G M C ؛ الرفارف و المصفحات ؛ كـــل شـــئ عنهم ،. ( معلومـات و مـناقشـــات )

[شالوق]

السلام عليكم
هاذي صور موتري وتراه للبيع الموتر موجود بكويت 350 مصبوغ من زمان داخليته مافيها شي كل شي راكب وشغال بس ديكور البيبان مصبوغات من بيج لعنابي وسامحونا علا القصور
ملاحظه الموتر مسيوم 2200 دينار كويتي 0096566455032

[شالوق]

[ALOTAIBI]

خبراء الجمس اسعد الله اوقاتكم بكل خير عندي استفسارات بسيطه يا ليت توضيحها في الجمس الرفرف القديم
1. مقاسات الجمس وش هي وكيف اعرفها ؟ وما هو المقاس المفضل والمرغوب؟ الاحظ جموس بس صندوقها يجي كبير شكلها الك عليها , وسمعت ان المرغوب الوسط اللي يجي صندوقه اطول من غمارته بشوي مثل الجمس العضو hajs للبيع 84 موجود بالصوره اعتقد 25 او 20



2. كيف اعرف الكويتي عن السعودي هل له مواري موجوده فيه . مثلا الجمس الكويتي 79 الاحظ اسطباته اللي على السقف مثل اللي موجوده بالصوره شد بلد




ولكن ماشوفها على الجموس الكويتيه حاليا

3. وماهي الموديلات اللي سقفها يجي ابيض ؟ والموديلات اللي سقفها مثل لون البدي ؟

4. هناك صاجه تحت التوانك هل هي موجود بكل الجموس الرفرف ؟
5. الجرابكوس لها مقاسات تركب على المكينه 454 . ما هي المقاسات المرغوبه ؟ وكيف اعرفا.
كذلك الدفرنس .
واخيرا : اقدر اطلب مكينه 454 من امريكا زرقا ؟ وكم تكلفتها
طولت عليكم بالاستفسارات تحملونا وهاذي ووجهة نظر

[بـلـيـهـان 1]

السلام عليكم
هاذي صور موتري وتراه للبيع الموتر موجود بكويت 350 مصبوغ من زمان داخليته مافيها شي كل شي راكب وشغال بس ديكور البيبان مصبوغات من بيج لعنابي وسامحونا علا القصور
ملاحظه الموتر مسيوم 2200 دينار كويتي 0096566455032

أرحب أخوي شالوق و يا هلا و غلا بك
الله يوفقك يا رب و أنصحك بأنك تضع موضوع مستقل في قسم للبيع
و ترا الصوره ما هي طالعه
تحياتي لك و الله يرزقك

[بـلـيـهـان 1]

خبراء الجمس اسعد الله اوقاتكم بكل خير عندي استفسارات بسيطه يا ليت توضيحها في الجمس الرفرف القديم
1. مقاسات الجمس وش هي وكيف اعرفها ؟

حياك الله بدايه ً و يا مرحبا و مسهلا فيك و مقاسات الجمس إلي يجيك قطع عشره و 15 و عشرين و 25 و القديم الرفارف كلها 35

وما هو المقاس المفضل والمرغوب؟ الاحظ جموس بس صندوقها يجي كبير شكلها الك عليها , وسمعت ان المرغوب الوسط اللي يجي صندوقه اطول من غمارته بشوي مثل الجمس العضو hajs للبيع 84 موجود بالصوره اعتقد 25 او 20

هذا 35 و المرغوب 35



2. كيف اعرف الكويتي عن السعودي هل له مواري موجوده فيه . مثلا الجمس الكويتي 79 الاحظ اسطباته اللي على السقف مثل اللي موجوده بالصوره شد بلد

التنده البيضا
فرق بسيط من الداخل في الطبلون
بعضها يجيك قيرها و دفرنشها غير و طبعا أفضل
و اشياء بسيطه




ولكن ماشوفها على الجموس الكويتيه حاليا

3. وماهي الموديلات اللي سقفها يجي ابيض ؟ والموديلات اللي سقفها مثل لون البدي ؟

79 و تحت اللون الأبيض و الي نفس لون البدي 80 و طالع

4. هناك صاجه تحت التوانك هل هي موجود بكل الجموس الرفرف ؟

الظاهر أنها في 78 وماني متأكد من هالمعلومه

5. الجرابكوس لها مقاسات تركب على المكينه 454 . ما هي المقاسات المرغوبه ؟ وكيف اعرفا.
كذلك الدفرنس .
واخيرا : اقدر اطلب مكينه 454 من امريكا زرقا ؟ وكم تكلفتها

