الوصول الى مكة... وين المواقف؟؟؟؟؟

[ksaboss]

السلام عليكم

ناوي بإذن الله اني اروح بالسيارة من الرياض الى مكة المكرمة و تعرفون مع الزحمة الشديدة في رمضان الواحد اول ما يفكر فيه هو موقف للسيارة. بعدين السكن.

من خبرات الشباب في المنتدى، يا ليت احد يرشدني لافضل طريقة للدخول الى مكة و ايقاف السيارة في مكان مناسب.

[مسافر1]

حسب الطريق هل هو طريق السيل أم طريق المدينة ..
عموماً سيارات المعتمرين لا يسمح لها بالدخول بالقرب من الحرم ..
لكن ربما الآن أفضل الأماكن للسكن العزيزية وخل سيارتك معك ..
لكن للذهاب للحرم عليك بالإيجار
لعدم وجود أماكن وللزحمة الشديدة ..
عمرة مقبولة بإذن الله

[ابوسعيّد]

السلام عليكم
عمره مقبوله باذن الله تعالى من اي مدخل الى مكه شرّفها الله يوجد مواقف للمعتمرين غير مسموح بتجاوزها.
الحل
1/توقف سيرتك في هذه المواقف
2/تعتمر
3/تحل حرامك وترجع لسيارتك
5/تدخل مكه وتدور على سكن براحتك

[حامى الخبرا]

الله يتقبل منا ومنك وجميع المسلمين صالح الاعمال وتروح وترد بسلامه .... أما بخصوص المواقف والسكن الله يبيض وجه الشباب اللى ردو عليك أنا قاعد أستفيد منهم .....بس اللى سمعته من اكثر المعتمرين أنهم يستأجرون بطائف ويرحون بسياره أجره لمكه .....وتقبل مرورى

[ksaboss]

الله يجزاكم خير يا "مسافر 1" و "ابو سعيد" و "حامي الخبرا". ما قصرتو على المعلومات المفيدة.

يا ابو سعيد تقصد اني اذا كنت لابس حرامي ما يخلوني ادخل؟ اما بثوبي ادخل؟

[سلايل كحيلان]

اذا كنت لابس احرامك بمواقف الشرائع الغسكري يقول لك رح للمواقف يمين واذا كنت مو محرم يخليك تخش مكه

مقبول السعي مقدما


وفقك الله

[ksaboss]

جزاك الله خير يا سلايل كحيلان
الله يتقبل منا و منك صالح الاعمال

[سيف الظفير]

يالذيب رح لجدة وانزل لمكة بسيارة ايجاااااار


وخل سيارتك في جدة

[ksaboss]

مشكور يا سيف على النصيحة
بس ليه ما اروح بسيارتي علما اني برجع الطائف بعد اداء العمرة على طول. يعني لو وصلت العصر برجع بعد التراويح

[أبو الحروف]

ما أددري هل ذهبت و إلا لا
عمرة مقبولة و الله يعينك على الزحمة في المسعى

أنا مع أول رد

[ksaboss]

أبو الحروف
شكرا على مرورك

[راعي الجيوب 1]

عمره مقبوله انشاء الله
1- توقف سيارتك في مواقف الشرائع لن يسمح لك بدخول وانت لابس احرامك !
2- تاخذ تكسي وعلي الحرم وتاخذ عمرتك!
3 - بعد العمره توجه الي مواقف السيارات وخذ سيارتك وحل حرامك وانصحك بسكن بلعزيزيه افظل لك وكل فندق او شقه لديهم باص خاص بهم يوصلك الي الحرم ويردك جميع الاوقات وسيارتك مرتاحه وانت مرتاح !!
تقبل تحياتي

[السنع كله]

ممكن تحصل واحد من اهل مكة قبل المواقف يسوق بك حتى تتجاوز النقطه واسعارهم من 100الى 150وبعدين رح محبس الجن من جهة العزيزية تلقى شقه واحرص اللي عندهم نقل للحرم ولو تنهي عمرتك اخر الليل او بعد الظهر ايسر لك وعمرة مقبولة

[icom 2006]

هلا اخوي صحيح كلام السنع كله انا اخذته ب 100 ريال ودخلني وفكني من الحجز لان اذا حجز السياره يبيلك تكسي تنزل للحرم واذا خلصت تكسي ثاني علشان تاخذ موترك وحوسه والمشوار رايح جاي مو اقل من 100 ريال فختصر المسافه وخله دخلك وافتك ووقف في مواقف العزيزيه ( محبس الجن ) وخذ لك شقه ياطويل العمر من ابدع مايمكن وعندك النقل الجماعي بريالين نازل وريالين طالع من ابدع مايمكن ومكيف ونظيف بصراحه وانا كنت ساكن بأصيل بلازا رقم 37 وماشاء الله نظيفه ممتازه في نظري ؟؟

وعمره مقبوله يالغالي واتمنى اني قدمت شي يفيدك وانا اخوك .

[راعي-سفاري98]

شف وانا اخوك : انا مدري كم بتقعد بمكه لكن بعلمك انا دائما اجي مكه بسيارتي ومع الزحمه واصفط بمصافط الحجون وهي تقريبا 800 متر عن الحرم اصفط سيارتي واخذ تكسي