ماقصرتو ياشباب على الموضوع الوافي
واتمنى انكم تساعدوني
انا ودي بجمس موديله 78 او 79 ويكون نظيف جدا"
454 ويكون لونه احمر وياليت يكون بالشرقية
وشكرا" لكم وبيض الله وجهيكم
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
ماقصرتو ياشباب على الموضوع الوافي
واتمنى انكم تساعدوني
انا ودي بجمس موديله 78 او 79 ويكون نظيف جدا"
454 ويكون لونه احمر وياليت يكون بالشرقية
وشكرا" لكم وبيض الله وجهيكم
مكشاتي نشيط
اهلا وغلا فيك اخي العزيز / غييثات
فعلا البليزر دفرنسين امامي وخلفي بس فية هذة المشكلة الكهربائية الي قلتلك فيها .
تمنياتي لك بالتوفيق وتحياتي لك
اخوك / ابو مازن
مكشاتي نشيط
اهلا وغلا فيك اخي العزيز / غييثات
فعلا البليزر دفرنسين امامي وخلفي بس فية هذة المشكلة الكهربائية الي قلتلك فيها .
تمنياتي لك بالتوفيق وتحياتي لك
اخوك / ابو مازن
مكشاتي نشيط
بن غييثات
بـلـيـهـان 1
عضو لم يفعل تسجيله
سلمت
كرمت ودمت ياتركي
الاول على ما اظن موديل 76
الثاني اكيد 80
يبيلك يابليهان تبطح الجمس زي الصورة التاليه لين يحك بقوطي الصلصة
وترى راس مالها عفريتتين و مفتاح مختوم والثاني تماتيك ثم نبجد به بالارض
نخلص منك ونعود على ابو غازي هالي يبي يرفع موتره
وبدال مانرخي عمود الي يرفع الموتر وشاق به
نفكه ونجدعه بالبحر
انواع الصياح
مكشاتي متقدم
وانا مثلك اخي طارق عندي ولكن غماره ونصف
مكشاتي ذهبي
المشاركة الأصلية كتبت بواسطة Turk090i
بن غييثات
بـلـيـهـان 1
اشكرررررررررررك يا تركي و وينك ماعاد لك مشاركات
--
إهداء إلى أحبتي .. أعضاء و زوار منتديات مكشات .. موقع حلو بسيط خفيف عجبني و الله .. يستاهل 10 من 10
https://www.geocities.com/ghazi_143/
مكشاتي متقدم
السلام عليكم .. وش صار عليك يابو مازن ؟؟ قد يكون سلك الدفرنس حق دف لوك كهربائي للدفرنس الامامي وخاصة انه ياباني (مركب اضافي) اذا طلع دف لوك اشتريه منك.. وش اخر المستجدات؟؟
عضو فريق الأتحاد السعودي للرحالة GM Trucks
مكشاتي
خوش صور جزاكم الله خير
شكرا لكم
مكشاتي متقدم
العفو وابرك من ساعة وكلنا نلتقي بحفاوة مكشات
مكشاتي متقدم
نفس المشكلة تواجهني
مكشاتي متواصل
بليهان 1 كيف حالك عساك طيب ما لك بالطويلة :ـ
هاذا طال عمرك واحد عندي معروف يعز الجمس كثير وتهيض وقال :ـ
يطري علي الجمس في كل حزة ...
خصه إلا من الليالي غدن سود
ويا ما حلات الجمس مع كل فزة ...
يفز خفوق القلب زوداً ورا زود
يلي عليك العين نومي تكزه...
أرفق بحالي يا هوا البال بالجود
ثمانية وسبعين خصمه يهزه ...
أربع ميه يا لا حقه ما منك فود
لا من ظرب الوسم لزمن نرزه ...
بوسط جواً به برق ورعود
مع ربوعن ما لهم إلا المعزة...
لا فيهم النمام ولا فيهم حسود
مـــــــــــــطــــــــــــــــلـــــــــــــــــق الـــــــــــــــــســــــــــــــــــلـــــــــــ ــــــــمـــــــــــــــــــان
مكشاتي متواصل
شاركة الأصلية كتبت بواسطة مطلق السلمانالسلام عليكم ورحمه الله وبركاته...