بالنسبه للجرابكوس مالي علم و تقدر تطلب مكاين من امريكا و حتى ان بغيت جديده تحصل و تكلفتها مدري لكن حنا هنا المستخدمه من 3 آلاف و طالع تقريبا


طولت عليكم بالاستفسارات تحملونا وهاذي ووجهة نظر

أبد يا مرحبا و أبرك الساعات

[العزوم]

السلام عليكم ورحمة الله وبركاته

هناك فرق بسيط في الشكل بين البهباني والجميح
العلامه بالرفرف الاماميHaighSeira للبهباني كذلك ديكور الطبلون والابواب المنيوم خشن (محبب)
==========ClasicSeira للجميح ================عادي(ناعم)

تصفيح الخزان لجميع الموديلات والحجم للرفرف 25-30 -35 والجنط 16- 8مسامير بالنسبه لانوار السقف(جميحيات) في البهباني كذلك حجم الصندوق واحد
ارقام القير والدفرنس 14>>>>>7 على التوالي وهناك من يقوم بتسنين الكارونه لتسريع الدوران وزيادة السرعه على حساب العمر الافتراضي لها علما بان البهباني دفرنس مشبوك( جميع الكفرات الخلفيه تتحرك بنفس الاتجاه) مثل الفروت القديمه (هاف)

اللون الابيض للسقف(اصقع) يسمى طرطوسي نسبة الى ميناء الوصول بسوريا على البحر المتوسط وكانت تستورد هناك الى 79 ميلادي

ارجو ان تكون اضافات مفيده لماذكر الاخ شقران
تحياتي

[بـلـيـهـان 1]

السلام عليكم ورحمة الله وبركاته

و عليكم السلام و رحمه الله وبركاته يا مرحبا بك أخوي العزوم و شرفنا مرورك هنا يالغالي و أبرك الساعات وجودك

هناك فرق بسيط في الشكل بين البهباني والجميح
العلامه بالرفرف الاماميHaighSeira للبهباني كذلك ديكور الطبلون والابواب المنيوم خشن (محبب)
==========ClasicSeira للجميح ================عادي(ناعم)

تصفيح الخزان لجميع الموديلات والحجم للرفرف 25-30 -35 والجنط 16- 8مسامير

تصفيح الخزان ما فهمت قصدك بالضبط ؟

بالنسبه لانوار السقف(جميحيات) في البهباني

و وارد الجميح ما فيه أنوار جميحيات ؟

كذلك حجم الصندوق واحد
ارقام القير والدفرنس 14>>>>>7 على التوالي وهناك من يقوم بتسنين الكارونه لتسريع الدوران وزيادة السرعه على حساب العمر الافتراضي لها علما بان البهباني دفرنس مشبوك( جميع الكفرات الخلفيه تتحرك بنفس الاتجاه) مثل الفروت القديمه (هاف)

الدفرنش كيف أعرف حجمه و رقمه ؟ و كيف أتأكد هل هو مشبوك أو لا .. ؟ و كيف طريقه تسنين الكرونه و هل تسبب مشاكل ..
و الجميحي دفرنشه ما هو مشبوك .. ؟
أرجو التفصيل الله لا يهينك في هذه المسائل
وانا أشوف بعض اهل الدداسن و الجيوب يشبكونها بس بسرعه يخبط الدفرنش

اللون الابيض للسقف(اصقع) يسمى طرطوسي نسبة الى ميناء الوصول بسوريا على البحر المتوسط وكانت تستورد هناك الى 79 ميلادي

ارجو ان تكون اضافات مفيده لماذكر الاخ شقران
تحياتي

أشكرك أخوي العزوم و اعذرني على كثره الأسئله و الله يجزاك خير و يبيض وجهك
أخوك و مغليك شقران

[H I T L E R]

الـسلام عليكم يا ديوانيه عشاااق الجموس .. أتمنى يكون الجميع بخيرر وصحه
ودي الموضوع يتحرك أكثر و أكثر و أكثر وهو اللحين ماشاء الله مميز بمواضيعه
ويش تفضل 79 أو 86
وهل 86 جات دفعات نص بخاخ ...؟

[escape_man]

عندي وجهية الشفر 81 .. سيدة الكل

امتلكت حتى الان .. شفر 81 مصفح وبعته

بليزر 81 وايضاً بعته

والان معي قطع عشرة شفر موديل 81

وايضاً بليزر 88 جمس وكلبريتره حلابات او على قولتك نص بخاخ لكن ما انصحك بالحلابات الا من موديل 89 وفوووق لان قيره 700

[بـلـيـهـان 1]

