عندي موتر عادي ابقلبه تماتيك

[العشة]

السلام عليكم


شباب انا عندي باثفايندر 2003 قير عادي

وابقلبه تماتيك كم يكلف تقريبا

مع الشكر

[speed 557]

يابي كلف عليك
خال شدة بلدة احسن مجرد وجهت نظرا ...

[مكشاتينيو]

اولا يبي يكلف عليك 3000او اكثر

ثانيا اذا كنت جازم على قلبه لاتسويه الا عندواحد صاحب خبرة بالسيارات

[أبو فهد11]

أنا شخصياً أنصحك بالعادي أفضل

في العزم والقوه

وهو أقوى من التماتيك

وخله على شد بلده أفضل

وماله داعي تجيب على نفسك المشاكل

ومعلومه أخيره أخوي العشه

أن الباث فندر التماتيك في النفود توصل حرارة إلى النصف

بينما القير العادي على الربع ثابته ( ما شاء الله تبارك الله )

نصيحة محب,,,,,,,,,,

[تمساح نجد]

انصحك يا خوى ما تغيره لأنك بتتحسف ما ينفع شغل الترهيم وخصوصن سيارتك جديده تعتبر ماهى مثل الكراسيدا سهل تحويلها من تماتيك لعادى والعكس وذا قصدك على مثبت السرعه تقدر تركب مثبة سرعه ما عندك مشكله

[النحيف]

نصيحتي لك يا عزيزي :

إذا كنت ملزم بع السيارة وخذ وحدة تماتيك ووفر على نفسك تعب الشغل وما بعد الشغل


والسعر يبي يكون مقارب جدا لسعر القلب لكن هذا بدون وجع راس

[القطاوي 2008]

نصيحة لا توجع راسك عقبين وش اللي غاثك من العادي
خله على وكالتة احسن لك

[ذيب طي]

مثل ماقالو الشباب -خله على شد بلاده - وتـتحمد العاقبه

[gsb]

تقدر أين المشكلة شف التشليح وش تحتاج بالضبط خذ كل الأجزاء منهم
على الشرط طبعا وعلى مكانيكي ويمكن تحتاج كهربائي ونتهت السالفة

[عاشق نفود عنيزة]

العادي افضل

[لن أمل من العطاء]

بيع السيارة افضل وتلاقي مثلها نظيفه ماشاء الله اوتوماتيك

[راعي طويلات]

الباث العادي أقوى وأفضل من التماتيك ومانصحك تقلب موترك تماتيك
واذا أنت معزم بعه واشتر تماتيك اريح وأوفر لك

[اسدهم]

اذاعندك دراهم مضيقة عليك حولة تماتيك


الباث العادي أقوى وأفضل من التماتيك ومانصحك تقلب موترك تماتيك

[العشة]

الله يعطيكم العافيه جميعا


والظاهر اني اببيعه واشري موتر تماتيك

[الستانس]

خله عادي أصرف وأغلى عند البيع