G M C ؛ الرفارف و المصفحات ؛ كـــل شـــئ عنهم ،. ( معلومـات و مـناقشـــات )

[gm2009]

حياك الله اخوي .. فيه ورش في الرياض كثيره رح سير عليها ..
ولي البنزين بداله لي
و السلف اتوقع يبيله وزن و اذا ما ضبط معناها يا ترس سلف او ترس حذاف بس رح عند واحد يوزنه مضبوط
تصفيه المكينه يعني توضيب كربليتر و وزن كربليتر و وزن ديلكو .. إلخ شغلات سهله و ما يتعدى سعرها ال200 ريال تقريبا
جلد بلوف تلاقيها في محلات قطع الغيار
صليب الدبل مدري عنه لأني ماقد قنيت جمس فيه دبل
صوفه سهالات يفكون الجرم و يحطونها
مساعدات فيه جبريل حلوه
سلك عداد سرعه عند اهل قطع الغيار
التانكي الثانيه يبيله توصيل و سهله الشغله

مشكور اخوي وما قصرت بيض الله وجهك

[ابو نايف 111]

السلام عليكم
:d مشكور اخوي على الرد وجزك الله خير...ابن غييثات
ورشت ابو عادل وين شارع الجمعيه طويل يمين او يسار
ارجو التوضيح ... الله يوفقك وو ارجو الرد

ملاحضه .. موتري ..نفس موترك الفرق الموديل :d

[مطلق السلمان]

الأخ العزيز الدوسري

تحية طيبة وبعد ،،،

أعذرني تأخرت عليك بالرد لأن كلمت الرجال اللي عنده الأغراض قال عندي أشياء كثيرة وعلمني الإغراض اللي عنده والأسعار الحقيقة خيالية ونارية في نفس الوقت وفيه مثل يقال (( العاقل خصيم نفسه ) !!! :ـ

1- بالنسبة للشبك اللي عنده يقول حق موديل 80 شفر كروم يعني لماع جداً وعلامة الشفر راكبة فيه يقول طالبه من أمريكا سعر الشبك بدون شحن 900 ريال وتكلفة الشحن 1100 ريال يعني الشبك كلفه كامل 2000 ريال ويقول اللي يبيه بـــــ ( 2200 ) ريال حياه الله غير هذا الكلام ما عنده حسب كلامة يعني هذا أخر كلام وعلى فكرة الشبك حق موديل 80 شكله يختلف عن شبك 78 ولكن يركب ولو بتسألني عن المنظر حق 78 أفضل إذا كان كروم ولكن هذا من أفخم الشبوك يعني منظرة روعة.

2- عندة طال عمرك عدد ( 4 ) طيس شفر أصلية بكراتينها طبعاً جنط مقاس 16 السعر كاملة ( 1100 ) ريال.

3- عنده علامة كبوت شفر موديل 78-80 ( تمثال ) طبعاً العلامة حق الموديلات القديمة تختلف عن موديل 81 وفوق لأنها تجي عريضة وشكلها حلو يعني تعطي منظر هاذي طال عمرك سعرها ( 350 ) ريال.

4- عنده طال عمرك رصة هرن شفر موديل 78-80 السعر ( 250 ) ريال.

5- إذا ما بغيت الشبك حق الشفر موديل 80 عنده علامة اللي تركب في الشبك موديل 78 سعرها ( 350 ) ريال.

6- عنده طال عمرك إسطاب رفرف أمامي لون برتقالي بكرتونة عدد 2 السعر ( 400 ) ريال.

7- عنده طال عمرك بعد طقم مرايات جانبية كروم بكراتينها موديل 80 إلى 87 هذا الطقم بــ ( 1500 ) ريال.

هذا الأغراض اللي عنده.

[أمير المصفحات]

رحمها الله !

اذا نيتك تزويد علمنا نفيدك مضبوط

هلا أخوي

والله يالغالي مافهمت قصدك يوم تقول تزويد وش تقصد

وبالنسبة للشغل أبشرك المكينة الحين راميها في الحوش فكيتها امس والحين افكر اني اوضب واخرطها خراطه ارهابية واخليها سنة وارميها واخذ وحده مضمونه

تحياتي

[الدوسري0]

يالربع عندي اغراض للبيع
1: عدد 20 شبك موديل 76 75 شفر بكرتونه وسعري مناسب الشبك ب 350
2: مرايات رفرف طقمين اصليات بس الزجاج منكسر اللي فيهم الطقم 350
تشليح الودعاني بتشاليح الدمام وكل شي موجود هناك انشاء الله

[الدوسري0]

يوجد لدينا فني جيوب شروكي من 90 الى 2001
متخصص بالشروكي بتشليح الودعاني
اسمه شمسان الودعاني

[بن دعيلج]

الله لا يهينك..

من زمان و أنا أدور مثل هالمواضيع..

شكراً..

[الدوسري0]

up up

[gm2009]

السلام عليكم
انا تنوني شاري لي بهبهاني 79 دفرنسين مكينة 454 زرقاء حبيت أسأل هل هو بنزينه 91 او 95 والشئ الثاني ابي أغير زيت الدفرنسات والقير والمكينهة وش أفضل نوع

[بـلـيـهـان 1]

انا اعبي 95

الزيت اسأل البنشري الظاهر اسمه سوبر شل

[هاوي جمس]

وحوووووووووووووش

ماشاء الله

مشكور اخوي على الموضوووع الرائع

[أمير المصفحات]

السلام عليكم
انا تنوني شاري لي بهبهاني 79 دفرنسين مكينة 454 زرقاء حبيت أسأل هل هو بنزينه 91 او 95 والشئ الثاني ابي أغير زيت الدفرنسات والقير والمكينهة وش أفضل نوع

الله يبارك لك

خذها نصيحة البنزين 95 وبس

ترى إذا عبيت 91 سلم على الكربريتر والبلوف بترووح وطي يعني لا تعبي 91

والزيت حق المكينة حط له سوبر شل اللي علبته حمراء

وبالنسبة للقير أتوقع ان الافضل هو 90

وتحياتي

أمير المصفحات

[عاشق مرات]

السلام عليكم عندي سوال مكينت 454 عند اي اخر موديل وقفت

[بـلـيـهـان 1]

99 اتوقع .. الدفعه الاولى

[عاشق مرات]

اقص الحوض ابو عبر