الـسلام عليكم يا ديوانيه عشاااق الجموس .. أتمنى يكون الجميع بخيرر وصحه
ودي الموضوع يتحرك أكثر و أكثر و أكثر وهو اللحين ماشاء الله مميز بمواضيعه
ويش تفضل 79 أو 86
وهل 86 جات دفعات نص بخاخ ...؟

حياك الله أخوي هتلر و يا مرحبا بك
بالنسبه لي أنا افضل 79
و إلي نص بخاخ و الله مدري بس اخوي بن غييثات افتاك الله يجزاه خير

[بـلـيـهـان 1]

عندي وجهية الشفر 81 .. سيدة الكل

امتلكت حتى الان .. شفر 81 مصفح وبعته

بليزر 81 وايضاً بعته

والان معي قطع عشرة شفر موديل 81

وايضاً بليزر 88 جمس وكلبريتره حلابات او على قولتك نص بخاخ لكن ما انصحك بالحلابات الا من موديل 89 وفوووق لان قيره 700

مولع بالشفر بن غييثات
أشكرك على المرور يالغالي

[بـلـيـهـان 1]

معلومات نقلتها من الأخ لن أمل من العطاء تفيد الكل /

السلام عليكم ورحمة الله وبركاته
الان سأكتب معلومات صحيحه جدا جدا وواثق منها جدا جدا

محركات جنرال موتورز كثيره جدا جدا

ويهمنا منها ما يركب على شاحنات جنرال موتورز
وهي كالتالي

325 بوصه 5300 سي سي مصنعه جي ام
350 بوصه 5700 سي سي مصنعه جي ام
368 بوصه 6000 سي سي مصنعه جي ام
399 بوصه 6500 سي سي مصنعه جي ام ديزل فقط
454 بوصه 7400 سي سي مصنعه جي ام
497 بوصه 8100 سي سي مصنعه جي ام
502 بوصه 8200 سي سي مصنعه مارين
511 بوصه 8300 سي سي مصنعه مارين ولكنه ديزل فقط فقط

اقوى محرك من هذه هو 497 اي 8100 من ناحية العزم والتحمل


اخوكم لن امل من العطاء

[العزوم]

أشكرك أخوي العزوم و اعذرني على كثره الأسئله و الله يجزاك خير و يبيض وجهك
أخوك و مغليك شقران

حياك الله ياشقران
وموضوعك هذا اعادنا للذكريات الجميله واتمنى ان نضيف مايفيد هواة هذه النوعيه من السيارات
1- بالنسبه للمقصود بالتصفيح لتانكي البنزين (صاجه تحمي الخزان من اسفل )

2- لو تلاحظ اني ذكرت كلمة (جميحيات) للتعريف بانوار السقف ومعنى ذلك ان المورد (الجميح ) تميز عن غيره (التوكيلات العموميه)( بالبيد) من الموردين بتوفرها في سياراته

3- الدفرنش تستطيع معرفة مقاسه من خلال الرقم الموجود على بطيخة الدفرنش(غطاء الكارونه) من الامام او بالداخل بعد فك الغطاء وحسب معلوماتي ان الجموس السعوديه لاتوجد بها هذه الميزه
4- طريقة شبك الدفرنش ان يكون دوران الكفرات باتجاه واحد ويتم ذلك اما من المصنع حسب الطلب او تعديل طريقة عمل المسننات بالداخل وهي مفيده بالتسارع (الفزه)او عند التغريز والعيب فيها صعوبة التحكم بالسياره عند الاقلاع لانزلاق مؤخرتها
5- تسنين الكارونه يتم بخرطها وجعل السنه انعم (اصغر) لزيادة الدوران وبالتالي السرعه ولكن على حساب الاجزاء الاخرى بالدفرنش

الـسلام عليكم يا ديوانيه عشاااق الجموس .. أتمنى يكون الجميع بخيرر وصحه
ودي الموضوع يتحرك أكثر و أكثر و أكثر وهو اللحين ماشاء الله مميز بمواضيعه
ويش تفضل 79 أو 86
وهل 86 جات دفعات نص بخاخ ...؟

عليكم السلام ورحمة الله وبركاته

هلا بك
بالسبه للبخاخ وصل عندنا في موديل 87 على ما اذكر وكانت كثير منها تنقص زيت حتى وهي جديده .