(( في البداية أتقدم للأخ العزيز بليهان1 على العذر في التأخير بالرد على المداخله والأسئلة من قبله وذلك لجمع المعلومات الأكيدة والمفيدة بإذن الله ))
و عليكم السلام و رحمه الله و بركاته حياك الله
كل الشكر للأخ شقران على هذا الموضوع الشيق والممتع وعلى جميع الأعضاء المشاركين جزاك الله خير و يا مرحبا و مسهلا فيك( من طيبك يا شقران سابقاً بليهان 1 حالياً )
وأنا أحد عشاق (( الجموس )) إلى حد الجنون < الحاله نفسها عند أخوك
ولدي خبرة والحمد لله من واقع التجربة ويشرفني أن أضيف بعض الموضوعات التي تتعلق بعالم التحفة الفنية معشوقي الجمس بعطيكم معلومات ميكانيكية ، بعض قطع الغيار المتواجدة في منطقة الخليج العربي وأماكن تواجدها ، ورش تصليح ، محلات تنجيد ، ورش صبغ ...ألخ الحقيقة ما خليت منطقة ما جيتها أبحث عن قطع غيار حق الجمس وأبحث عن جموس بعد ومنها سياحة وزيارة بعض الأصدقاء وأتمنى من جميع أصحاب الجموس الذين لديهم قطع غيار أكسسوارات جديدة وأصلية ونادرة الوجود ويرغبون في بيعها أن يتم عرضها ليتم أستفاده بعض الأعضاء الذين يرغبون في تجديد سياراتهم.
بالنسبة للورش اللي تصبغ أنا قريت جميع الصفحات وقد أستغربت أنه لم يتم ذكر ورشة متخصصة في صبغ الجموس وقد أكتسبت شهرة واسعة جداً حتى فيه ناس يجون من قطر والكويت والرياض عشان يصبغون عنده الأسم مشهور جداً ومعظم أهل المنطقة الشرقية يعرفونه وهل يخفى القمر ورشة (( ناصر اليماني )) الموقع مدينة عنك قبل الدمام بحوالي 10 كيلوا وفيه ورشة بعد قريبه منه لأخوه أسمه (( أحمد اليماني )) الصبغ والسمكرة لا يعلى عليه ولكن فيه مشكلة ناصر اليماني معظم الأحيان إذا جوه الزباين ما يصبغ يقدم أعتذارة في معظم الأحيان حسب المزاج ( الواسطة والمعرفه قد تنفع ) والصبغ يبتدأ من 5500 ريال وفوق وفيه عيب للي ما يعرفه السيارة تطول عنده واجد يعني عشان تصبغ السيارة المدة من شهرين إلى 4 أشهر ولكن خبير من الطرز النادر عارف درجات الألوان الأصلية لكل موديل لجيت تصبغ 79 تجيك بويته زي ما طلع أيام وكالته وكذلك الحال بالنسبة لموديلات 85 ولكن إذا جيت بتروح عنك أسئل عن ورشة ناصر اليماني أو أحمد لأن أسم الورشة غير ولكن من تقول الأسماء هاذي دلوك على الورشة على طول تلقا الورشة على الشارع الرئيسي القطيف ـ عنك ـ سيهات.
