مغا مرات...احداث مثيرة...الأمراء..الاستكوزا...حصريا لمكشات.صورر رووعة

[كونكوردالبحر]

أهلا بكم اخوتي في تقرير يعتبر خاص بكل المعاني .. انا مشرفكم كونكوردالبحر ( محمد العقبي ) عدت اليكم بعد اجتماع مبارك اجتمع فيه سمو الامراء وكبار المدربين وطلبة العلم ومحترفي الغوص ..حيث كانت رحلة لاتنسى .. انطلقت من مركز الغواص الدولي بتبوك متوجها للقاء احبابنا من الرياض والقصيم ولعقد دورة اوبن ووتر هناك .. وعند الوصول بدأت معالم الرحلة تتضح عندما وجدنا احبابنا بانتظارنا ومما اظفى على الرحلة الشرف الكبير وجود سموالامير اللواء طيار خالد آل سعود وسمو الامير خالد بن سعد آل سعود ووجود كبير المدربين وعملاق الغوص ابوعاصم العقبي ولن اطيل عليكم المقدمة واتتركم مع الصور تتحدث عن نفسها ..
صاحب السمو الامير اللواء طيار خالد آل سعود وبجانبه عملاق الغوص وكبير المدربين ابوعاصم العقبي

الاستيقاظ صباحا والقهوة والفطور والسواليف الطيبة والاستعداد ليوم جميل وغوص ممتع

وابتسامات من سمو الامير والعملاق ابوعاصم .. ويظهر ابواحمد مشغول البال .. ياترى ايش عنده ؟؟؟؟

وكونكوردالبحر ( ابومروان العقبي ) وهو يعطي دروس الاوبن ووتر لاحلى تلاميذ ( ابوفهد العثيم وعبدالرحمن الحربي وابوناصر بن باز )

وابتدا الشغل الجد ويظهر سمو الامير ابوفيصل وعلى اقصى اليسار سموالامير خالد ابوسعد وبينهما الغواص المحترف ابواحمد .... ويظهر ابوعاصم يشير كله تمام .. واكيد ستكون تمام بهذه الاسماء الكبيرة

وكما اخبرتكم سابقا لاتلوموني باعجابي به وتقديري له فانه يستحق ذلك .. انه كبير المدربين والعملاق ابوعاصم العقبي ..

ياعيني ياعيني .. زياد الحربي ولقطات احترافية وصيد مميز .. وقوة وفحولة .. ماشاء الله لاقوة الا بالله

يتبع ارجوا عدم التعليق

[كونكوردالبحر]

قال عنه كبير المدربين ابوعاصم ( انه غواص بمواصفات خاصة يمتلك مميزات نادرة وشجاعة مبهرة .. انه الامير ابوفيصل ) وازيد انا على ذلك واقول: واخلاق عالية وتواضع جم .. ويظهر هنا بسمك الشريف من عمق 130 قدما ..

الان فقط عرفنا لماذا ياخذه ابوعاصم في غوصاته الخاصة .. هدوء وتمكن واحتراف .. فهل هو تلميذه النجيب الذي يتحدث عنه ابوعاصم ولا يرغب ان يخبرنا باسمه ..اعتقد انه هو .

لقطة احترافية للامير خالد والبندق بيده اليسرى والصيد بيده اليمنى .. قمة فنون الغوص والهدوء والعقل ..

لقطة لسمو الامير وابتسامة بدون المنظم .. وانظلاق للاعماق ..ماشاء الله

واقترب الامير من الكاميرا في لقطة مزح ومرح وخفة دم قبل غزو الاعماق .. والانطلاق للمجهول ..

زياد يصرخ ولا ندري صرخة فرح ولا دهشة ولا شي عاضه ؟؟في مكان ما ...

ابوعاصم يعمل توقف السلامة هل تعلمون من عمق كم ؟؟؟؟ 220 قدم في نزلة خاصة مع سموالامير ابوفيصل .. واستغرق توقف السلامة 15 دقيقة ..

