G M C ؛ الرفارف و المصفحات ؛ كـــل شـــئ عنهم ،. ( معلومـات و مـناقشـــات )

[بـلـيـهـان 1]

قريب لي عنده تشليح في تشاليح الدمام طريق بقيق التشاليح الجديده
واسم التشليح (( تشليح الودعاني ))
ويوجد مكاين وهي كالتالي :
1 | 454 ويوجد منها اللون الازرق عدد 1 واللون الاحمر عدد 1 واللون الاسود عدد 1
2| مكينة 350 ويوجد منها اللون الاسود عدد 2 واللون الازرق عدد 2 واللون الاحمر عدد 1
3| مكينة 366 واتوقع اكثركم مايعرفها ويوجد منها عدد 3 للون الازرق و2 للون الاحمر
ويوجد عدد 20 شبك جديد للشفر 76 بكرتونه Gm
والرجال متخصص في الشفر والجمس والدوج (( البور ويقن ))


وبالنسبه لي اطلب بعض القطع واللي يدلني عليها يبشر بعزه :
شبك 78 جديد شفر
زيج جانبي 78 اللي يفصل بين اللونين
طيس شفر مقاس 16
الحايد اللي تجي على الحوض ( شد )
الصاجه اللي تجي على الغماره من ورى للشفر


ومشكورين

حياك الله عزيزي تشكر على المشاركه
و بالنسبه لأاسعار المكاين كم كلها ؟

و الطيس موجوده في محلات الزينه و بكثره


تحياتي لك

[شنبر وطاره]

الله يعطيك العافيه اخوي بس الارقام وشلون احصلها ؟؟

[الدوسري0]

اللي بالسوق الاصلي 15
والباقي تجاري وشكله تعبااان

[بـلـيـهـان 1]

تلاقي اصلي

[الدوسري0]

بالدمام مافيه تعبت وانا ادور اكسوارات
اللي يدلني بمكان بالشرقيه اكون شاكر له

[عنزي من نجد]

مساكم الله بالخير
ياليت اذا فيه احد ابلاقي عنده تبريزة جنوط لجمس 8 مسامير

[دحيم 2000]

متى بس اشريه رفرف 454

[أمير المصفحات]

الفـــزعـــــة يا الربع


السلام عليكم ورحمة الله وبركاته

يا أخوان نداء عاجل لكم من أمير المصفحات

يا أخوان أنا عندي جمس م80 والله الموتر ماشاء الله نظيف

لكن صرت كاره الموتر الكلتش حق الموتر ثقيل مرررة ويتعب

مع أني غيرت له طقم كلتش كامل أصلي وكالة بس مافي فايدة

إذا تعرفون لي ورشة في الرياض يقدر يضبط لي الكلتش والله تسوون فيني خير

وإذا كانت الورشة في الصناعية القديمة دللوني تكفووون

تكفى تهز الرجاجيل



أخوكم
أمير المصفحات

[أمير المصفحات]

أفا والله وينكم يالنشاما


أمير المصفحات في ورطة

[علاوي المكاوي]

تكفون الله يعطيكم العافية أبي صوت طرب لعبارات الجمس وبدون إزعاج ياأهل الخبرة وش السواة.

[بـلـيـهـان 1]

اخوي امير المصفحات

يمكن الكلتش ماطبق مضبوط

و يمكن السبرنقه حقته

و يمكن المشكله من الدواسه

و اخوي الي يدور دبات شف في قسم البيع و الشرا فيه موضوع عن الدبات

[م.ابوسعود]

السلام عليكم ورحمة الله وبركاته .
الى الاخ بليهان ولايهونون الرجال .
الله يعطيكم العافيه ويجزاكم خير على المعلومات الطيبه .
انا سلمكم الله قريت الموضوع رد رد وماشاء الله عليكم ياهل الجموس خليتو عشقي للجموس يزيد ويزيد لين جزمت اشتري لي وحيد المهم ومالكم بالطويله استفساراتي مالقيت لها جواب بهالموضوع الطيب لذلك تحملون شوي لقيت لي جمس موديل 84 او 83 ماتاكدت مكينه 454 مقلوب 350 المكينه بس يعني القير والدفرنش نفسه وارد الجميح بدون دبل .
1- هل تغيير المكينه هذا فيه مشكله ؟
2- ليش الدفرنشين مهب مرغوب ؟
3- انا ابي اجهز الموتر للبر وطلعاتي واجد فهل يبيض الوجه بالنفود ولالازم دبل لاني جديد عليهن؟
سبب اختياري للجمس هو قلة الماده وانا عندي سياره ثانيه لكن السياره هذي منذ نعومة اظافري وانا اتمنى واحد .واعذرون ياجماعة الخير طولت عليكم .

[بـلـيـهـان 1]

السلام عليكم ورحمة الله وبركاته .
الى الاخ بليهان ولايهونون الرجال .
الله يعطيكم العافيه ويجزاكم خير على المعلومات الطيبه .
انا سلمكم الله قريت الموضوع رد رد وماشاء الله عليكم ياهل الجموس خليتو عشقي للجموس يزيد ويزيد لين جزمت اشتري لي وحيد المهم ومالكم بالطويله استفساراتي مالقيت لها جواب بهالموضوع الطيب لذلك تحملون شوي لقيت لي جمس موديل 84 او 83 ماتاكدت مكينه 454 مقلوب 350 المكينه بس يعني القير والدفرنش نفسه وارد الجميح بدون دبل .
1- هل تغيير المكينه هذا فيه مشكله ؟
2- ليش الدفرنشين مهب مرغوب ؟
3- انا ابي اجهز الموتر للبر وطلعاتي واجد فهل يبيض الوجه بالنفود ولالازم دبل لاني جديد عليهن؟
سبب اختياري للجمس هو قلة الماده وانا عندي سياره ثانيه لكن السياره هذي منذ نعومة اظافري وانا اتمنى واحد .واعذرون ياجماعة الخير طولت عليكم .

السلام عليكم و رحمه الله و بركاته

تغيير المكينه لأن ال350 اقل صرفيه من ناحيه زيت وبنزين و خرابات

الجمس ابو دفرنش نسم 15 و توكل على الله و لكن ما ينغزا به و لكن واحد من الربع يمشون فالربع الخالي عرق ورا عرق 180 كيلو بجمس دفرنش منسمين له طبعا ً .. و لكن طارات

اي سؤال انا تحت الخدمه

[م.ابوسعود]

ماقصرت اخوي بليهان وبيض الله وجهك انا عارف ان ال350 اقل صرفيه وخرابات لكن سؤالي بالنسبه للقير والدفرنش لان المكينه 350 والدفرنش والقيرحقات 454 هذا سؤالي كان هل فيها مشكله الحركه ذي ؟
وسؤالي الثاني ليش الدفرنشين مهب مرغوب ؟
طولت عليكم لكن عز الله انك ريحتني الله يجزاك الجنه لاني اطلع للدهناء واجد واخف اغرز به ولايطلع ابد.
الاعلى فكره وش تقصد بماينغزابه هل الخرابات والا التغريز.
وقريبا باذن الواحد الاحد تتحقق امنيتي واصير من ربعكم.

[ا ا ى]

السلام عليكم
ياخوان مطلوب شبك وازياق شبك اصلي شد بلد جمس 85
اللي خابر شي لايبخل علينا تكفوووون