تحياتي للجميع

[بـلـيـهـان 1]

حياك الله ياشقران
وموضوعك هذا اعادنا للذكريات الجميله واتمنى ان نضيف مايفيد هواة هذه النوعيه من السيارات يا مرحبا و كنت منتظر ردك بفارغ الصبر حتى انني عرضته بموضوع رابطه ملاك الجمس الحوض هنا ..
1- بالنسبه للمقصود بالتصفيح لتانكي البنزين (صاجه تحمي الخزان من اسفل )
طيب هاذي أنا اخبرها بـ 78 فقط .. ؟ صحيح .. ؟
2- لو تلاحظ اني ذكرت كلمة (جميحيات) للتعريف بانوار السقف ومعنى ذلك ان المورد (الجميح ) تميز عن غيره (التوكيلات العموميه)( بالبيد) من الموردين بتوفرها في سياراته معلومه جميله الله يجمل ايامك
3- الدفرنش تستطيع معرفة مقاسه من خلال الرقم الموجود على بطيخة الدفرنش(غطاء الكارونه) من الامام او بالداخل بعد فك الغطاء وحسب معلوماتي ان الجموس السعوديه لاتوجد بها هذه الميزه هاذي لازم اشيك عليها اليوم قبل بكره
4- طريقة شبك الدفرنش ان يكون دوران الكفرات باتجاه واحد ويتم ذلك اما من المصنع حسب الطلب او تعديل طريقة عمل المسننات بالداخل وهي مفيده بالتسارع (الفزه)او عند التغريز والعيب فيها صعوبة التحكم بالسياره عند الاقلاع لانزلاق مؤخرتها ما فهت قصدك بكيفيه الاقلاع ..؟؟؟؟
5- تسنين الكارونه يتم بخرطها وجعل السنه انعم (اصغر) لزيادة الدوران وبالتالي السرعه ولكن على حساب الاجزاء الاخرى بالدفرنش
و هل شبك الدفرنش يسبب مشاكل للدفرنش و يا ليت تذكرها

جزاك الله خير و أتمنى أن يكون نقاشنا حاليا في موضوع الدفرنشات و المسائل هاذي < بعثك حاليا فيها






عليكم السلام ورحمة الله وبركاته

هلا بك
بالسبه للبخاخ وصل عندنا في موديل 87 على ما اذكر وكانت كثير منها تنقص زيت حتى وهي جديده .


تحياتي للجميع

و ما تقصر أخوي العزوم و استفدنا منك الله يجزاك خير و يدخلك جنته

[ALOTAIBI]

مرحبا بالجميع واشكرك اخوي شقران واخوي العزوم على المعلومات الطيبه والصراحه موضوع شامل وموسوعه لكل من يبحث عن اي معلومات عن هذه السياره.
.................................................. ....................
هناك اشياء ذكرتها ما علقتوا عليها , طبعا ودي تتعمقون بالشرحها
1. ذكرت انوار السقف (الجمحيات) وذكر اخوي العزوم انها ما تجي الا على الجميحات فقط حتى موديل كم يرد الونيت ابو انوار سقف ؟ الاحظ ونيتات مالها انوار سقف
* عندنا جمس 79 مشترى 1403 بهبهاني على كلام الشايب به مواري ما شوفها في البهبهاني في الوقت الحالي , وهي انوار السقف شكلها بيضاوي ..طويله شوي مثل اللي بالصوره التاليه



اما السعودي والبهبهاني مثل انوار الصالون مثل اللي بالصوره انتم عارفينها



2. مقاس الصندوق الونيت البهبهاني (تقول اخوي العزوم مقاسها واحد 35) وشرايك بالجمس اللي عندنا اصغر من 35 (الاحظ انه اصغر صندوقه وخاصه الرفارف وكذلك التجويف اللي بين الغماره والرفرف اشوفه اصغر بشي بسيط) اشوفه يشابه الونيت اللي بالصوره



اخوي شقران الجمس الرمادي انت تقول 35 اشوفه اصغر , كذلك الجمس 80 اللي بالصوره السابقه كم مقاسه ؟

ياليت اذا عندك صوره انت اخوي شقران والا الاخوان وخاصه اخوي العزوم ينزلون مقاس 25 ومقاس 20 ومقاس 15 حتى اقطع الشك

* كذلك عندي معلومه ما ذكرتها بالجمس عليه خطوط (شطرطون ان صحة الكلمه ) لونها مثل النار في جوانب الموتر وعلى كبوته صراحه ما مر علي جمس مثله شكله غير غير , مدري كثيره النوعيه هاذي والا كلها ساده ؟؟ وش هي الموديلات اللي عليها خطوط ؟

يالربع المعلومات اللي اذكرها يعني مأحاضر عليكم ابد والله انتم اساتذه ومنكم استفيد ويستفيد اللي يزور الموضوع والظاهر طولت عليكم ولكن تحملنوني الله يبض وجيهكم
وتقبلوا مرور اخوكم ومغليكم العتيبي