تكفون يالربع ابي مساعدتكم ياهل المملكه

[راعي صوغه]

السلام عليكم هاذي اول مشاركه لي وابي اعرف المسافه من الطايف الى ابها
واحسن طريق لان معاي عايله وماتقصرون

[عاشق الحريق]

حياك الله ياخوي بين اخوانك معليش المسافه ماعرفاء بضبط وانشاء الله الخوان بيفيدونك مع تمنياتي لكم بتوفيق

[راعي صوغه]

الله يحيك وماتقصر على المرور وينكم يالربع مارديتو علينا

[البرق xp]

مراحب أخوي الغالي

المسافة تقريباً 450 كم

أما الطريق يوجد 3 طرق لأبها

1 عن طريق الباحة ومن ثم بلجرشي ثم النماص ثم ابها

2 الباحة ثم المخواة ثم أبها ..

3 طريق الساحل .. وهو الأفضل و الآمن من ناحية الطريق سيدين ... "خطين"
وهو طريق سياحي من مكة ثم الليث ثم القنفذة ثم الدرب ثم أبها

إذا كنت تريد المزيد حول هذه الطرق سأوافيك بخريطة ...

[كاشخ 24 ساعه]

اسمع يالحبيب

اذا كنت بتمشي في نهار فافضل طريق

تروح كانك تبي الرياض ثم تفرق مع مفرق الخرمه وبتمر على رنيه ثم بيشه والمسافه الى هناك تقريبا 300كم

ومن بيشه الى ابها 200 كم

والمجموع 500 كم وطريقها زين بس انه خط واحد رايح جاى من مفرق الخرمه الى ابها وسلامتك

[راعي صوغه]

تسلمون يالربع وماتقصرون اشهد انكم اهل فزعات وياريت اخوي البرق اتوافينا بالخريطه ولا عليك امر وماقصرتوا

[راعي المقانيص]

هنا اخي الفاضل خرائط جوال نوكيا ربما تجد منها فائده وتحميلها مجاني

أنقر هنا

[راعي صوغه]

تسلم ياراعي المقانيص وجاري التحميل

[بواسامه]

ياراعي صوغه
طع شوري
رح من الطايف جنوب ويجيك مفرق بني سعد
كانك تبي تتمشى وتتمتع بالجو و المناظر الخلابه
وفيه بالطريق بعد ميسان بني الحارث شقق مفروشه على الطريق
ثمن تواصل
واياك تروح مع الطريق الاشهب درب الخرمه ورنيه مالك ومال الحر والشقى وضرب الخطوط
الله يوفق للخير وترد بالسلامه

[راعي صوغه]

الله يسلمك يابو اسامه وماتقصر على المعلومات بس لاهنت كم بتكون المسافه

[ابووتركي]

السلام عليكم اخوي راعي صوغة اذا انت تسأل عن الطريق من الطائف الى ابها المسافه تقريبا 670 كم
واذا معاك عايله واحنا الان في اجازة وصيف ازين لك تروح مع طريق الحجاز من الطائف للباحه مع شمرخ او السياحي وتواصل لبلجرشي لسبت العلايا الى تنومة للنماص الى ابها طريق ممتاز وخدماته ممتازة وكل شي متوفر الطريق يكاد لاينقطع من قرية لقرية مساجد ومحطات ومطاعم ومستشفيات ومراكز واسواق وصرافات شقق سكنية
واهم شي المناظر الجميلة والجو البارد الرائع وتصل بالسلامة ان شاء الله واجازة ممتعة.

[بواسامه]

المسافه هي هي 600 كيلو
بس خط وطريق بني سعد ممتع جدا ومتعب بعد لانه لفات ورقيات ونزلات ويبيله اقل شي اربع واخمس ساعات للي يتمشى
بس براد وسعة صدر ويكفيك منطقة الحدب بارتفاعها الشاهق
ومن الباحه الى ابها 300 كيلو على بلسمر وبلحمر والنماص جدا ببلدان جميله ورائعة باهلها الاطيب

[راعي صوغه]

تسلمون يالربع كلكم وتسلم جهودكم على المعلومات المفيده وماتقصرون وخلال هل اسبوع انا انشاء الله رايح

[khalid 6]

kfdhcf----------------------------00000000000000000000000000000000000000000000000000 00000000000000000000000000000009999999999999999999 99999997854321` nb

[بروق الشام]

كان بودي افيدك بس الاخوان كفو ووفو