₪ ₪ سوالف مقناص واول رحله لي في السودان ₪ ₪

[حب الوطن]

عدنا وراجع للردودكم الكريمه ....

.................................................. ...........

فكرة الرحله ...

خططة الرحله من قبل الوالد حيث انه قنص السودان مع جلالة الملك خالد بن عبدالعزيز (( رحمه الله ))

وله خلفيه عن تجربه القنص في السودان ولكن هذي المره اردها ان تكون خاص له واعد لها وخطط لها ...

واعانه الله فيها ....

السيارات شحنة عن طريق ميناء جده الاسلامي على باخره ناسي اسمها ياهي (( الفهد )) او (( السهم الذهبي ))

وغادرنا للسودان عبر الخطوط الجويه السعوديه قبل شحن السيارات بثلاثة ايام وكان محل الاقامه الخرطوم ...

طول تلك الايام الثلاث حيث تم الاستعداد هناك من نواحي امنيه ولاذن للرحلة القنص واعطونا عسكرين ودليلتين ...

من الاخوان السودانين وصلت السيارات ولله الحمد وكان وجهة الرحله شرق السودان وهي الارض المقاربه لطبيعة ارض السعوديه ...

المناطق الي قنصنها حلايب .. وسنكات ... ودرديب ... ومركز المخيم بجوار جبل معروف اسمه حاطوب ...

مشيناء على بركة الله قاصدين حاطوب واثنى الرحله مررنا بوادي من اكبر الوديان الي شفت وكان ذاك الوادي بمثابة عقبه صعبه خصوصا ...

للوري والوايت وجهتناء متاعب حينها من غراز وحفر وتعب ....

وكان معنى جاي من السعوديه احدى الاخوان السودانين وهو السائق نادر والذي نعتبره اخ لنا وليس بسايق جاي للمملكه بفيزاء عمل ...

نادر وجهته مصاعب في تلك الرحله سننتطرق لها في الحلقه القادمه واسفين اناء طولناء عليكم ...

اخوكم / حب الوطن

[حب الوطن]

بإنتظااارك يابوعبدالرحمن ولاتطول علينا
تراك شوقتنا

رحم الله مشاري وأسكنه فسيح جناته.. وجميع أموات المسلمين ..

جميل جداً .. بدايه رائعه .. ننتظر تكملت الموضوع .. ومته تروح قريباً

بالتوفيق أخوي حب الوطن ..

.

اخوي ( لعاب المنايا ) ابشر على خشمي طال عمرك ولايهمك ... تابعناء

اخوي ( الرجم العالي ) وانا بقول الرجم الغالي جزاك الله الف خير ياالغالي والروحات الجايات واجد نتشرف بك وبشرواك ...

اخوكم / حب الوطن

[النيترو]

حب الوطن ترى لاهالحين وانا انتضر سالفة ابوهيا والدباب تراه ماقد علمني عنها .... اتخيل شكله وهو على الدباب اهههههه امش ياهالعود اثره مقلع يومنه شباب .....
.......جاري الانتظار.....عجل علينا يابوعبدالرحمن مافينا صبر

[حب الوطن]

شكلي أبحط يدي على خدي لين تكتب الجزء الثاني أبنتظر (وجه واحد يموت على سواليف أول)

يمال العافيه أخوي هذا الشغل خلنا نتمتع بصيد اول و نشوف وفرت الصيد

الله يخليلكم الوالد و يمده بصحه و سلامه و عمل صالح
و يغفر الله لميتكم و يسكنه فسيح جناته
اللهم أمين

في انتظارك

موفق

اخوي المشرف ( sal7 ) شرفني باالحيل مرورك وجزاك الله خير على الدعوات الصادقه ...

وسالف اول ماتمل ابشرك صدناء وستانسنى والله الحمد وتلك الرحله الاولى هي التوب في ذاكرتي مهاما رحت وجيت تبقى الاولى الاولى ...

شاكر لك

[بارود برنو]

يا اخي ما احب المسلسلات ...... بس دام هذا مسلسل (( رحلت قنص )) لحب الوطن ....سوف اتابعه
وعسى الحلقه الاخيره ماتفوتنا .......

تحياتي لك

[ابو سفيان]

يا هلا والله من طول الغيبات جاب الغنايم وغز الله انك جبت الغنيمه متشوقين لهذي السوالف لا تطول علينا اخوي الدنيا صفيه والدخول للمنتدى سار مو زي اول

[الرجم العالي]

اخوي ( الرجم العالي ) وانا بقول الرجم الغالي جزاك الله الف خير ياالغالي والروحات الجايات واجد نتشرف بك وبشرواك ...

اخوكم / حب الوطن

هلا وغلا أخوي حب الوطن .. بل الشرف لي والله .. وشرواك الطيب .. جزاك الله كل خير .. ماكُنت أقصده مته تروح قريباً
وهو أنك علقت في موضوع أخونا أبو وليد في موضوع النسر والكرك

الله يوفقك وانت بعد يا ( الرجم العالي ) لا تعلقناء بعد اراقب توقيعك واقول متى تروح قريبا .

