الســـلام عليكم ورحمة الله وبركــــاته...
ملاحظة مهمة..قبل الدخول في الموضوع...
الموضوع هو للنقاش حتى تعم الفائدة...أقل شي تسويه في ردك انك تكتب نوع كفرات سيارتك وتقييمك لها...هل هي ممتازة..سيئة...ترج...الـــخ ...
اذا الهدف من الموضوع هو جمع أكبر قدر من المعلومات قبل الذهاب الى محل الكفرات وشراء كفرات جديدة..أنواع الكفرات..اسعارها..جودتها..تجربتها..هي النقاط الرئيسية....
بسمـــ الله الرحمــــن الرحيـــــــــــم....
بناءآ على تشجيع الأعضـــاء للفكـــرة...ذهبت الى أحد محلات الكفرات المشهورة في الشـــرقية..عشان أجمع بعض المعلومات من مصـــدرها...المحل هو الأحمـــــد للاطارات...
طبعــآ بما أن أكثر رواد المنتدى من أصحاب الجيوب...بأنواعها...(( و لايهونون اللي يستخدموا السيدان ))..سألته عن أكثر مقاس كفرات متداول بين الجيوب....
جاوبنــــي....R16 /275 /70
الجنط يكون 16 انش...
أخذت منه أسعار الحجم هذا..
مثل مانتوا شايفين الأسعار مرتفعة...
بعد ما أخذت الأسعار..كان لي معاه نقاش استمر نص ساعة تقريبآ...
- أسعار الكفرات تزيد مع كل دفعة يجيبوها من 10 الى 20 ريال...بدون توقف..عشان كذة يظطر يرفع السعر على الزبون
-كل الكفرات اللي موجودة في القائمة مايجي عليها كيس من نفس المصنع..وهذا مب معناها انها غير جديدة..أهم شي يكون عليه ملصق فيه معلومات التصنيع+ الصبغة اللي تجي أسفل الكفر..
-الكفر اللي تاريخ تصنيعه قبل سنة يعتـبر أحدث شي..واللي تاريخه قبل 5 سنوات..غير صالح للاستخدام نهائيـآ
- أهم شي يخرب الكفر خصوصآ لما يكون جديد..الاصطدام بالأرصفة..على طول الكفر تصير فيه ورمة.. ويخرب..
- أيضآ الكفر الجديد لازم تخلي الضغط فيه حسب مواصفات سيارتك..عشان مايخرب...
-دائمآ استخدم كفرات مقاسها مناسب تمامآ لجنوط سيارتك..عشان يعمر معك الكفر...حتى لو كان الجنط تجاري...اختار له كفر مقاسه مناسب له...
أتمنى ان الموضوع فيه معلومات مفيدة... والمهم الآن النقاش وتبادل التجـــارب...
لاتنسى التصويت يا الغـــالي...صوت بناءآ على تجربتك الشخصية..لاتصوت عشان سمعة الكفرات..أو كلام الناس عنها...نبي التجارب الشخصية.. و أكيد كلن له تجربته....
المشاركة الأصلية كتبت بواسطة مكثور الخير
