قبل ان تشتري كفـرات جديدة..هنا معلومات ونقاش عن جميع أنواع الكفرات

[الدعساوي]

جزاكم الله خير

[وقيان]

والله انا جربت نانشونال كومندو امريكيه ضمان سنه على سفاري 2004
كدت معي 3سنين ولا احلى منها وميزتها ان مقاسها265/75/16 وهذا قليل ما تحصل مثله

مشكور على الاضافة يا الغالي...ودامه أمريكي اصلي بيكون ممتاز..

مشكوووور على الموضوع بصراحة اليوم الف بمحلات الجملة عندنا بتبوك ولقيت الاسعار ارخص من السعر الي بالموضوع كنت ادور لي كفر لليوكون لقيت الفالكون وهو مركب عندي على اليوكون ب390 راكب مرصص جاهز

ولقيت برجيستون 410 جاهز مع التركيب ولقيت هانكوك 390 يعني اسعار نسبيا معقولة

بس ياليت تفيدني عن طريقة معرفة سنة الصنع ورموزها

وتقبل تحياتي وتقديري

سنة الصنع ذكرها اخونا سطــام...يحطون رقم الاسبوع وبعده السنة..

بارك الرحمن فيك اخوي و موضوعك ممتاز و مفيد للغالية ...


الكفرات اللي على موتري بريللي برازيلي و لهن سنتين و شوي و خلاص انتهت مدتهن وهن يصرصرن من اليباس ..

جودتهن عالية والاداء اكثر من رائع حالياً افكر بكفرات اسيام تاير تايلندي ودي اعرف رأي الشباب عنهن و وين وكيلهن او الموزعين لاني سمعت انه ما فيه وكيل لهن ..

تحياتي وتقديري لك وللجميع ....

مشكور على الاضافة...و يفيدونك الشباب ان شاء الله

والله بالنسبة لي عندي ميشلان ومرتااح معاها بصراحة

لاهنت على الاضافة..

برجستون

موتري جمس 2006

طبعا الكفرات منتهيه وابي اركب جديده ان شاء الله

سعرت الكفر اليوم 1/7/2008

ب 600ريال المقاس 16/75/245

وهو الأنسب على الجمس

لأن خذيت كفرات خويي دانلوب اللي تركب على الشاص

وانواع الفشل على السياره ((تزلق السياره))

وهذا ردي وان شاء الله اني افيد واستفيد

عز الله انك فدتنا...لاهنت

الله يعطيك الف عافيه وانشالله نطلع بنتيجه
المهم انا استخدمت البرليلي البرازيلي وكان موتري قبل سنه كراع سعيده (كروسيدا)
حجم الجنط 14 السعر15 دينار كويتي و والله انها ممتازه للصالون يعني ميه ميه
بس هالحين عندي جيب باترول 2002 كفراته مشلان مستهلكه بس والله ممتازه
عيبها الوحيد انها تصدر اصوات علي الدوارات ممكن لانها ناشفه

كراع سيدة ...شوف نتيجة النقاش لمدة اسبوع بعدها غير للباترول اذا ودك

السلام عليكم ورحمة الله وبركاته

انا عن تجربتي لكفرات تويو يابانيه مقاس 245/75/16
على ددسن دفرنسين الكفرات انا اشهد انها قويه بشكل ما تتصورونه بس عيبها انها ثقيله جدا جدا وسعرها 380ريال ممتازه لشعبان والصخر بس فيها شوية صلابه والى الان استعملها وماشي عليها حول 60 الف اوتزيد
الكفرات انصح فيها بس عيبها الثقل يعني اللي عنده سياره 4 سلندر لايقرب جنبها

وجزاكم الله خير

لاهنت على هالاضافة ...

مشكور على الموضوع المميز و الكفرات الي استخدمتها على الباث جنط 17 برجستون ممتازة بالشعبان لكن قاسية بالديرة و النفود وبعدها هانكوك 265/65/17 ممتازه لـ الخطوط و الديرة و النفود, مريحة ولا تطلع صوت لكن سيئة بالشعبان.

لاهنت يا الغالي...اضافة مفيدة

السلام عليكم
يااخوان والله ماشفت مثل يووكووهاما ميه بالميه وانا مجربها جدا ناعمه وزينه

واحد من الربع مركبها على جمس صالون و يمدحها بعد...لاهنت..