أشكرك أخوي مطلق ما تقصر و لكن هل هو الوحيد المعروف و الجيد 100 % ؟؟؟
الجواب ( ورشة ناصر اليماني ) معروفة بإسم ورشة الأنوار هي رقم (( 1 )) في منطقة الخليج العربي ورقم (( 2 )) ورشة الوطنية لخو ناصر أسمه أحمد وللمعلومية كان ناصر وأحمد يشتغلون في ورشة وحدة يعني شغلهم متغارب جداً ولكن التفوق الواضح يميل إلى ناصر اليماني وللمعلومية تو واحد من معارفنا راح لناصر يبي يصبغ جمس عيا يصبغه وأخيراً وافق يصبغ الجمس بـــ ( 8000 ) ثمانية ألاف ريال وعطاه زياده من عنده ألفين عشان يضبط البوية ، وحسب كلام أحد الزملاء العزيزين والذي يعمل في معرض شواهد الخير بالدمام يعرض سيارات في المعرض للبيع أن ورشة ناصر اليماني هي أفضل وأجود ورشة صبغ متخصصة للجموس على الإطلاق ولا تضاهيها أي ورشة وللمعلومية يا بليهان أن أغلب اللي يجون يصبغون عند ناصر بالنسبة للون الأحمر ما يصبغون صبغة فرن يصبغون صبغة عادية عشان المنظر يطلع أفضل ما عدا اللون الأبيض يصبغ فرن ويطلع أفضل شي.
بالنسبة للتنجيد في المنطقة الشرقية فيه شخص أسمه (( عادل مد الله )) فنان في التنجيد شفت عده سيارات منجدها شغله ممتاز ومرتب الموقع بعتقادي الثقبة ولم يسبق أن تعاملت معه.
لا هنت ما تخبر مكانه بالضبط وين ..؟
فيه أحد النشاما علق ويقول في الدمام أنا ما نشدت عنه والرجال اللي وصفه يقول في الدمام شارع الملك سعود الله يجزاه خير.
بالنسبة للمكانيكا فيه ورشة في الدمام الخضرية يشتغل فيها يماني أسمه راشد الحقيقة شغله زين وراعي ذمة ولكن فيه سبيكه فارطه شوي.
راشد ما يحتاج معروف و طيب
و أيضا عندك ورشه هشام الملا ( الضغط العالي ) في رحيمه
و عندك ورشه فالدمام اسم الميكانيكي ( امين البغدادي )
و عندك ورشه ( ناصر ) بالفوازيه دايم تلاقي عنده موستنجات و يزودها ولكن عنده خبره بالجموس
و عندك ورشه بالدمام بالخضريه إلي عند الشاحنات واحد يقاله أبو تركي سعودي و شغله تمام التمام
و عندك نفس المكان و لاكن قبل أبو تركي فيه زوله شغلهم طيب
هاذولي إلي أذكرهم حاليا ً
بالنسبة لقطع الغيار فيه محل في الكويت لم يتم ذكرة من قبل الأعضاء وهو المحل الوحيد في منطقة الخليج العربي اللذي ما زال يجيب الطيس الأصلية وجميع الطيس المتواجدة في الأسواق حالياً مجيوبه منه أسم المحل (( البديع )) له فرع في منطقة الفحيحيل روح الصناعية وأسئل عن المحل معروف جداً وفيه بعد فرع في منطقة الشويخ المحل هاذا عنده قطع أصلية ( Gm ) فقط ومن ضمن القطع اللي عنده ( طيس الجمس 4 حبات تقريباً 1000 ريال وفيه محلات في السعودية تبيع 1400 ريال ، عنده شبك جمس 85 ، براويز شبك ، إسطبات رفرف أمامي ، جميحيات فوق ، وقطع أكسسوارات داخلية ) وأكثر القطع اللي عنده الأكسسوارات حق موديل 85 موديل 79 منت لا قي صعبة أتحصل له قطع فقي هذا الوقت. رقم محل البديع الفحيحيل 009653914208 /009653914207.
بالنسبة للشباب اللي يبون يشترون طيس كلموا المحل اللي في الكويت قبل لا تروحون لأنه يجيب تقريباً كل شهرين 12 حبة وتروح بفترة بسيطة عليها طلب وبعطيكم رقم القطعة عشان إذا أتصلتوا يصير كل شي على ما يرا رقم القطعة ( Gm 362014 ) هذا رقم الطاسة طبعاً أنا ما أشتري القطعه إلا بالرقم أسهم لأن لو بتدخل محل وبتقول أبي القطعه الفلانية حق موديل فرضاً 79 بيقول ما عندي وهي موجودة وهو ما يدري عنها.