ابوابراهيم النملة ( المؤدب الخلوق الرجل ) كما ذكره ابوعاصم ... ويصرخ لكن اظن انه صرخة فرح وسعادة وليست كصرخة زياد التي اعتقد انها عضه

ارجوا عدم التعليق يتبع

[كونكوردالبحر]

ياناس وش يسوي (مجرم بر وبحر )..شوفوا ياكل السمك تحت البحر...لكن والله انه ينحب من اول شوفه

التلميذ النجيب ابوناصر .. ولقطة خاصة .. هل تعلمون ان عمه هو سماحة الوالد الشيخ العلامة الحجة عبدالعزيز بن باز رحمه الله .. عشان كذا كانت واسطته عندنا كبييييييييييره ..جدا

يا ترى لو كان بمجلس الشيخ عبدالعزيز الله يرحمه .. كان بيتكي مثل هالجلسة .. لكن معاه حق .. اول مره يشوف بحر واعجبه الطعس البحري..

الامير خالد يمسك بالاستكوزا كانها ضب .. وكونكوردالبحر يستلذ بفنجان القهوة بعد غطسة ليل .. ويظهر المقدم عبدالله الشايع ويئظهر عليه تعب السنوركل ..

المجرم .. المجرم .. المجرم .. السفاح .. السفاح .. السفاح .. يستعرض بعضلاته بقتل السمك .. ياخي علمني ليش يحبك ابوعاصم كل هالحب .. علمني ايش السر تكفى ... وانا بعد احبك ..

ماشاء الله عليك يابوابراهيم .. كفو والله .. وتستاهل كل هالصيد

ولقطة اخرى جميلة بعد غطسة سنوركل مميزة وصيد وفير .. وابتسامة رااااااايقة ..

ياعيني على الوجوه الطيبه والشله الرااايقه..وراقبوا زياد مطلع لسانه..ويظهر الاشبال ابراهيم واللحيدان ...ويظهرباليمين فهد العنزي...والمقدم (احمد الفريحي)عنوان النظام والصدق والاحترام ومدبر الأمور(وحبيب الكل)...

ماعندنا لعب قهوتنا معنا حتى بالبحر ..وهذا زياد وفرخه عبدالرحمن (حصل على الدورة واصبح غواص)..والمشاغب المجرم يتعرض بالقهوة......كفو ياابوعبدالله

ولقطة جميلة ويظهر السدحان احد خيرة الرجال الذين تعرفنا بهم .. والكل سعيد بالصيد

يتبع ارجوا الصبر شوي وعدم التعليق

[كونكوردالبحر]

لقطة جميلة للامير خالد مع الاستكوزا .. وابتسامة جميلة ورائعة .. وبانتظار الطلعة الجاية يابو سعد ..

لقطة جماعية مع الصيد ويظهر ابوفهدالعثيم وابنه عبدالرحمن ..

لقطة جميلة على الشاطئ واجتمعت القلوب بالمحبة في الله .. وصفاء النفوس .. واختلط الشيبان بالشباب .. طبعا انا من الشباب

وين الي يبون تقوية الركب .. استكوزا يسيل لها اللعاب .. حيث كانت الكميات كبيره ولله الحمد

الفريحي احمد والسدحان واحلى انواع الشوي .. الله يعطيهم العافية

وكما قالوا عن سموالامير بانه كان طيارا محترفا لاينافس لم نحتج لدليل عندما شاهدنا القوة والصلابة والذكاء والابداع .. لله درك يابوفيصل .. وهذا انا بين الامير وابواحمد احمل افخم انواع الاستكوزا لتكون فطورا يوم غد باذن الله ..

لقطة خاصة تجمع الامير خالد وابواحمد وزياد ..

منظر عام .. وهذه الكشتات ولا بلاش ... الله يديمها ويديم المحبة

ولقطة اخرى جماعية جميلة تجمعنا ..ومادري ايش عنده السدحان يهاوش ..

[كونكوردالبحر]

الله نسعدهم ماقصروا معنا .. شوي على مستوى عالي ..ويظهر المقدم الفريحي(يجبرك على احترامه وتقديره)

مداعبة بين الامير خالد واميرة الاستكوزا .. هههههههه

هذا الكلام ولا بلاااااااش .. احلى طبخة استكوزا .. تسلم يدك يازياد والي ساعدوك .. ويظهر اللحيدان الشاب الخلوق ..

سمو الامير واجتماع على الماكولات البحرية .. وكانت مادوبات طيبة على شرف سموالامير ..

لقطة جماعية مع الاكلات البحرية المتنوعه والنفوس الطيبة .. كل ذلك بفضل الله وكرمة

لقطة تجمع سموالامير وكبير المدربين ابوعاصم وهما ينظران الى الكاميرا ..