اولاً الله يعطيك العافيه على هالموضوع اخوي وقيان

وسبحان الله اليوم كنت افكر في موضوع مقارب لموضوعك مدعم بالصور

بس ما قصرت على هالطرح الرائع

وانا خالفك الراي اخوي وقيان

احدث شي الي قبل سنه ؟؟؟ لا اخوي بالعكس احدث شي الي يكون في نفس السنه يعني

فيه حروف وارقام على الكفر مثل 12 _08 وهذي تعني الاسبوع رقم 12 في سنه 2008

والشهر تقريبا 4 اسابيع يعني شهر 3 او اخر 2 من سنه 2008 م

وموجود في السوق صناعة 2008 ولا تقبل ب2007 لسوء التخزين عندنا

وبالنسبه للكفرات الي استخدمتها

استخدمت دنلوب على سيارتي فورد مريحه لكن عيبها تحبل بسرعه

هانكوك اسنخدمتها بعد الدنلوب على نفس السياره وما شاء الله كفرات روعه تتحمل الكرف

والسرعه وناعمه ومطبها خفيف بس عيبها الحين ارتفاع سعرها وتقاربه مع الياباني والفرق بسيط

الحين استخدمت على سيارتي الجراند ماركيز برجستون قويه وثابته بس عيبها مطبها قوي واحسها

طلعت اصوات في السياره

قبل هالبرجستون استخدمت فايرستون صراحه كفرات ممتازه وجلست سنتين على السياره مثل الحلاوه
بس للامانه وكيلها تعامله واسلوبه غبي تركته ورحت لبرجستون

والجيب الباجيرو كفراته ماكسس صراحه مريحه جداً وناعمه وخفيف مطبها وما لاحزت فيها عيوب

هذا ما عندي واتمنى اني افدتكم

وتقبل مروري والرد

ودمت بخير

اللي فهمت من المحل..ان من تاريخ سنة وانت جاااي اعتبره جديد الجديد..تعرف..تصنيع.. وتحميل..لين توصل المحلات...يعني في عالم الكفرات..تاريخ سنة لايعتبر شيء...و مثل ماتفضلت أكيد التاريخ الاحدث بيكون أفضل...ويعطيك العافية على اضافة طريقة معرفة سنة الصنع...و بالنسبة لموضوعك المصور ياليت تضيفه هنا..خلنا نستفيد...

لاهنت يا الغالي..اضافة ومعلومات رائعة..

اولا السلام عليكم


بالنسبه لي يمكن اختلف عن البعض

انا موتري باثفاندر وجربت نوعين من الكفرات
الاول برجستون: صحيح انه مطبها قوي لاكن رساوتها لا يعلى عليها في البر والا حتى على الازفلت
اما الكفرات اللي انخدعت فيها من كثر ما مدحها لي البعض الهنكوك
والله ياهي ما تعرف الرساوه
تزحف في البر وحتى في الازفلت ولا تتحمل الاماكن الحجريه

انا مركب الهانكوك قيل شهرين واللي يشوفها يقول لها اكثر


اما البرجستون قعدت معي 6 شهور وكنها جديده


هذا ما كان يخطر ببالي

يمكن يقول البعض ان الهنكوك مهب اصليه
فاقوله اني ماخذها من محلات الطيار
والطيار معروف للجميع

مشكور على هالاضافة الطيبة...
واللي عندهم هنكوك ياليت يفيدونا بعد...الرجال يشتكي منه..

السلام عليكم ورحمه الله وبركاته

شكرا لك اخوي وقيان على هذا الموضوع الرائع

و انا أصوت لكفرات قوديير و ميشلان لأنهم الأفضل و الأطول عمرا ..

و بالنسبه للبالون بلا شك السيام

و لا هنت على موضوعك الرائع جدا

وعليكم السلام ورحمة الله وبركاته للجميـــــــــــــــــع....
وتصويتك اخوي شقران وتصويت الجميع على العين والراس

الله لايهينكم جميعــــــــآ..

[وقيان]

جزاكم الله خير

الله يجزاك ألف خير يا الغالي...أسعدني مرورك..

وياليت نعرف معلومات الكفرات اللي عندك وتقييمك لها..

[عاشق السيل]

أنا رشحت يوكوهاما لأني جربتها وبصراحة قوة وتحمل غرييييبة !!!

لكن عيبها الوحيد إنه فيها ونه مع المشي بسبب النقشة ،، أما الجديدة شفتها قبل يومين عند البنشري وتم تغيير النقشة بشكل جذري وإن شاء الله إن المشكلة راحت !!

