاتي متواصل
السلام عليكم ورحمة الله وبركاته ..
أخوي شقران أنت تقول :
وللتصحيح والتوضيح أقول لك هو يجي 8100 شد بلد على الونيت الغمارة و الغمارة ونص والغمارتين والأفلانش .. شي أكيد مافيه كلام ..
ودمتم سالمين
وَلِلَّهِ الْعِزَّة وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لا يَعْلَمُونَ
مكشاتي فضي
هلا والله يالغالي هذي المكينه :
8100 سي سي = 397انش مكعب للمكينه وتندرج تحت فئة 2500 رطل
احصنتها وصلت والله اعلم الى 350 حصان
مكينه جباره
1: على الصالون < الجمس الطويل
2: على الحوظ ابو اربع كفرات من ورا
3: جت على الافلانش < الي يجي حوظ قصير غمارتين وفخم وفي ذكرلي واحد للبيع قبل فنره
4 : جت على بعظ الاحواظ 2500 < لاكنها نادره جدا جدا شد بلد
وطبعا كل هالفئات جا منها دفرنسين ( دبل )
والرتيب الي انا ذكرته فوق هو حسب الاكثر انتشارا
تحياتي للجميع
مكشاتي ذهبي
أشكرك عزيزي عاشق z71 و أنا ما خبرت ونيت شد بلد تجي فيه 8100
و الله لا يهينك و استفدنا منك يا بعدي
مكشاتي متواصل
تسلم شقران على الرد
z71 مستحيل 8100 تجيب 350 حصان ومكينة الدينالي الجديده 6200 وتجيب 400 حصان مافي مقارنه 8100 اتوقع فوق 400 حصان بواجد وتسلمون جميعا على الرد
مكشاتي فضي
والله احتمال موب اكيد قلتلك ماني متاكد
عموما برجع للمجلات الي عندي وتاكد انشالله
تحياتي لك
مكشاتي فضي
اخوي الغالي تاكدت من الجمس 8100 لقيت كل مجله تعطي معلومه غير
لاكنها كلها مانقصت عن 350 حصان وماتزيد عن 370 حصان وهذا الشي متاكد منه
وللمعلوميه 8100 يزيد عن قوة 6000 بحصان واحد فقط هذي متاكد منها
تحياتي
مكشاتي متواصل
اخوي الغالي تاكدت من الجمس 8100 لقيت كل مجله تعطي معلومه غير
لاكنها كلها مانقصت عن 350 حصان وماتزيد عن 370 حصان وهذا الشي متاكد منه
وللمعلوميه 8100 يزيد عن قوة 6000 بحصان واحد فقط هذي متاكد منها
يعني 8100 مكينه غبيهحجم كبير واحصنه اقل شفايدة الحجم معقوله جنرال موترز تصنع مكينه بهلحجم على الفاضي والله اني متعجب
مشكور يالغالي
شقران مدام 8100 هذي فعايلها خلنا على 6000 حقت الدينالي تراها قول وفعل
مكشاتي فضي
يعني 8100 مكينه غبيه
شقران مدام 8100 هذي فعايلها خلنا على 6000 حقت الدينالي تراها قول وفعل
اخوي لاتستهون بهذي المكينه هذي 8100 سي سي هذي تساوي سعة 8.1 بذمتك عمرك شفت مكينه سعتها 8.1
دليل انها جباره ونفاثه بعد وبالنسبه لقولك تقول ان مافي فرق بالاحصنه وبالقوه اقول كلامك صحيح !
ولاكن وين راح التورك ؟ يعني العزم
انا اقرا واتصفح مجلات كثير خاصه بالسيارات ماعمري شفت سياره فيها قوة جر يعني سحب وقوة وتحميل مثل 8100 سي سي
هذا بالنسبه للعزم
ولاتنسى شغلة السرعات العاليه :
اذا مثلا كنت ماشي 100 او 120 ودعستله فجاءه تلاقي ريشة الطبلون تركظ ركظ وماتدي الى الموتر ناتع << وصل الفصله خلال ثواني معدوده
وهذي الميزه يفقدها 6000 والـ 5300
وهذي بحد ذاتها تكفي انها تكون بالقوه هذي
تحياتي لك يالغالي
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
