وينكم يالقصمان ردو علي

[طباخ العزبه]

السلام عليكم ورحمة الله وبركاته
انا اخوكم الطباخ وودي اروح لحسنا السبق وودي اعرف وش الطريق الزين والسهل من بريده

[عبد الله الفايز]

حياك الله ياطباخ العزبه عسى طبخك زين ...؟
عندك طريقين كلهن زينات
1- تروح كأنك تبي الحفر والى جيت أم رقيبه تفرج على البعارين والسوق وتغد هناك وصل العصر
ثم حط رقم الاحداثية بالقارمن وتوكل على الله تبي تشرق بحدود 60 - 80 كيلو

2- رح كأنك تبي الرياض والى وصلت مفرق جلاجل اطلع ورح يسار باتجاه مبايض ثم الشعب وطول وارق من عند الشوكي يصير بايمنك كله سفلت إلى جلعوده وبعد جلعوده خلك بنفس اتجاه السفلت بحدود خمس وعشرين كيلو تجيك روضة التنهات -- يالله من فضلك -- تفرج وامش بعد شوي يجيك سفلت اقضبه لحد يجيد دوار العتش -- الصمان رح يسار 120 كيلو وانت عند جرارة ( الرفيعة ) خذ منها أغراضك وحط الارقام وغرب بحدود 3- 40 كيلو أو حروتهن وانت عند الحسنا وكشته ممتعة

[طباخ العزبه]

الطبخ نثري ويحتاج تذوقه عشان تعطينا رايك قل تم

جزاك الله خير يا خال ما قصرت عطيتنا العلم الوافي

وتقل جاز لي طريق ام رقيبه حيث انه اقرب لكن مادري من ام رقيبه لحسنا الدرب زين

وسمعت واحدن من العيال يقول نروح مع درب يقاله محيبص او محيصب يقول اقرب وش رايك يا الدليله

[عبد الله الفايز]

حياك الله وحنا بالخدمه الدرب من ام رقيبه زين وكانك جيد وسيارتك جيده بار للنفود لحد تصير الحسنا شمال عنك قريبه ماهي بعيده وعلى العموم دروب الصمان زينه بس ماتقدر تسرع بالحيل من كثر الرقي والتحويل واللفات ولا تهون الخطوط والشعبان اللي تقطع دربك
درب المبيحيص زين ومبتر بس ماتقدر تقضبه إلا تدخل لوسط الصمان أو تمسكه من مبداه قبل الدهنا من عند القاعية
من ناحية النثرية دعوتك مقبوله بس نبي نوفره لوقت أوسع شكرا

[طباخ العزبه]

جزاك الله كل خير يا خال
كفو يالذيب جبت العلم

تحياتي لك والنثريه بانتظارك