فيه محل أخر في الكويت في منطقة الشويخ الصناعية ــ شارع كندا دراي أسمه معرض البدر لقطع غيار السيارات عنده بعض القطع قبل شهر لا قيها عنده وهي كتالي :ـ
1- عامود تيمين 454 عنده تقريباً 60 حبة ( Gm ) أصلي.
2- عكس أمامي يمين يسار.
3- صاجة رفرف أمامي تلقاها في الرفرف من الداخل لون الصاجة أسود هاذي يشتريها ألي يبي يصبغ الموتر طبعاً الصاجة ما تصبغ يجي لونها أسود الصاجة حق موديل 78-80.
4- عنده رفرف أمامي جديد موديل 81 وما فوق جهة يمين فقط كان عنده حبتين أنا خذيت حبه وبقى حبه.
رقم تلفون محل البدر 009654815125 و 009654814547
رقم الفاكس 009654812911
إذا جيت المحل فيه واحد يبع أردني أو سوري عنده خبرة إذا سئلته عن القطع هاذي بيعلمك الهنود منت مستفيد منهم شي.
فيه محل بعد في منطقة الدمام في الخضرية على نفس الشارع اللي فيه قطع الغيار أسم المحل (( مؤسسة علي حسين للتجارة )) لوحته من را صفراء مرسوم عليه صورة باص أصفر إذا شفته من را تقول هذا محل حق باصات ولكن عنده قطع غيار جموس من ضمن الأغراض اللي عنده (( سلف جديد غير مجدد السلف كله واحد الــ 350 و 454 على ضمانتي أنا عندي كتلوجات وأرقام القطع والموديلات وأنا مركبه ولا أحسن منه ، عنده ذراع شاصي موديل 78 حتى 82 أصلي ، عنده ديلكو جديد بعد ، عنده بعض فصالات الأبواب ما هي كاملة)) إذا جاء أحد منكم يروح للمحل يروح لشخص في المحل أسمه صالح العمودي هذا الشخص اللي أنا شريت منه القطع هو اللي عنده خبر عنها رقم المحل 038377776 ورقم أخر 038376003.
محل السهالة في الدمام ( فيه شخص أسمه عدنان ) بين فترة وأخرى يجيب قطع غيار نادرة وكذلك الحال بالنسبة لمحل كرستال في الثقبة.
فيه محل مختص بتلميع المريات مع العصي يا هل 79 في الدمام شغله مسكت لكن غالي أسمه جواهر المعادن تلقاه على طريق الملك سعود في الدمام تلقاه على يمينك كنك رايح لمخطط 91 في أول الخضرية على يمينك على نفس الشارع. < كم ياخذ؟
ياخذ على المرايات تلميع فقط من 200 ريال وأنت طالع والشغل مسكت وعلى الشرط.
عز الله أنك ذيب و وافي و مشكله محل كرستال الله يهديه غالي و أنا رايح له لقيت كل إلي تبي للجمس القديم
طبلون
مرايات
أسيات
جميحيات
عدادت حراره ولا بنزين .. إلخ
شبوك
صدامات
شكامين أصليه
شنابر 15 و بوالين
وووو إلخ
و عندك محلات العمودي بالثقبه محل يحبه قلبك رخيص و طيب
لقيت عنه سلف ما هو مجدد اصلي جي ام بـ 250 ريال أو 350 ريال ما أذكر و الله
و أخذت منه وصلتين أصليه إلي تجي لونها رمادي على اخضر و معاها الشخالات بـ 140 ريال و لكني رجعتها له لأني مركب هدرز و صعب أركب هاذي بحيث إني إذا ركبتها تكتم على الموتر و أيضا محل العمودي عنده قطع غيار جي ام اصليه متنوعه و عنده قطع توضيب اصليه جي ام و شي استغربت منه لأني من مده و أنا أدور قطع توضيب اصليه ولم أجدها إلا في العمودي
و فيه محل بالدمام يطلب طلبيه عند محلات الزينه و عندك وكاله تيوتا
و عندك محل الخالدي في صناعيه الثقبه عند محلات قطع الغيار عنده شبوك و أزياق و مرايات و طيس تقريبا 8 و عنده أشياء كثيره للجموس القدام
الأخ العزيز بليهان الحقيقة بكشف الأوراق واللي يصير يصير بالنسبة لمحل كرستال أطلعت على الشكامين اللي عندة طبعاً اللي يبيعها طقم يمين + يسار وسعرها فوق 3000 ريال ترا ما هي أصلية معادة التصنيع وبإعتقادي أن اللي يصنع الشكامين حسب البحث والتقصي :ـ
1ـ مصنع العتيبي.