لكني ناوي أركب هانكوك بسبب كثر مدحها من اللي جربوها ولأنها الأنسب بالسعر ،،

والغريبة ياأخوي وقيان إنك ماذكرتها مع الكفرات رغم إنها الأشهر بعد دنلوب !!!!

[وقيان]

أنا رشحت يوكوهاما لأني جربتها وبصراحة قوة وتحمل غرييييبة !!!

لكن عيبها الوحيد إنه فيها ونه مع المشي بسبب النقشة ،، أما الجديدة شفتها قبل يومين عند البنشري وتم تغيير النقشة بشكل جذري وإن شاء الله إن المشكلة راحت !!

لكني ناوي أركب هانكوك بسبب كثر مدحها من اللي جربوها ولأنها الأنسب بالسعر ،،

والغريبة ياأخوي وقيان إنك ماذكرتها مع الكفرات رغم إنها الأشهر بعد دنلوب !!!!

بناءآ على صاحب المحل ماااجاب لي طاري هانكوك عشان كذة ماحطيته...

على فكرة في رد من الأخ باثفيندر...يذم في الهانكوك وبقوة....

[مخاوي الكشات]

أنا أرشح التحمل في الشعبان والحصيان والترقيع ميشلان والصراحة ليس تجربة خاصة بي بل لأحد الأخوة عنده ددسن دفرنس ومركب ميشلان جلست صبرت معه أكثر من 100 ألف وكل كفر فيه ما لايقل عن 2 إلى 4 رقع وصابر ومسكها خطوط ودخل بها الدهناءو الصمان ماخلا مكان ماراح له بها وغير ثلاث كفرات فقط وخلا واحد وإلى الآن ماشي صح طبعاً الرجال ماشرا بعدها ميشلان لعدم توفر المقاس المطلوب في السوق وشرا بريلي ويقول أنها حليوه بس ماهيب زي الميشلان ..

أما بالنسبة لتجربتي فأنا جربت الهانكوك وممتازة تتحمل الكرف والجلد والرقع وأنا كنت كارفها كرف غير طبيعي بس صدقوني تيبس بسرعة مع الزمن وتحبل وتتقطع حواف الكفر بس ماشاء الله رووعة ..

عندي الآن كيمهو كوري الصراحة زوين بس أنه لين بزيادة يعني أي شيء يدخل فيه بعدين مكونات الكفرات تحس أنها مهيب متماسكة يعني مع أي ملف تأخذه بشويش تشوف آثار الكفر في الزفلت ...

وجربت الفايرستون الصراحة مريح ويتحمل ولكنه غالي وبعدين لين مره مره يتحمل المسامير لكني أعبيه والله 40 أجيه بعد فترة ألقاه ناقص إلى 35 وبعض الأحيان إلى 26 وإلى 20 مع أنه مافيه مسمار وسليم الكفر بس أنه طرب في النفود لين بزيادة يعني مايحتاج تنسم واجد ..

[وقيان]

أنا أرشح التحمل في الشعبان والحصيان والترقيع ميشلان والصراحة ليس تجربة خاصة بي بل لأحد الأخوة عنده ددسن دفرنس ومركب ميشلان جلست صبرت معه أكثر من 100 ألف وكل كفر فيه ما لايقل عن 2 إلى 4 رقع وصابر ومسكها خطوط ودخل بها الدهناءو الصمان ماخلا مكان ماراح له بها وغير ثلاث كفرات فقط وخلا واحد وإلى الآن ماشي صح طبعاً الرجال ماشرا بعدها ميشلان لعدم توفر المقاس المطلوب في السوق وشرا بريلي ويقول أنها حليوه بس ماهيب زي الميشلان ..

أما بالنسبة لتجربتي فأنا جربت الهانكوك وممتازة تتحمل الكرف والجلد والرقع وأنا كنت كارفها كرف غير طبيعي بس صدقوني تيبس بسرعة مع الزمن وتحبل وتتقطع حواف الكفر بس ماشاء الله رووعة ..

عندي الآن كيمهو كوري الصراحة زوين بس أنه لين بزيادة يعني أي شيء يدخل فيه بعدين مكونات الكفرات تحس أنها مهيب متماسكة يعني مع أي ملف تأخذه بشويش تشوف آثار الكفر في الزفلت ...