وبعد غطسة ليل جميلة لم تفسد التيارات روعتها .. ابداع من الامير ابوفيصل والامير ابوسعد وابواحمد وطبعا كونكوردالبحر .. وكانت من اجمل الغطسات ..

الامير خالد وكونكوردالبحر بعد غطسة ليل خاصة ..

صورة تجمع لامير خالد وكونكوردالبحر يحملان الصيد المميز ويظهر على اليمين العملاق ابوعاصم العقبي صمام الامان داخل البحر بعد الله عز وجل .

لقطة بعد غوصة ليل ويظهر بين الامير وكونكوردالبحر الشبل الخلوق وغواص المستقبل بدر النملة .. وهذا الشبل من ذاك الاسد

يتبع ارجوا عدم التعليق

[كونكوردالبحر]

ولقطة اخرى بعد غطسة الليل صيد وفير ونظرات سعيدة معبرة ..

ولم يهدء لسموالامير بال حتى يعشي الرجال ناجل .. وسواها .. وذلك في غطسة ليل كان الهواء فيها شديدا والتيارات قوية .. وهاهو يحمل الناجل بين يديه .. كفو والله يابوفيصل ..

[كونكوردالبحر]

وبذلك تنتهي رحلتنا الرائعه مع الرفقه الطيبة .. واتمنى ان ينال التقرير اعجابكم ..
مع الشكر الخالص لكل من شاركنا في رحلتنا الجميلة واخص بالشكر سمو الامير خالد بن سعود آل سعود وسموالامير خالد بن سعد آل سعود وكبير المدربين ابوعاصم العقبي والمقدم احمد الفريحي والاخ ناصر النملة والاخ خالد الفريحي .. وجميع من لايسعني ذكرهم هنا لعدم الاطالة ولعل الصور اصدق دليل على المحبة والتقدير والاحترام ..
اخوكم كونكوردالبحر( ابو مروان العقبي )

[غواص]

ما شاء الله احسدكم على كل هذه الفله وانشاءالله راح تكون طلعاتنا زيها واحسن ............
وشكرا على هذا التقرير الجميل ياكونكورد البحر
غواااااااا 2008 ااااااااص

[futur the world]

ما شاء الله تبارك الله

الاستكوزا000 نقطة ضعفي

الله يعطيك العافيه يابو شهد تقرير اروع من الرائع لا ينوصف محااااااال

ورفقه طيبين وأسماء كبيره ما شاء الله 000

وياليت يابو شهد تدلني عالمكان هذا على ما اظن انه الطيب اسم او سويحل

ياليت تفيدنا أنا تلميذك لازم تقولي هههههههههههه

تقبل مروري

[سوبر نيكل]

مشكور اخوي على المجهود الأكثر من رائع
والسراحه ان الطلعه هباااال
ماشاء الله
والله يستحق التثبيت وبجدارة

[The End]

و الله بطل يا كونكورد البحر ...

تقرير أسطوري .. لدرجة إني حسيت إني معكم لاكن مالقيت صورتي
تستاهل 10/10 و خمس نجوم *****

أمتعتنا الله يمتعك في الفردوس الأعلى و لايحرمك الأجر

بإنتضار جديدك و بالتوفيق ... تحياتي لك

[ابوعبدالله 32]

حمدالله علي السلامه رحله جميله
ماشاءالله

[القــــناص]

ابو شهد يعطيك العافيه علي التقرير الممتاز هذا وان شاء الله يجمعنا ربي برحلات ثانيه

واشكرك علي الجهد وجمع الصور الرائعه

تحياتي لك اخوك / خالد

[jwan]

ماشاء الله تبارك الرحمن رحلة ولا اروع وصور رائعة بمعنى الكلمة الله يديم المعزة والمحبة مابينكم وبلنسبة للصيد منوع والاماكن رائعة اما عن الشوي والحركات ممممممممممم ولا الز بجد من اروع مقدمي التقارير في المنتدى اسافر معاك من البداية الى النهاية

لكم مني كل الخير وحماك اللع يا ابو شهد

[( برى بحرى)]

ما شاء الله تبارك الرحمن

اى والله رحله طيبه وناس طيبه والله

صراحه عليكم بالعافيه

رحله جميله موثقه بالصور بالتعليق الجميل

ما اقول الا الله يسعدكم ويحرسكم

والله يديم المحبه بينكم

الف شكر على التقرير المصور

اى هذه المواضيع الجميله اللى فيها صور وايد معبره ورائعه

تحياتى