15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمة الله وبركاته
اخواني اسعد الله اوقاتكم بكل خير ...
لدي سفر قريب الى الجوف وانا من الرياض ..
وسمعت ان فيه طريق من حائل الى الجوف جديد واذكر انه فيه ردميه
هل الطريق اصبح جاهز الان !!!
ام لا زالت هناك ردميه بالطريق ....
ياليت ياخوان احد يشرح لي الطريق بالتفصيل وبالكيلومترات .
يعني لما اوصل حائل كيف اعرف طريق الجوف ..!!
ارجو من الجميع الافاده
وجزاكم الله خير ,,,
وعليكم السلام ورحمة الله وبركاتهالمشاركة الأصلية كتبت بواسطة جنكيز خان
حياك الله أخي الكريم
الطريق من حائل إلى الجوف أصبح جاهزا الآن ولايوجد فيه أي إعاقات
ولكن لازال يفتقر إلى الخدمات مثل المحطات والاستراحات
عندما تصل إلى حائل توجه إلى طريق جبة ومن ثم الطريق الجديد
تقبل تحياتي
على هذا الرابط تجد مايفيدك بإذن الله
طريق حايل الجوف السريع بالمسافات والصور .. (مسافر1)
راحت حياتي وأنا أطري وأنا أنويواللي بغيته نسيته يوم خليتهأنا أحسب إني صغير وبالعمر تويلاشك شيبت وأحلىالعمر عديته
مكشاتي متقدم
هلا اخوي
الطريق سهل وتشوف لوحاتة من تدخل حائل وطريق الجوف الان زفلت ومسارين
لكن للأحتياط اول ماتدخل حائل تجيك تحويلة اجباري يسار روح تجيك اشارة
بعدها تقريباً 500 م تجيك اعمال انشاء كبري طريق المدينة روح بوجهكـ سيداء
تجيك اشارة روح بعدها اشارة ثالثة سيداء بعدها روح يجيك دوار القربة روح
بوجهك تجيك اشارة رابعه بعدها روح تجيك
الاشارة الخامسة روح معها يسار
يجيك بعد كيلوين دوار القصور الملكية روح سيداء يجيك على اليسار مركز تفتيش مهجور بعدها 800ك تقريباً
يجيك مفرق يسار روح معه تجيك محطة على اليمين واذا تبي تعبي من المحطة
صورة المفرق
لانه هي الاكبر والافضل
قبل دخولك طريق الجوف
((محطة النيصية ويوجد بها مكينة سحب الي))
بعدها تمشي تقريباً مسافة 3 او 4 كيلو تجيك قرية الجثامية بعدها ب كيلو او اقل تجيك لوحة مكتوب عليها
الجوف يسار تدوير فوق تحت ثم تدخل يمين على طول
هذا طريق الجوف سلمك الله بوجهكـ لمين تطب على الرديفة رديفة الجوف
طبعاً من تمسك طريق الجوف تكون جبة تقريبا 100ك تجيك على اليسار
ثم من جبة الى الرديفة250 ك تقريباً
واي خدمة يالغالي انا مستعد باي استفسار
ونتشرف بمروركـ اخي جنكيز
مكشاتي متقدم
يعني فلل بانزين من حائل وان نسيت قدامك جبة تفرق لها وتعبي منها
ثم بنهاية الطريق فيه محطة فقط بالرديفة
من الأفضل أخي
أن يكون السفر نهاراً
كذلك لابد من تعبئة البنزين لأن الطريق 340ك بدون محطات ..
وبعد الانتهاء من السريع يأتي مفرق الجوف دومة الجندل يمين بالتوفيق ..
مكشاتي
دغيم1 + قرناس حائل + راعي الرجم + مسافر 1
بيض الله وجيهكم جميع
والله يعطيكم العافيه
مكشاتي
اخوي مسافر ممكن تقول ليش اسافر النهار
ليش مايكون الليل لان الجو حاااار
السبب عدم وجود شبك حامي
كذلك الطريق يكون فيه تحويلات من مسار لآخر
وكذلك في بعض الأماكن الطريق اتجاه واحد ..
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
