انتظروا التفاصيل قريباً واخبار راح تعجبكم انشاء الله
وياحبنالنا
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
انتظروا التفاصيل قريباً واخبار راح تعجبكم انشاء الله
وياحبنالنا
----------------------------------------------------------------
للمؤمن أحباب لايرى جمال الدنيا بدونهم ولا يشعر بألمها مع دعائهم ( أنتم اخواني في الله يااعضاء مكشات واحبابي فلاتحرموني من دعائكم ولكم مني مثله ) جزاكم اله خيراً
بسم الله نبداء
انطلقنا من الرياض باتجاه رماح مع طريق الشرقيه وبعد ماتعدينا رماح باتجاه شويه وقبل شويه ب40 كيلو حطينا الرحال بالنفيدات وتعشينا ونمنا ( طافين طالعين من دواماتنا - يازين الاجازه) والصبيح توجهنا لم شويه وتعديناه لم ( ام عقلا الشملول ) وقبله ب4 كيلو بوه فيضتين وش زينهن ربيعهن خفيف لاكن الخير مقبل انشاء الله واستمرينا بالرحله باتجاه ( الرفيعه ) الوضع عادي جداً وبعد الرفيعه امرحنا بمكان كله ملح والصبيح شغلنا ماجلنا وحطينا احداثيات ( ام قرين) ويوم وصلناه لقين به امياهتن واجد وبعد اتجهنا الى ( حسنا السبق ) وبالطريق الي حسنا شفنى العجب من ام قرين باتجاه حسنا لمسافة 15 كيلو تقريباً فياض امتراصه جنب بعض وربيعه زين بالحبل وفيه فيضه تحت جال ما ادري وش اسمه لكن خزنت احداثيه به امياهتن اتوحش يعني بدون مبالغه بحيره بمساحة 2كيلو في نصف كيلو وبعده الى حسنا الارض مابه شين يذكر الين جينا حسنا وماراح طرق الخطوط له عبث حيث انه تسوى المشوار ولاابي احرق عليكم المتعه روحو لمه ولاانتب امتحسفين انشا الله ( والشكر لاخواني المشرفين الكرام السمح ونفل الي جابو طاري حسنا الاسبوع الماضي )
وياحبنالنا
ما قصرت يا رجل عزالله انك جبت العلوم الغانمه
بنشدك ياخوي حسنا مفتوح شبكه ؟ يعني تدخله السياره ؟
وليتك تكمل معروفك وتعطينا كم احداثيه من الفياض الزينه الي بين حسنا وام قرين
ولا تعبت يا الذيب
جزاك الله حير على مرورك ياخوي ياطباخ العزبه
بالنسبه لحسنا السبق بوابته مفتوحه وجلسنابه وتغدينا يوم الجمعه
والحداثيات مهب معي هالدقيقه لكن اغدين احطه بالموضوع باكر انشاء الله
ويــا حبـــنـــا لــــنــــا
الحمد لله على السلامة اخوي رمش العين .
ومشكور وما قصرت على الاخبار الزينة والعلوم الطيبة
مشكور اخوي * رمش العين *
رحلة وكأننا معكم بس وين الصور (لو واحدة)
واخبار طيبة والله يتبع للأمطار بالتبوع المباركة ...
مشكور وبارك الله فيك ....
اخواني الكبار الشقردي وصقر اشكركم على مروركم ويشرفي تعليقاتكم
وبالنسبه للصور للاسف ماكان معي كاميرا وبالرحلات الجايه انشاء الله نطعم الموضوع بالصور
اخوي المشرف الرائع شقردي امل ان كان ممكن تضيف للعنوان تاريخ الخميس والجمعه الماضيه لاني مالي صلاحية اضافه لوه
اخوكم الصغير رمش العين ( ابو متعب )
السلام عليكم ورحمة الله وبركاته
اخوي رمش العين
مشكور والله يعطيك الف الف الف عافية على العلوم الزينة والله يبشرك بالخير وبصراحة ودي اسأل عن الطريق بين الشملول ( ام عقلا ) الى الرفيعة تقول عادي قصدك ان الارض مهيب ممطورة من المطر التالي والمنطقة مابها ربيع ؟ ولا مربعة بس ربيعها وسط . ومشكور مرة ثانية
اخوك نفل
سبحان الله وبحمده سبحان الله العظيم
اخوي الغالي نفل مشكور لمرورك وبالنسبه لاستفسارك عن المنطقه الي شفتوه ان الارض ممطوره لكن ماربعت لدرجة انوه مالقينا محل انتغادابوه الى عند دركال بوه ماء والله يجيب الخير
أشكرك أخي رمش العين على التقرير الجيد ، و لكن المرة الثانية خذ كميرة لأن الكاميرة تغني التعليق هذا كله أو جله .
ثم ودي تعلمنا معنى ( امياهتن ) !!!!
إحداثي موقع روضة حسنا السبق :
050 11 27
818 24 46
* رمش العين *
مشكور
وماقصرت على العلوم الزينه
قال تعالى
بسم الله الرحمن الرحيم
((أَفَرَأَيْتُمُ الْمَاء الَّذِي تَشْرَبُونَ أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ لَوْ نَشَاء جَعَلْنَاهُ أُجَاجًافَلَوْلَا تَشْكُرُونَ))
صدق الله العظيم
صفحتي في تويترaaalshitwi@
اخواني ابرق الضيان نقاهشال جزاكم الله خير على كلامكم الطيب واوعد اخوي ابرق الضيان البي طلبك في الطلعه الجايه وقريبه مهب بعيدة
بشر يا ابو متعب عسى العنوان جازلك
مشكور اخوي رمش العين على المعلومات بس تكفى لا تنسى الكاميرا المرة الجايه لان الصور اعتبرها تتويج للرحلة وذكريات حلوه لا تنسي ولك تحياتي
لا تنسى ذكر الله
تسلم اخوي ومشرفنا الغالي شقردي وجزاك الله كل خير
الذين يشاهدون الموضوع الآن: 1 (0 من الأعضاء و 1 زائر)