2ـ مستودع التوفيق ( صناعية الرياض ) وهو مختص ببيع الشكامين والبيبات.
3ـ شخص مختص بصناعة الشكامين ومحلة في البحرين لكن ما عرفت وصف له أو عنوان أو رقم تلفون هذا يقولون أنه رقم 1 إذا بسويلك شكامين ما تفرقها عن الأصلي لأنه يستخدم الخامة الفاخرة والأصلية وما زلت أبحث عن أسم محله عن طريق بعض الزملاء وبا صله وأنا أبو حمد بإذن الله وبالنسبة للشكامين الأصلية 100% عند كرستال موجودة وشفتها بعيني هي شكامين يسار عدد ( 2 ) حق مكينة 350 هاذي أصلية وما عليها كلام اللي يبي شكامين يسار أصلية حق 350 لا يفوتها للمعلومية ترا الشكامين حق 454 تختلف عن شكامين 350 من ناحية سمك البيب لذا وجب التنوية للأحطة.
الأخ بليهان ذكرت طال عمرك محل الخالدي في صناعية الثقبة الحقيقة مريت على الثقبة أدور عليه ولا لقيته ممكن توصفلي المحل بالتفصيل الممل وأكون لك من الشاكرين ورقم التلفون إذا قدرت وأسم المحل بالكامل وهل القطع اللي ذكرتها عندة أصلية وجديدة وكم موديل الشبوك اللي تتكلم عنها طال عمرك إذا تكرمت وأي أزياج اللي ذكرتها اللي فوق الباب ولا أزياج الرفارف وضح تراني أموسس وأمدقق واجد.
نرجع لموضوع الميكانيكا (( الدفرنش )) من واقع التجربة الدفرنشات ثلاث أنواع على حسب المكينة مرتبه كتالي :ـ
1- ونيت مكينة 350 يجي الفرنش ( الكارون مقاس 41 والبنيون مقاس 11 ).
2- ونيت مكينة 454 يجي الدفرنش ( الكارونة 45 والبنيون 11 ).
3- بالنسبة للسوبر مكينة 454 يجي الدفرنش ( الكارونة 45 والبنيون 14 ).
و يا بعدي لا تنسى الأربع ميه الدفرنش حجمه 8 < للجميحي و عندي سؤال إلي يجي حجمه ثمانيه ك حجم كرونته ؟
و الظاهر رقم 7 للبهبهاني و لكن انا متكأد 100 % ان دفرنش الجميحي غير عن البهبهاني
عزيزي إذا شفت الدفرنش كل دفرنش عليه رقم والحقيقة ما قد فتحت كارونة بهبهاني لذا لا أستطيع أن أجزم أن كارونة الجميحي نفس البهبهاني ولكن لو نظرنا للموضوع بعين العقل وحكمنا عقولنا أستطيع أن أقول أنها كلها واحد لأنها أطلعت من مصنع واحد ولا يستطيعون أن يعطون الجميح مواصفات والبهبهاني مواصفات أخرى وخاصة المواصفات الميكانيكة أما الإكسسوارات على قد ما تدفع تلقى والله أعلم.
فيه عده أشخاص يركبون كارونة السوبر 454 على الجموس 454 وذلك لأختلاف البنيون زيادة عدد المسننات ومن واقع التجربة إذا ركبت كارونة السوبر وجيت بتقاوم مع جمس 454 بيقوم عليك ولكن على خط بتسبقه لأن المسننات حق البنيون واجد.
