صور خطافيه للصمان في 2 و 3 ذو القعده 1424هـ

[راعي عنيزة]

السلام عليكم ورحمة الله وبركاته

بالخير يالربع شلونكم عساكم طيبين

اول شي وقبل نخش في الموضوع والصور
استحلف بالله العظيم اي شخص يرغب بزيارة اماكن هذي الصور انه يحافظ على النظافه قدر استطاعته لان المكان لك ولغيرك ، وعلى ما قالو

دع المكان افضل مما كان ، فان لم يكن بالامكان فدعه كما كان

ثاني شي اشكر الاخوان رمش العيون وجاروود لانهم دلونا بمواضيعهم على اروع اماكن في الصمان وبالفعل وجدناها على وصفهم وكان وصفهم رأي العين

ثالث شي لفينا على عجاله شمال وغرب الصمان واحسن ما شفنا الحاصبيات وشمال حسنا ( اما حسنا نفسها فهي مطينه وتو الربيع باوله )

[راعي عنيزة]

رابع شي هذي الصور يا خلفاتهم ووسعو الصدر تراهن 17 صوره والتحميل ياخذ شوية وقت

صور الحاصبيات

[راعي عنيزة]

[راعي عنيزة]

صور متنوعه لفياض صغيره شمال حسنا السبق

[راعي عنيزة]

وبالختام لا اوصيكم واوصي نفسي الله الله بالنظافه يا اخوان

وشاكر ومقدر لكم واعذرونا على القطاعه

[نقا هشال]

هلا هلا هلا
وغــــــــلا
براعي عنيزه
لاتعبت يابعدي
ويعطيك الف عافيه
على الصور الرااااائعه
والله يبشرك باالخير ماهقيت الصمان كذا,,,

تقبل تحيتي,,,,

[المسفهل]

وش ذا

صحيح ... من طول الغيبات جاب الغنايم

هذي وهي خطافية وش لون لو كانت كوبري

تسلم والله عسانا ما نعدمك ونبيك تعوض عن كل قطاعة الصيف يا خلفهم

[بــرق الشمال]

[align=center]ياملا العافيه اخوي راعي عنيزه ومشكووور وماقصرت...:good: [/align]

[حفرلوجيا]

أخوي راعي عنيزة : حسبي الله على الظالم .. والله مابرد كبدي من العام إلا هالصور ..
وفوقها مداوم لي شهر حتى الخميس والجمعه .. وهذا اللي خلاني أول ماشفت الصور شوي وأدنها ( ...... ) بس خنقتني ( العبرة ) ..
ليا ( جلف ) .. اللحين لك شهور ودهور غايب .. وأول ماترجع ( تهيضني ) .. وخليتني شوي وأجيب ( الشاذليه ) ..
آآآآآآآآه ... والله لولا الحيا ( ويفصلوني ) لاسري للحاصبيات اللحين .. ... حسبي الله عليك ياراعي عنيزة .. زهدتني براتب الوظيفة

[ابو عايد]

صحيح ... من طول الغيبات جاب الغنايم

تسلم راعي عنيزة على هذي الصور

يعطيك العافية صور روعة واختيار موفق

وما قصرت يالغالي على هالاختيار الموفق للصور والاماكن الزينة .

وتقبل تحياتي // العاشق الولهان

[فرد حمزة]

يقول المثل ((( من طول الغنايم ... جاب الغيبات ))) <-----


لعنبوا أبليسك ولا حس ولا خبر ،، ياشيخ عنيزة لا عاد تعودها ترى أرميك بالكورجستاف

ما شاء الله والله خوش ربيع من خوش مصور

المهم يا جدي ، وش صار عليك كلموك الربع ؟؟ للرحلة

[عاشق الصفاري]

هلا براعي عنيزة .. مشكور يالغالي على الصور الرائعة والجميلة .. ومن طول الغيبات جاب الغنايم .. وتسلم يالغالي .. وما تقصر .. وتقبل تحياتي ..

[المربد]

يا حافظ يا عقايل الله !!!
الحمد لله على السلامة
ومشكور على هالهدية

[(أبو معاذ)]

السلام عليكم
مشكور يا راعي عنيزة وما قصرت

[نفل]

هلا والفين هلا ومرحبا الف

اخوي راعي عنيزة

الحمد الله على السلامة ومن طول الغيبات جاب الغنايم وماشاءالله عليك عيني عليك باردة اخترت المكان الزين

والصورة الزينة من يد محترف ماشاءالله .

اخوي راعي عنيزة صورك قمة في الروعة ومتعوب عليها والله يستر على هالاماكن من المخربين وهم ما يتركون المكان الا بعد وضع بصماتهم وتواقيعهم المزعجة .

ومشكور وجزاك الله الف الف الف خير والحمد لله على السلامة ومرحبا الف

اخوك نفل