اخوكم / حب الوطن

فهنا .. أنا حبيت أداعبك .. فقلت مته تروح قريباً .. أي تكملة الموضوع ..

لكل كل تقديري أخوي الخلوق حب الوطن ..

وننتظر تكملة الجزء الثالث ..

.

[راعي دسمه]

الله يرحم ميتكم ويطول بعمر والدكم
الله يحييك والله يبارك فيك ويقوي ذاكرك وتجيب كافت التفاصيل
وتعجل علينا تراك شوقتنا
بنتضارك طال عمرك

[تواق]

الله يادنيا يابو عبدالرحمن

كان لايوجد حمله للسعوديين سوى نحن و مجموعه من القصيم ومعهم كويتي وسمو الامير بندر بن عبدالعزيز وخوياه


الان لهم ميناء خاص غير بور سودان ينزلون فيه من كثرهم واجرات كثيره معقده واسعار ناااااار

[حب الوطن]

السلام عليكم ورحمة الله وبركاته ....

لا والله الي خرب الوايت

...........................................

بعد ماطلعنا من الوادي الكبير تفاجئنا بخراب الوايت وكان العطل انكسار عمود كردان،،،، جلسنا يوم كامل مع الوايت

وكانت المحاولات كلها فاشله لتصليح الوايت وماكنت المشورات والمدخلات فيه من يقول نصلح الوايت ونعود وفيه من يقول نخلي الوايت ونقنص سبع ايام ونعود ...

فتلك اللحظه اقرو انهم يقنصون سبع ايام ويرجعون للوايت صلح وولا مشينا وياراس اسلم المقناص يبعد عن الوايت بمايقارب برا180 كم ...

قررناء السوداني نادر يبقى مع الوايت حيث انه سايق ومكانيكي من الطراز الاول ومعه واحد من الدلايل حيث تم تبليغه عن الموقع وهو (( جبل حاطوب )) ان الله وفق وصلح الوايت تجونى هناك ...

الدليله الي بقى مع نادر مزود بسلاح ومصروف له ونادر خلينا معه بلجيك قصيره احتياط وعبينا له بنزين وخلينا جركل كبير بنزبن احتياط ...

توكلنى على الله ومشينى الكلام الي صار يوم الاثنين ...

الوالد : نادر اليوم الاثنين اتفقنا للمقناص سبعة ايام يعني مثل هذا اليوم ان شاءالله نكون عندك وذا صلحت الوايت قبل هذي الفتره توكل على وتعال اذا تاخرت خلك مكانك ...

نادر : زين يا ابو فيصل ان الله وفقني جيتكم ...

فمان الله ...

لا يوجد وسيلة اتصال بيننا وبين نادر ولكن هناك علامه في الليل فقط وهي عباره عن عمود طويل وعلى راسه سفتي ...

مشينا وقنصنا وعينى من الله خير تركنا الوايت يوم الاثنين واليوم الخميس العصر

تواق .... ابن الخال الغالي له هواياته عديده وقبل سفرنا للسودان كان معه دباب اربع كفرات وكبير الحجم اخذه معه للسودان بعد عنا رجعه لا مينفع هي كبرة فراس تواق الى اخذه ولا مااروح ابوي مايسمع في تواق قال لاخذه وامش بس

صار يقنص تواق بالدباب في الصبح وفي الليل ويركبنا معه وصرنا نبلشه حب الوطن يقول ركبني ومشاري رحمه الله يقول ركبني ومحيسن واخوي عبدالاله جبناله الصمرقع ...

دوره معاد تنفع صار يقول الي يركب معي ماينزل الين نصيد ارنب وعلى كذا صارت الدور ارنب ...

المهم تواق فلها هناك ارانب في ارانب وعلى كيفه يطفي الدباب ويقنص الضبا مع عماني عمر وعبدالرحمن واخوي فيصل ...

نرجع لمحور حديثنا اليوم الخميس صار للوايت الاثنين الثلاثا والاربعا والخميس صلينا العشاء من ليلة الجمعه والكل مكتم نجي السودان وسبعة ايام وهدفنا شهر ابوي يرفع من معنويات اخوي فيصل وعماني عمر وعبدالرحمن وتواق الاصدقاء

ابشرو باالعوض وان شاءالله ولكن هذي هي حكمة الله الجايات اكثر ان شاءالله قال يالله نبي نقنص الليل ياالربع ونستانس كل لحظه مهمه لنا والوقت قصير ركبنى الموتر وهناك من جلس عند المخيم

طريقة شربناء تلك الفتره عبر الاشياب البعيده وكانت مشواااااااار ...

طلعنا تلك الليله التي لاتنسى ارنب ونصكها وضبي ونطرده نرميه وننزل نذكيه والى انوار المتر الي بين اشجار الشعيب من بعيد مره نشوف كشحت النور ومره يغيب قال ابوي ضنكم النور ذاك الوايت ونادر ...

صابهم ذهول مستحيل عمود الكردان خربان !!!! يالله يا رب اربه صدق ركبنا ورحنى يم النور شوي ويبان النور اكثر واكثر شوي وتبان انوار الجمس الي فوق وترتفع الصيحات والتبريكات بوصول نادر والوايت ...

