G M C ؛ الرفارف و المصفحات ؛ كـــل شـــئ عنهم ،. ( معلومـات و مـناقشـــات )

[ابو نايف 111]

السلام عليكم


يا شباب اعلانت مشاركاتي ثلاث مرات او مشكلتي ثلاث مرات عندي جمس وفيه مشكلات الفرار الدبل افتحه يطلع صوت قوي جدا جدا الحل يشباب هل يوجد من حل هل يجد من منقذ ارجو منكم الرد

[escape_man]

السلام عليكم


يا شباب اعلانت مشاركاتي ثلاث مرات او مشكلتي ثلاث مرات عندي جمس وفيه مشكلات الفرار الدبل افتحه يطلع صوت قوي جدا جدا الحل يشباب هل يوجد من حل هل يجد من منقذ ارجو منكم الرد

رح لوشة ابو عادل بالصناعية القديمة .. لاتعديت اشارة الصناعية وجهك شمال .. بيجيك على يمناك بنك الراجحي .. بعده شارع الجمعية الي عليه باقادر والسبيعي والتقوى وغيرهم .. خلك منه ..

بعد اول مشحمة بعد شارع الجمعية او بنشر بتلقى مديخل صغير فيه الورشة وفيها واحد هندي يقاله سعيد جيد بهالشغلات..

السلام عليكم
ياخوان مطلوب شبك وازياق شبك اصلي شد بلد جمس 85
اللي خابر شي لايبخل علينا تكفوووون

ياطلبية عن طريق الوكيل او موقع انترنت او تشليح وقليل تلقى نضيف 100%

تلاقي نص نظيم بتشليح النظيم .. تشليح الحاير لايهمك

[مطلق السلمان]

الأخوة الأعزاء : تحية طيبة وبعد ،،،

أشكر الأخ بليهان على هذا الموضوع والله أني فرحت يوم فتحت صفة السيارات ولقيت الموضوع ما زال تحت التداول ويشرفني بأن أضيف ما لدي من أستفسارات من بعض الأخوان.

بالنسبة للأخ العزيز الدوسري طلبت بعض قطع الغيار ومن ضمنها شبك شفر 78 فيه أحد الزملاء جايب قطع ( Gm ) كان بجدد الموتر حقه موديل 78 بعدين باع الموتر وصفا معظم قطع الغيار واللي أنا متأكد أنه مازال موجود هو الشبك الشفر وبكرتونه ( Gm ) ولكن طالب فيه واجد لأن أمكلفة الشحن من أمريكا على كذا طلع عليه غالي والرجال مليان فلوس يعني القيمة اللي براسه إذا ما جت ما هو بايع الشبك لكن جديد ما عليه كلام وعلى فكرة الرجال تعب لين لقا الأغراض جلس ( 3 ) سنوات يجمع الأغراض لأنه أمعقد يبغا ( Gm ) فقط يوم وفر القطع كره الموتر وباع بعض الأغراض يا سبحان الله.

بالنسبة للأخ العزيز أمير المصفحات أنت طال عمرك سئلت عن ثقل الموتر فيه عدة أسباب منها المكينة و الدفرنش والديلكو والكلش الكبريتر وفيه بعد طال عمرك فلتر الكبريتر إذا ركبته مقلوب السيارة ما تتعدى 140 كيلو في الساعة وبعد إذا كان البيبات اللي من الكنداسة إلى الغزوز مكتومة تسبب ضعف في السيارة الحقيقة الأسباب واجد لو بتحسبها راح تجيك هلوسة أنت غيرت كلتش ولا نفع خلك على المبروك وأرضى برزقك أما إذا كنت تقصد ثقل دعسة الكلتش فلازم تعمل تزييت للدعسة من الداخل يعني جنب الغير من الخارج عشان أتصير لينة لأن موديلات 78 حتى 84 الكلتش ثقيل أما موديل 85 وما فوق فلكلتش ممتع ولا عليه كلام خفيف جداً.

الأخ اللي يدور على شبك موديل 85 جديد فيه عدة محلات بالمنطقة الشرقية تجيب أشبوك جديدة يعني بين فترة وفترة منها محل السهالة بالدمام فيه شخص أسمه عدنان كلمة وخله يوفر لك الحاجات اللي تبغاها أو محل كرستال في الثقبة ـ شارع مكة المكرمة تلقا بعض الاحيان قطع.

مع أطيب تحياتي لكم جميعاً

[بـلـيـهـان 1]

ماقصرت اخوي بليهان وبيض الله وجهك انا عارف ان ال350 اقل صرفيه وخرابات لكن سؤالي بالنسبه للقير والدفرنش لان المكينه 350 والدفرنش والقيرحقات 454 هذا سؤالي كان هل فيها مشكله الحركه ذي ؟
وسؤالي الثاني ليش الدفرنشين مهب مرغوب ؟
طولت عليكم لكن عز الله انك ريحتني الله يجزاك الجنه لاني اطلع للدهناء واجد واخف اغرز به ولايطلع ابد.
الاعلى فكره وش تقصد بماينغزابه هل الخرابات والا التغريز.
وقريبا باذن الواحد الاحد تتحقق امنيتي واصير من ربعكم.

