ما هي أفضل موية رديتر

[سبع الصحراء]

اخواني الاعزاء

الموضوع هذا موجه لأهل الخبره

ولا أعلم هل تم طرح الموضع سابقا أم لا

واللي حاب أعرفه وأستفيد منه ويستفيد منه الجميع هو

ما هي افضل موية رديتر موجوده في السوق للسيارات اليابانية ( جيب باترول بوجه الخصوص ) ؟

طبعا عشان تكونون بالصورة جتني عدة نصائح وضعت بينها ويا ليت من اهل الخبره يدلوني

النصائح جتني على النحوا التالي :

1 / موية حمرا حقت تويوتا ( مويه جاهزه ومخلوطه ) قيمة الجالون 35 ريال

2/ موية خضراء أيسي ديلكوا ( موية مركزه ) وتجيب معها كرتون موية مقطرة وقيمة الجالون 60 ريال

3/ موية مركزه ألمانية ( مدري وشلونها أو قيمتها ) وأجيب معها كرتون موية مقطره


هذي النصائح اللي جتني ويا ليت اللي جرب شي منها او جربها كلها وثبت على شي معين من خلال تجربته يفيدني

وتقبلو تحياتي

أخوكم / ابوتركي

[شامخ ألهيلا]

حيااك ربي ابو تركي خذ موية تويوتا

لانها خاليه من الخلط ووزنيتها مظبوطه

اما المياه المقطره الي موجوده في السوق نصها مغشووش باسم شركة محضار وفيها نسبة املاح

[عاشق السيل]

أنا قبل أسبوع غيرت الأديتر حق الباترول بواحد جديد واستشرت الفني عن أفضل مويه وقالي حط إي سي ديلكو الأخضر أو الأحمر وحطيت الأخضر بـ 60 ريال طبعا جالون واحد والباقي مياه مقطرة 6 علب تقريبا والحمد لله الحرارة ممتازة عندي وإن شاء الله ماأشوف الصدأ ،،،،

والله يوفقك لكل خير وتقبل مروري يالغالي ...

[خالدالعلي]

خذ اي سي ديلكو الأخضر الأصلي مجرب وممتاز

[سبع الصحراء]

شامخ ألهيلا
عاشق السيل
خالدالعلي

اشكر لكم تواصلكم وردودكم
لكن لا تزال الحيرة موجوده ولم يجمع سوى عاشق السيل وخالد العلي
على موية السي ديلكو

وبزعمي ان الموضوع يحتاج ردود أكثر لكي نتمكن من حصر أكبر شريحه مستخدمة لنوع معين من مياة الرديتر بحيث تكون هي المتفق علىيها بالاغلبيه

شاكر ومقدر لكم واتمنى إفاداة أكثر كي تحصل الفائدة

[alsarem]

آي سي دلكو الاحمر افضل ماء رديتر بس تأكد من التاريخ

[ابوبدران]

ارشحلك مويه كاسترول خصوصا ما بعد طالها الغش

[سيف111]

اعتقد اعتقد لست متاكد اننى شاهدت مهندس وكالة تويوتا يحمل علبة اسى دلكو عندما كان يزود موية الديتر

[آمري يا كامري]

أنا على حسب تجربتي البسيطه وحيث أن سيارتي كامري المويه الموجوده حمراء ولم الاحظ أي صدء على الأديتر والحراره زي الحلوه وعملت صيانه عند الرشيد وغير لي موية الأديتر بنفس اللون المذكور وهو تويوتا الأصلي

[ابوعقل]

موية خضراء أيسي ديلكوا ( موية مركزه ) وتجيب معها كرتون موية مقطرة وقيمة الجالون 60 ريال

اهم شي خذه من الوكاله علشان تضمن انه اصلي

[أبو LAMeS]

شف وأنا أخوك يا سبع الصحراء فقط من باب توسيع الخيارات ونقلا عن أحد الزملاء الثقات إن شاء الله يقول شركة فورد اللي هم توكيلات الجزيرة عندهم ماء رديتر عجيب غريب ... يقول يتحمل درجات حرارة عالية ... والصراحة نسيت كم قال لي بس الظاهر أنها فوق المية درجة مئوية ... ويقول بعد الماء هذا غير قابل للتجمد ... ومدته الظاهر أنها فوق الستين ألف كلم ويغيير ... ولونه أزرق

وفي الأخير أقولك إذا الوكالة عندهم موية حطها وريح مخك

والله يطرح فيك وفي موترك البركة ويكتب لك الصالح

[عبدالرحمن 11]

السلام عليكم
اخوي سبع الصحراء
انا مجرب المويه المانيه يجي لونها ازرق بصراحه جدا ممتازه
سعرها 35 ريال مجربها على باترول
تقبل مروري

[سبع الصحراء]

اخوي عبدالرحمن

الموية الألمانية نصحني فيها واحد بعد

بس وش هو أسم الشركة على الجالون عشان اسأل عنها

وبروح أسوي مقارنه معها ومع موية تويوتا الحمراء

[المميـز]

انا مره شريت المويه الاصليه حقت الباترول

من محل قطع غيار اصلي بـ 60 ريال

واتوقع انه مافي افضل من موية الوكاله الاصليه

وموضوعك جاء بوقته مثلك عارف ان شاء الله بكره

نضبط الموتر ونبي نعبيه موية وكاله

[سبع الصحراء]

موية الوكله اخوي المميز وش لونها

لأني استخدمتها ولقيتها خضراء

مع العلم بأن الموية من المصنع شد بلد تجي حمراء

لكن مدري الموية الي انت ماخذها بـ 60 هل هي حمراء وإلا خضراء أخاف انهم ما عطوني خيارات