بالنسبة لموضوع الغيور وضبنا عده مرات غيور أول أنا أسمع غير 350 وأسمع غير 454 وأسمع أرقام مثل غير رقم 17 تفاجئت عند القيام بتوضيب عدة غيور بأن قطع الغيار الداخلية نفس الشي كلها واحد سئلت أحد الأشخاص اللذين يبيعون قطع غيار في السعودية منذ 20 عام قال القطع كلها نفس الشي مما قد يدل على أن الغيور كلها نفس القوم الفرق في المكينة والدفرنش فقط وبالنسبة لعامود الشفت نفس الشي مافيه فرق هذا والله أعلم.
نعم صحيح الفرق في المكينه و الدفرنش و قطع الغيار العاديه فرق ال350 عن ال 454 اشياء بسيطه
الأخ شقران ومنك نستفيد الناهسي مطر متخصص في بيع الجموس أسمع فيه من فترة ولكن وين موقع المعرض حقه نأمل الأفادة.
مطر الناهسي ماشاء الله عليه دايم يجيب جموس و لكنه لا يجيب إلا شي بويته وكاله و نظيف و غالي إلي عنده و موقعه بالجبيل و بالنسبه أن عنده معرض ولا لا صراحه ً ما أدري ولكن الله لا يهينك أنا كان عندي رقمه وضاع فا يا ليت لو ترسله على الخاص أو تحطه هنا
أبشر طال عمرك أنا بحثت عن رقم مطر الناهسي والحمد لله لقيته معروض في أحد المنتديات رقم الجوال 0506794114 والإيميل الخاص فيه ( AS2AM@HOTMAIL.COM ) أرجو المعذرة إذا كان الرقم خطأ أو تغير لأني ما أعرف الرجال الله يستر عليه ولا كلمته أحتمال غير الرقم كل شي وارد.
كما أعتذر عن الأطالة ولكن الموضوع شيق وحبيت أني أضيف ما لدي لكي يستفيد أكبر عدد ممكن من عشاق الجموس.
أبد أبد و الله إني فرحان بوجود إلي مثلك إلي يثرون الموضوع و يقدمون شي الكل يستفيد منه ، الله لا يهينك
شرواك الطيب والعلم الغانم
وتقبوا تحياتي وتقديري،،، أخوكم ( مطلق السلمـــــــــــان).
أشكرك أخوي مطلق و ما تقصر و الله يجزاك خير معلومات جدا رائعه و مفيده للكل ، أجمل تحياتي
أشكرك وأشكر الأخوان على حسن التعامل.
مكشاتي ذهبي
أرحب أخوي مطلق . اشكرك جزيل الشكر . أثمن مرورك
مكشاتي
قريب لي عنده تشليح في تشاليح الدمام طريق بقيق التشاليح الجديده
واسم التشليح (( تشليح الودعاني ))
ويوجد مكاين وهي كالتالي :
1 | 454 ويوجد منها اللون الازرق عدد 1 واللون الاحمر عدد 1 واللون الاسود عدد 1
2| مكينة 350 ويوجد منها اللون الاسود عدد 2 واللون الازرق عدد 2 واللون الاحمر عدد 1
3| مكينة 366 واتوقع اكثركم مايعرفها ويوجد منها عدد 3 للون الازرق و2 للون الاحمر
ويوجد عدد 20 شبك جديد للشفر 76 بكرتونه Gm
والرجال متخصص في الشفر والجمس والدوج (( البور ويقن ))
وبالنسبه لي اطلب بعض القطع واللي يدلني عليها يبشر بعزه :
شبك 78 جديد شفر
زيج جانبي 78 اللي يفصل بين اللونين
طيس شفر مقاس 16
الحايد اللي تجي على الحوض ( شد )
الصاجه اللي تجي على الغماره من ورى للشفر
ومشكورين
الذين يشاهدون الموضوع الآن: 2 (0 من الأعضاء و 2 زائر)
ضوابط المشاركة
رد مع اقتباس