و الله ياخوي اكيد الشد بلد 454 افضل من شغل ترهيم مكاين

الدفرنشين مين قال مش مرغوب .. بس النظيف يفرض نفسه

لا تروح الدهنا لحالك و ترتاح

و ماينغزابه من ناحيه خرابات ولا بد ان يبي يصير خوياك كلهم ابو يمن ميكانيكيه اذا طحت بجمس ماهو نظيف ..

و ابرك الساعات اسأل و نجاوب

[بـلـيـهـان 1]

الأخوة الأعزاء : تحية طيبة وبعد ،،،

أشكر الأخ بليهان على هذا الموضوع والله أني فرحت يوم فتحت صفة السيارات ولقيت الموضوع ما زال تحت التداول ويشرفني بأن أضيف ما لدي من أستفسارات من بعض الأخوان.

بالنسبة للأخ العزيز الدوسري طلبت بعض قطع الغيار ومن ضمنها شبك شفر 78 فيه أحد الزملاء جايب قطع ( Gm ) كان بجدد الموتر حقه موديل 78 بعدين باع الموتر وصفا معظم قطع الغيار واللي أنا متأكد أنه مازال موجود هو الشبك الشفر وبكرتونه ( Gm ) ولكن طالب فيه واجد لأن أمكلفة الشحن من أمريكا على كذا طلع عليه غالي والرجال مليان فلوس يعني القيمة اللي براسه إذا ما جت ما هو بايع الشبك لكن جديد ما عليه كلام وعلى فكرة الرجال تعب لين لقا الأغراض جلس ( 3 ) سنوات يجمع الأغراض لأنه أمعقد يبغا ( Gm ) فقط يوم وفر القطع كره الموتر وباع بعض الأغراض يا سبحان الله.

بالنسبة للأخ العزيز أمير المصفحات أنت طال عمرك سئلت عن ثقل الموتر فيه عدة أسباب منها المكينة و الدفرنش والديلكو والكلش الكبريتر وفيه بعد طال عمرك فلتر الكبريتر إذا ركبته مقلوب السيارة ما تتعدى 140 كيلو في الساعة وبعد إذا كان البيبات اللي من الكنداسة إلى الغزوز مكتومة تسبب ضعف في السيارة الحقيقة الأسباب واجد لو بتحسبها راح تجيك هلوسة أنت غيرت كلتش ولا نفع خلك على المبروك وأرضى برزقك أما إذا كنت تقصد ثقل دعسة الكلتش فلازم تعمل تزييت للدعسة من الداخل يعني جنب الغير من الخارج عشان أتصير لينة لأن موديلات 78 حتى 84 الكلتش ثقيل أما موديل 85 وما فوق فلكلتش ممتع ولا عليه كلام خفيف جداً.

الأخ اللي يدور على شبك موديل 85 جديد فيه عدة محلات بالمنطقة الشرقية تجيب أشبوك جديدة يعني بين فترة وفترة منها محل السهالة بالدمام فيه شخص أسمه عدنان كلمة وخله يوفر لك الحاجات اللي تبغاها أو محل كرستال في الثقبة ـ شارع مكة المكرمة تلقا بعض الاحيان قطع.

مع أطيب تحياتي لكم جميعاً

السلام عليكم و رحمه الله وبركاته

يا هلا و غلا بك يالغالي اشتقنا لمرورك يالذيب

[مكشاتينيو]

اخواني ممكن تعطوننا صور رفارف

[م.ابوسعود]

و الله ياخوي اكيد الشد بلد 454 افضل من شغل ترهيم مكاين

الدفرنشين مين قال مش مرغوب .. بس النظيف يفرض نفسه

لا تروح الدهنا لحالك و ترتاح

و ماينغزابه من ناحيه خرابات ولا بد ان يبي يصير خوياك كلهم ابو يمن ميكانيكيه اذا طحت بجمس ماهو نظيف ..

و ابرك الساعات اسأل و نجاوب

ماشاء الله عليك يابليهان ماقصرت وبيض الله وجهك انا اللي لقيتهيقول فيه بكرة سيور متعطله هل هي غاليه ولالا اذا كان عندك علم والسؤال اللي اهم منه هل هي موجوده اصلا ؟؟؟
انت قلت اسال والله يعينك علي.

[ا ا ى]

يعطيكم العافية
اللي يقول بتشاليح النظيم ماحصلت اوتحصل تجاري
وعندي طبلون 78 بيج شدبلد نظيف جدا مانجد وقطع ثانية للبيع
للتواصل al-wazer454@hotmail

[escape_man]

يعطيكم العافية
اللي يقول بتشاليح النظيم ماحصلت اوتحصل تجاري
وعندي طبلون 78 بيج شدبلد نظيف جدا مانجد وقطع ثانية للبيع
للتواصل al-wazer454@hotmail

طيب جابك الله ..