وجربت الفايرستون الصراحة مريح ويتحمل ولكنه غالي وبعدين لين مره مره يتحمل المسامير لكني أعبيه والله 40 أجيه بعد فترة ألقاه ناقص إلى 35 وبعض الأحيان إلى 26 وإلى 20 مع أنه مافيه مسمار وسليم الكفر بس أنه طرب في النفود لين بزيادة يعني مايحتاج تنسم واجد ..

يعطيك العافية على هالمعلومات الوفيرة...لاهنت يا الغالي...

[هـدد]

والله انا جربت الماكسس التيلندي وامدحه بالحيل وسعره مناسب

[وقيان]

والله انا جربت الماكسس التيلندي وامدحه بالحيل وسعره مناسب

انا حاليآ مركبه على مرسيدس...ماشاء الله ممتاز..بس توه جديد مابعد نشوف اذا فيه مساوء....

اسعدني تعقيبك يا الغالي...

[الموعد الثاني]

موضوع جميل وفي وقته اخي وقيان
انا عندي جمس 93 وعلى وجه سفر يا ليت من يفيدني عن الكفر المناسب لهالسياره
والف شكر مجدداا

[6670]

مع خبرتي المتواضعه افضل كفرات الهانكوك كوريه الصنع سعر رخيص وعملي زي الياباني ومن مواصافاتها الليونه والراحه وثبوتب نقشه الكفر على انه كوري ويأتمن بالسفر اهم شئ درجه المشي على الكفر وتأتي على التالي u.s.v.w واخرى غيرها راجع المواضيع السابقه للتعرف اكثر

وشكرين لك على هذا الموضوع الرائع

[نيشان نجد]

بالنسبه للأخوان الي صوت للهنكوك بانها مريحه و لينه و زينه بالنفود والخطوط و سعرها مناسب نعم قد تكون كذلك لاكن بالمناطق الحجريه والردميات يعني مثلا بالصمان تبدأ تتأكل النقشه(الطبقه الملامسه للأرض)وانا واعوذ بالله من كلمة أنا ان انتشار الهنكوك أولا بسبب رخصها ثانيا ما ياخذ الهنكوك في الغالب إلا أصحاب الجيوب الربع لمنظرها وليونتها بالنفود وكذلك الهيلوكسات ... وأرجو أن أكون أفدتكم .ونأسف على الإطاله.(طبعا هذا كلامي لراعين البر فقط)ولا يهونون الباقين.

[وقيان]

موضوع جميل وفي وقته اخي وقيان
انا عندي جمس 93 وعلى وجه سفر يا ليت من يفيدني عن الكفر المناسب لهالسياره
والف شكر مجدداا

يفيدونك الشباب ان شاء الله...بس اذا مستعجل اقرى الردود كلها و أكيد بتطلع بنتيجة حلوة...

مع خبرتي المتواضعه افضل كفرات الهانكوك كوريه الصنع سعر رخيص وعملي زي الياباني ومن مواصافاتها الليونه والراحه وثبوتب نقشه الكفر على انه كوري ويأتمن بالسفر اهم شئ درجه المشي على الكفر وتأتي على التالي u.s.v.w واخرى غيرها راجع المواضيع السابقه للتعرف اكثر

وشكرين لك على هذا الموضوع الرائع

مشكور اخوي على الاضافة الجميلة...

بالنسبه للأخوان الي صوت للهنكوك بانها مريحه و لينه و زينه بالنفود والخطوط و سعرها مناسب نعم قد تكون كذلك لاكن بالمناطق الحجريه والردميات يعني مثلا بالصمان تبدأ تتأكل النقشه(الطبقه الملامسه للأرض)وانا واعوذ بالله من كلمة أنا ان انتشار الهنكوك أولا بسبب رخصها ثانيا ما ياخذ الهنكوك في الغالب إلا أصحاب الجيوب الربع لمنظرها وليونتها بالنفود وكذلك الهيلوكسات ... وأرجو أن أكون أفدتكم .ونأسف على الإطاله.(طبعا هذا كلامي لراعين البر فقط)ولا يهونون الباقين.

يمكن الحين 5 واحد يذم في الهانكوك مقابل 2 مدحوه....

مشكـــــــورين جميعــآ على ردودك و آرائكم...لاهنتوا..

[ابوصاطوور]

احى العزيز يمدحون الفلكون الربع والدنلب اتركه عنك والمشلان صعب

[الرويلي2]

جزاك الله الف خير ويعطيك العافيه

تحياتي