ونستقبل استقبال الابطال والبواري شغاله من يوم شفناه الين اقبلنا على خويانا الي في العزبه وهم بادلونا الفرحه بستقبال الوايت ونادر والدليله باالرشاشات والعرضه فرحه لا توصف ...

الحمد الله الحمد الله .... ابشركم كملنا الرحله من اسبوع الى شهر وسوف اوافيكم في موضوع مستقل قريبا بالصور

انتهى

اخوكم / حب الوطن

[GOURCUFF 20]

علووم رجاااااال ما شاء الله

ومن يومك صغير وانت قناااص

كفووو والله

والله يطول بعمرك

قصة اعجبتني صراحة

واصل

[حب الوطن]

ماشاء الله وش خليت

من الاشياء الجميلة عند ذهابك الى السودان ان تشاهد عوائل سعودية تمارس هواية القنص بكل راحة واطمئنان

تحيتي

ننتظر المزيد و ياليتها مرفقة بالصور

ودمت بخير وسلامة

اخوي حب الوطن ما شاء الله رحله مع الوالد وفي أعمار صغيرة

اجل عمرك يا حب الوطن 33 أو34 هههههههههههه استنتاج شخصي

اخوي حب الوطن لا تطول علينا
بالإضافه لا تنسى تذكر اسم الموضوع الي بتنزله
مشكور على بداية الموضوع بداية مميزه من نوعها

يا هلا يا هلا بيك يا ابو عبد الرحمن الغالي ...

اسلوب سرد جميل جدا ..
نحن على نار بانتظار بقية الموضوع ..

سلامي الك يا غالي

يا هلا يا هلا بيك يا ابو عبد الرحمن الغالي ...

اخواني الغالين حياكم الله جميعا واتشرف بردودكم وعلى راسي من فوق ودعمك لي هذا وسام شرف اخواني انتظرو الموضوع الجاي المدعوم بالصور الى ذالك الحين مني لكم اجمل تحيه

[حب الوطن]

ياحي هالشـــوفه وياحـــي ماجــاب
رحلة قديمـــــــــه للجماعــه نقلهـــا
حب الوطن والصيد يثير الاعجاب
نبي الصور لاهنـت دامــك بطلهـــا
الله يسلم من جمع كــل الاصحــاب
وحاز المراجل يوم غيـــره جهلهــا

ننتظر التقرير بالصور لا هنت وموفقين خير وجمعه مباركه علي الجميع ولا تنسون وقت ساعة الاجابه الله يوفقنا وياكم لخير الدارين.....

اخوي ( بيت طين ) ليتني شاعر هذي الحظه وارد بابياتك الي كل بيت منها باالنسبه لي قصيده انتظرني وبتشوف الي يسرك ان شاءالله ...

[صقر20]

لا يوجد وسيلة اتصال بيننا وبين نادر ولكن هناك علامه في الليل فقط وهي عباره عن عمود طويل وعلى راسه سفتي ...
وترتفع الصيحات والتبريكات بوصول نادر والوايت ...
ونستقبل استقبال الابطال والبواري شغاله من يوم شفناه الين اقبلنا على خويانا الي في العزبه وهم بادلونا الفرحه بستقبال الوايت ونادر والدليله باالرشاشات والعرضه فرحه لا توصف ...

لاخلا ولاعدم
هنا وصلنا للمنعطف الحاسم يبوعبدالرحمن
أنا قاعد أقرأ وسائل القنص المتوفرة أول وأقارنها بوقتنا الحالي
دايم أقول للشباب حياة ومصاعب أول على كثرها بس الغريب لها طعم من نوع خاص
وتضرب أطنابها بالذاكرة للأبد ......
يازين الواحد على طبيعته ودايم التصرفات وردات الفعل
اللي تجي عفوية وبدون تكلف لها طعم غير
لاأوصيك ركز على تواق بالموضوع القادم وأنشر غسيلة

شكل الدباب وراعية سوى الهوايل .....
سلمت اخي ابوعبدالرحمن على هذه المشاركه الراااااائعه
لشريط ذكريات رائع مع ناس أجواد وعزيزين
وعسى الله يديم عليكم ....
تحياتي جميعاُ وحب لي راس الوالد الله يطول بعمره
لاتطول علينا الموضوع القادم ....

[حب الوطن]

هلا وغلا أخوي حب الوطن .. بل الشرف لي والله .. وشرواك الطيب .. جزاك الله كل خير .. ماكُنت أقصده مته تروح قريباً

وهو أنك علقت في موضوع أخونا أبو وليد في موضوع النسر والكرك








فهنا .. أنا حبيت أداعبك .. فقلت مته تروح قريباً .. أي تكملة الموضوع ..

لكل كل تقديري أخوي الخلوق حب الوطن ..

وننتظر تكملة الجزء الثالث ..


.

هههههههههههه ايه الحين عرفت زين زين يالرجم العالي والغالي انا فرحت ابي خوتك الطيبه واثرك مسويلي مطب ههههههه

وبقول بعد قريبا للموضوع واهديه لك