مواصفات البل الممتازة بالصور ( رسومات ماهن صور مره)

[مرعي السرحاني]

السلام عليكم

أجزاء البعير المزيون بالتفصيل وكيف تفرق بين الطيب وخذ وخل
أترككم مع الصور

الموضوع منهوب ...

[مرعي السرحاني]

ماكفى المويضيع المنهوب قلت اضيفه برد

[وقاااااد]

مشكور يالسرحاني على الموضوع
بس حلو الموضوع المنهوب

[ابومحمد vtc]

مشكور اخوي ع الموضوع

[مرعي السرحاني]

حياك الله وقاد وعلى هلا

اما بخصوص منهوب <--- بها نوع من الأمانه المقمعه

حلوه المقمعه ؟

[مرعي السرحاني]

مشكور انت يابو محمد

وعلى هلآآآآآآآآآآآآآآآآآآآ

[الودان]

تسلم اخو بارك الله فيك

[ابن عكاش]

بيض الله وجهك يالسرحاني هذي علوم العرب عزالله أنك تستاهل الطيب الله يوفقك
بس عندي سوأل عن مواصفات ومسميات الراس بالتحديد لاهنت

[عين الداب]

فنااااااان وراعي نضر وصنف وبيظ الله وجهك يالسرحاني

[مرعي السرحاني]

تسلم اخو بارك الله فيك

الله يبارك بك انت

و على هلآآآآآ

[مرعي السرحاني]

بيض الله وجهك يالسرحاني هذي علوم العرب عزالله أنك تستاهل الطيب الله يوفقك
بس عندي سوأل عن مواصفات ومسميات الراس بالتحديد لاهنت

ابو كاش ابشرك اننا ياتوالي العرب ضيعناها صارت كار السودانيين والهنود ولا حنا يخلف الله صحن خميعه

الخميعه = مرقوق بدو

المهم بالنسبه للوجه مهم لكن ماهو بأهمية قطعة البعير او الناقة على الاقل بنظري انا

تقسيماته طال عمرك :

الراس اسلت يعني يوم تراعي له مع الجنب تقل قص مكينه سبحان خالقهن

<--- يقال له ترجم


اللحي مستقعد وطويل يعني الحنك هضع

القله مسحا بعض البل تقل لابسه طربوش شامي وهذي هج عنه عليك بالمسحا

راجع مقطع ذود عين الداب واذكر الله وتعرف قصدي

موقع اذنها طيب يعني بالوضح مثلا ً حنا نقول له اذنه منخرعه يعني تقل خايفه وهذا نسبه لإرتخاء عضلة الاذن

الوجه ودك باللي ليا اقبلت وبحرت به تقل دويره يعني مدور عاد نسيت المسطلح البداوي صراحه

الخد العريض الخد يعني الشدق ودك الناقه له شدوق كبار ومليانات وبهن شوين طفاح يعني بروز

المشارب ضافيه سبايل طويله براطمن تدودل يعني لها خرطوم

المنخر وسيع وسبحان الله الميزه هذي بابل اللبن والمطايا بعد كل ما وسع المنخر احس انه ازين هذا من وجهة نظري انا بعض الناس لا ما يبي اللي كذا

لو ترجع لمواصفات المزاين خص بالوضح يبون الدقاق وانا لا ابي الجله الجبره اللي طول الملحاء

يعني يا خويلي المساله مسألة ذوق بالاخير شف اللي براسك واشتره ولكن الشورى منتازه

[مرعي السرحاني]

فنااااااان وراعي نضر وصنف وبيظ الله وجهك يالسرحاني

يا هلا ورحب مليون هلا

الينك انت راع الصنف يا طير شلوى

ولا تبخل بالصور تكفى

<--- وده يشوف بعيرك ماشاء الله عليه

[المهمري]

الله يرحم حالنا

[أبوإبراهيم1]

مشششششششكككككككور

[مرعي السرحاني]

المهمري

يا رجل السلام سنه

وعسى الله يرحم حالك صدز