15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي ياقوتي
عافاك الله بس اعتقد بالنسبه لي صور الاقمار الصناعيه شئ جامد ليست كمن راها وزارها وانا وفقني الله بان ازور بدايه من بديات تكونه المعروفه بالكريزيات وانا من الذين وفقهم الله برؤية جريانه ولمن لايعرف الكريزيات فهي تقع غير بعيد عن طريق المدينه وانت متجه من القصيم نفس السنه اللي غرق فيها المرحوم الرعوجي ولم يجدوه الا بعد 9 ايام رحمه الله
مكشاتي
رد: وادي الرمة الشهير من بدايته إلى نهايته
( وادي الرمة )
بديت باسـم الحـي فـراج الاكـراب
رب البشر عـلام الافصـاح والغيـب
اللي بسط للخلـق صمـدات واتـراب
جعل علـى الاقفـار نقـع ومساريـب
وبارض الجزيره وادي الرمه انسـاب
تلقـى لـه بكـل النواحـي مجاذيـب
يمشي على حصبا الحزم كنـه الـداب
درهم رجيسـه بيـن ذيـك الدواريـب
مبداه في شرق المدينـه مـن هضـاب
ومنهاته بشـط العـرب عنـده يغيـب
من سفح الابيض بين عسرات واشطاب
في داخـل الحـره سـواة المثاعيـب
تصافقـت يمـه محاجيـر واشـعـاب
تلقا لهـا بيـن الرجايـب مضاريـب
اليا ارزمت مزن النشو والضحى غـاب
وابروقهـا بيـن المثانـي شلاهـيـب
وقمعه غدا مثل الزوابـع لـه ارهـاب
وارهامهـا دلـت تـدانـا بتخلـيـب
وكـوم البـرد يقعـد نهـارن ولا ذاب
والنـو يلسـب مشرفـات المراقيـب
وتوالت سنين الحيا مـا بـه اجـداب
من مقدم الخيـر ادرجـن الدواعيـب
محايـرن تسقـي مـدا كـل مسهـاب
يجري صريفه بيـن ذيـك الخناتيـب
فرايـع الـوادي ثلاثـن لـه حسـاب
ام الطيـران وملسـا والنيهـا ترتيـب
بيـن الرفايـع مدهـل ثعـال واذيـاب
اكليـل والعاقـر رفاعـن شخانـيـب
وروافـد الرمـه غـذت كـل صبـاب
تلقـا لهـا بالـدو شـق ومساحيـب
وادي الرقب من ضلع شقما لـه ادراب
مـن الثماميـه بهـا مرتـع الـذيـب
يمر مع ذيك الصحاري والاجذاب
جبال واديارن ربوعه زنانيب
طميه وضلع الحضر كنه الناب
معها بدن وابدين ذيك المهاضيب
نذكر عجاجان اللي باقي ولا عاب
تسرح معه في ما مضى شمخ النيب
وقرى الحليفه والعجاجه والاجواب
ويضا النحيتيه وبيدن مخاصيب
من بعدها وادي الجفن باقي مـا شـاب
من ضلع افيعيه مـع الشمـط تجذيـب
يمشي شمالن شرق مـع كـل مجـذاب
وليـا وطـا العقلـه تسايـل بتجنيـب
ثـم الهميليـه جـرا بكـل مثـعـاب
من مبتـدا سمـرا الشفيعـا تشاعيـب
ثم الجرير اللـي مـداه اتعـب ركـاب
من المشف اللي غـذا وادي دريـب
والداث رافد يحوي اشجـار واعشـاب
يسيح مـن دون الهضـاب الغرابيـب
يمر ابانات الحمر واسمر ارقاب
ويضا عطا واعطي طينن وربريب
والنبهانيه مع خلا الرس ضراب
وياطا العنيب ما بقاعه طحاليب
وادي النسا من بين درعان واغـراب
من غرب دخنه كالضـروع المحاليـب
ثم الرشـا وادي لـه السيـل مـدلاب
يصـب باعـروق الرمـال المكاثيـب
هـذي اهـم رفـود واديهـا مجنـاب
واما الشمال نقـول مغذاهـا وانجيـب
الاول اللـي لـه مسيـل وتسـحـاب
وادي القهد من عند اجا لـه مداليـب
ثم وادي الشعبه من ضلوعـن قـراب
من يم اجا وسلمى وروسن مصاعيـب
السيل من رمان ينساق محلاب
ينزل على مجراه ما به دغاليب
بارض المحلاني مع قطن واديـه جـاب
سيلن درو يجري كمـا دفقـة الشيـب
وابو نخله عنـد الرحـى لـه تلسـاب
لصـار نـوه كالغـروب المزاعـيـب
ثم البدايع بين الاطعاس هراب
يروح وحده من شمالن على زريب
ثم يسقي عنيزه على النفد رساب
وجنوب بريده بين الانفاد واخبيب
وليا كملـت كـل الروافـد بالاسبـاب
يغيب حـدر النفـد لا شكـن او ريـب
تحت الثويرات اختفى ما لـه قضـاب
شرق القصيم بليا حـوض ومقاضيـب
عقب الدهنا يظهر مـع البيـد ذهـاب
ويسمـى بالباطـن ولا فيـه تعريـب
يجري مع الرقعـي وداعـن بترحـاب
طاش الخليـج نهايتـه وادي الطيـب
الله من يومن جـرى يطـرب طـراب
من عالـي الحـره جروفـه تناهيـب
تضوي عليه النود فـي كـل الاقطـاب
مزونهـا مثـل الهضـاب المشاهيـب
تشرب رفيعات الشجـر عرقهـا طـاب
ومن الروي يظهر خضـار العياسيـب
يـوم الزبيـدي يحضـره كـل جـلاب
والاقط وافـر مـع نجـوع وجلاليـب
ما ينزل الهاشل بلـد عكـف الاشنـاب
الا يشـوف الخيـر بيـن المعازيـب
وقتن به الخـرب يتـوارا بالارجـاب
والحـر الاشقـر يلفعـه بالمخالـيـب
يوم القطـا ينـزل مجاويـز واسـراب
فيهـا الارانـب بالدعايـب لواعيـب
دنيا تـرا مـن يقتفـي جرتـه خـاب
مـا فيهـا غيـر المايلـه والعذاريـب
وصلاة ربـي عـد مـا يفتـح كتـاب
على النبي الهاشمي خيـر مـن جيـب
صـيـد بلا مـشقـه ماله طـعـم حالـى
واللى ماياكل بيمناهـ ما هو سنافى
مكشاتي
صـيـد بلا مـشقـه ماله طـعـم حالـى
واللى ماياكل بيمناهـ ما هو سنافى
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
