المشاركة الأصلية كتبت بواسطة ALOTAIBI
مرحبا بالجميع واشكرك اخوي شقران واخوي العزوم على المعلومات الطيبه والصراحه موضوع شامل وموسوعه لكل من يبحث عن اي معلومات عن هذه السياره.
.................................................. ....................
هناك اشياء ذكرتها ما علقتوا عليها , طبعا ودي تتعمقون بالشرحها
1. ذكرت انوار السقف (الجمحيات) وذكر اخوي العزوم انها ما تجي الا على الجميحات فقط حتى موديل كم يرد الونيت ابو انوار سقف ؟ الاحظ ونيتات مالها انوار سقف
* عندنا جمس 79 مشترى 1403 بهبهاني على كلام الشايب به مواري ما شوفها في البهبهاني في الوقت الحالي , وهي انوار السقف شكلها بيضاوي ..طويله شوي مثل اللي بالصوره التاليه
اما السعودي والبهبهاني مثل انوار الصالون مثل اللي بالصوره انتم عارفينها
2. مقاس الصندوق الونيت البهبهاني (تقول اخوي العزوم مقاسها واحد 35) وشرايك بالجمس اللي عندنا اصغر من 35 (الاحظ انه اصغر صندوقه وخاصه الرفارف وكذلك التجويف اللي بين الغماره والرفرف اشوفه اصغر بشي بسيط) اشوفه يشابه الونيت اللي بالصوره
إلي بالصوره يا عزيزي مقاسه 35 و أيضا الرمادي مقاسه 35 و أبشر هاذي صوره رفرف جمس بس ما اعرف كم مقاسه لكنه ما هو 35
اخوي شقران الجمس الرمادي انت تقول 35 اشوفه اصغر , كذلك الجمس 80 اللي بالصوره السابقه كم مقاسه ؟
ياليت اذا عندك صوره انت اخوي شقران والا الاخوان وخاصه اخوي العزوم ينزلون مقاس 25 ومقاس 20 ومقاس 15 حتى اقطع الشك
* كذلك عندي معلومه ما ذكرتها بالجمس عليه خطوط (شطرطون ان صحة الكلمه ) لونها مثل النار في جوانب الموتر وعلى كبوته صراحه ما مر علي جمس مثله شكله غير غير , مدري كثيره النوعيه هاذي والا كلها ساده ؟؟ وش هي الموديلات اللي عليها خطوط ؟
بالنسبه للخطوط مدري أنا ما خبرت أبد جموس قدام فيها خطوط
يالربع المعلومات اللي اذكرها يعني مأحاضر عليكم ابد والله انتم اساتذه ومنكم استفيد ويستفيد اللي يزور الموضوع والظاهر طولت عليكم ولكن تحملنوني الله يبض وجيهكم
وتقبلوا مرور اخوكم ومغليكم العتيبي
يا هلا بك و يا مرحبا و أبرك الساعات و كلنا نكمل بعض يالغالي و محد طلع من بطن أمه عالم