بسم الله الرحمن الرحيم
السلام عليكم ورحمة الله وبركاته
بدت الرحله ذهبنا الاالكسر ولاه مافيه قطرة ماء واستغربت لأن الناس يقولون انه مليان وقفت وسالت راعي وين الماء قال كان فيه مويه كثيره لاكن الأرض عطشانه وشربتها وقال يمكن تلقون مويه في اخر الكسر لان المويه تجمعت هناك من ثلاث ايم رحنا ولا لقينا شي
طلعنا من الكسر ورحنا باتجاه مشاش عوض وفي الطريق الي بين الزلفي والأرطاويه مناقع واجد والأرض زينه وتبشر بالخير
وصلنا لين ام رقيبه تمشينا وتفرجنا على المزاين ومن ثم عبينا في المحطه
ودخلنا باتجاه العوشزيات وهي تبعد عن محطة ام رقيبة 33 كيلو باتجا الشمال شرق اكثر
العوشزيات
N 27.15.230
E 45.53.250
وصلنا ولا لقينا فيها شي يستاهل الارض فيها باذر ربيع لاكن ماتبشر بربيع جيد
حركنا منها الا الحصبيات وتبعد عنها 30كيلو تقريبا شما ل شرق اكثر
الحصبيات
N 27.25.650
E 46.12.500
وصلنا الحصبيات وهي افضل مكان مرينا عليه في الصمان في هذي الرحله الارض خضرا وباقي فيها ماء ومطينه جزء كبير منها وهي تستاهل من يروح الها من الحين والربيع قدامها وكل ماتاخر الوقت الا ها زاينه وهذي صور في منطقة الحصبيات لعام 1418
وانطلقنا الى روضة جغبقة تبعد باتجاه الجنوب الشرقي 10 كيلو
جغبقة
N 27.20.500
E 46.15.500
ماجاها مطر ابد الارض عجاج وال فيه مايسر العين
اتجهنا لحسنا وهي تبعد تقريبا 23 كيلو باتجاه الجنوب
واتجهنا مع خط جنوب جغبقا عليه علمات ويمشيبك الله العالم الين روضة حسنا عليه علمات حقت المرور عصا وعليها مثلث على طول الطريق انا مشيت مع هالطريق الين باقي على حسنا حدود 10كيلو ومن ثمن قطعت قطوع على حسنا لأني هناك خابر ملاعب قولف وبالفعل وجتها مسطحات خضرا تبعد عن حسنا من 9 الين 6 كيلو باتجاه الشمال
حسناء السبق
N 27.11.100
E 46.24.700
من اكبر رياض الصمان ومن اجمل رياض الصمان وهي مسورة ويوم وصلناها لقيناه مليانه ماء في الوسط ماء كثير وباقي الروضه توها الطقطق من الطين والحزوم الي جنب الروضة فيها ربيع نضر وربيع قدام حسنا طويل حتى ان حسنا يبقى ربيعها الين وقت الضببه
ومن ثم اتجهنا الى زلعا وتبعد حوالي 24 كيلو باتجاه الشرق
زلعاء
N 27.13.220
E 46.40.940
لم نجد شيء فيها وخاوية علا عروشها جايه مطر بس ماجاه واحد
اتجهنا جنوبا مع دربا المقانيص باتجاه الخمة التي تبعد حوالي 13 كيلو
الخمة
N 27.05.650
E 46.43.250
وصلنا للخمة ووجدنا في وسطها ماء ياتي بمساحة 25*25 والأرض بادية تربع
ومن ثم اتجهنا إلى ام قرين والتي تقع على نفس خط المقانيص باتجاه الجنوب وتستطيع ان تمسك خط المقانيص من الخمه إذا خليت الباب على يمينك حق الروضة رح باتجاه حجاجك الأيسر مع الدروب باتجاه الجنوب لان فيه درب المبيحص يتجه شرق
أم قرين
N 26.57.300
E46.48.900
فيها ماء في جهتها الشرقية واجزا منها مطينة وتو الربيع طالع فيها
15 نوفمبر 2015 - 16:514 نوفمبر 2015 - 21:27
 |
رد مع اقتباس