عندي شفر قطع عشرة موديل 81

ابي مرتبة نظيييييفه + طبلون شد بلد مانجد

اللون الداخلي طيعا احمر

واكون من الشاكرين

[الدوسري0]

اخوي مطلق السلمان كم عليه الشبك
عاجل لاهنت

[أمير المصفحات]

يعطيك العافية أخوي مطلق

[أمير المصفحات]

إعـــــــــــــــــــــــــــــــــــلان هــــــــــــــــــــــــــــــــــــــام

والله يا أخوان مدري وش اقول لكم صراحة شي ضيق خلقي

طبعا يا أخوان اليوم الصباح قدر الله على مكينة موتري وخبطت المكينة

وانواع الاصوات تطلع منها <<<<<<<<<<< حسبت ان في هوشه داخلها

المهم يا أخوان موتري موديل 80 مصفح مكينة 350 زرقاء

وقررت فورا أني ادخل موتري الحوش وافك مكينته واوضبها من وإلى كل شي جديد

واناوي اخرط البساتم عشرين <<<<<<<< يسمع بالخرط

المهم يا أخوان أنا حبيت أعطيكم خبر عشان ماتفقدوني وتراني في الرياض اذا احد يعرف ورشة يعلمني عشان اي استفسار عندي اروح لهم واسألهم


وبالنسبة للسبب حق تخبيط المكينة هو:

قبل سنتين انكسر عندي بلف من بلوف المكينة وخليته وقبل شهرين كنت طالع البر وقنص وفله وبداء يطلع صوت العمود حق المكينة واليوم تم اعلان تخبيط المكينة بعد عمر يناهز 29 سنة الله يرحمك يامكينة موتري


تم الاعلان

أخوكم
أمير المصفحات

[gm2009]

السلام عليكم
انا توني شاري بهبهاني مديل 79 دفرنسين دبل وهذي اول سياره لي ياليت تساعدوني في تصليحه لأن السياره يبيلها فحص دوري وغير كذا السياره في الرياض ونا خارجها وجاي يوم الثلاثاء بصلح السياره عشان تمشي في الفحص وننقل ملكيتها محتاج اعرف اماكن ورش شغلها زين ووين القي محلات قطع غيار للسياره .
هذي بعض المشاكل الي في السياره
لي البنزين يهرب
السلف احيانن مايدق اعتقد فيه ترس فيه مشكله
تصفيه للمكينه
وجه مدري جلد بلوف
صليب الدبل فيه صوت ويتحرك
صوفت دفرنس امامي
مساعدات امامي (الى يعرف نوعيه كويسه لا يبخل علي)
سلك عداد السرعه
التانكي الثاني مب شغال يبيله توصيل سلك .
انا السياره ما شفتها بس هذا علي كلام ولد عمي فاحصها بورشه .
يا ليت تفزعون لي والي عنده خبره عن اسعار القطع وكم تكلف شغل اليد لا يبخل علينا
شكرا

[بـلـيـهـان 1]

حياك الله اخوي .. فيه ورش في الرياض كثيره رح سير عليها ..
ولي البنزين بداله لي
و السلف اتوقع يبيله وزن و اذا ما ضبط معناها يا ترس سلف او ترس حذاف بس رح عند واحد يوزنه مضبوط
تصفيه المكينه يعني توضيب كربليتر و وزن كربليتر و وزن ديلكو .. إلخ شغلات سهله و ما يتعدى سعرها ال200 ريال تقريبا
جلد بلوف تلاقيها في محلات قطع الغيار
صليب الدبل مدري عنه لأني ماقد قنيت جمس فيه دبل
صوفه سهالات يفكون الجرم و يحطونها
مساعدات فيه جبريل حلوه
سلك عداد سرعه عند اهل قطع الغيار
التانكي الثانيه يبيله توصيل و سهله الشغله

[بـلـيـهـان 1]

إعـــــــــــــــــــــــــــــــــــلان هــــــــــــــــــــــــــــــــــــــام

والله يا أخوان مدري وش اقول لكم صراحة شي ضيق خلقي

طبعا يا أخوان اليوم الصباح قدر الله على مكينة موتري وخبطت المكينة

وانواع الاصوات تطلع منها <<<<<<<<<<< حسبت ان في هوشه داخلها

المهم يا أخوان موتري موديل 80 مصفح مكينة 350 زرقاء

وقررت فورا أني ادخل موتري الحوش وافك مكينته واوضبها من وإلى كل شي جديد

واناوي اخرط البساتم عشرين <<<<<<<< يسمع بالخرط

المهم يا أخوان أنا حبيت أعطيكم خبر عشان ماتفقدوني وتراني في الرياض اذا احد يعرف ورشة يعلمني عشان اي استفسار عندي اروح لهم واسألهم


وبالنسبة للسبب حق تخبيط المكينة هو:

قبل سنتين انكسر عندي بلف من بلوف المكينة وخليته وقبل شهرين كنت طالع البر وقنص وفله وبداء يطلع صوت العمود حق المكينة واليوم تم اعلان تخبيط المكينة بعد عمر يناهز 29 سنة الله يرحمك يامكينة موتري


تم الاعلان

أخوكم
أمير المصفحات

رحمها الله !

اذا نيتك تزويد علمنا نفيدك مضبوط