ابي شوركم توي شاري سياره وش تنصحون

[كاشت المدن]

السلام عليكم يالمكشاتيه
انا شاري شفروليه افلانش 2002



وابي شوركم





وابي احطله بطاريه احتياط
ولمبات بالكبوت
وكنود
ودعاميه
وتانكي ماء ودي اركبه تحت وهل يحتاج اغير يايات او مساعدات
وابسئلكم عن ماطور الهواء وش احسن نوع
وابي الجهاز اللي تدري كم ضغط الكفرات ووين يباع
ابي منكم بعض النصايح عن الورش اللي يسونها ولا يكون سعرهم غالي الله يجزاكم بالخير ويرحم والديكم
شاكرا لكم حسن تعاونكم

[شامخ ألهيلا]

الكهرباء عليك بالسوافي بخصووص البطاريه وتشبيكاتها

والتوانك عليك بالمواهب

والماطور خذ ابو جمل الاصلي

هذا ماحبيت افيدك فيه

والله يطعمك من خيرها ويكفيك شرها ياارب

[ابوعقل]

ما أزيد على كلام اخوي شامخ ألهيلا شي

واحد من أخوياي معه شاص مجهز من عند سوافي شغل ماشاء الله عليهم

[مكشاتينيو]

وعليكم السلام

شيك علية كامل

[النادر666]

اذا كنت في الرياض مالك الا ورشة سوافي
ود السياره لهم وهم يقومون بالواجب بس سعرهم شوي غالي
بس يستاهل شغل كاله ما راح تندم

[كاشت المدن]

اشكركم على المعلومات
اخي شامخ الهيلا
ابو عقل
مكشاتينيو
اخوي النادر
وجزاكم الله خير ويسر الله اموركم ورحم والديكم
لكن يقولون ان سوافي شغلهم غالي بالحيل
وابي الجهاز اللي تعرف ضغط الكفرات وانت بالسياره
وهل لازم اغير المساعدات عشان تانكي الماء

[شامخ ألهيلا]

حيااك اخووي

عندك السوافي شغلهم مضبوط ولا في الصناعي يوجد ورش يمنين شغلهم الله بالخير واحد صلح عشره خراب

اذا كان الموتر ينزل عند التحميل حط لك مساعدات اقوى من شد البلد وتبي الشور خلها فيه

[عاشق الهيلا]

مايحتاج تغير مساعدات ولاشي اعقلها وتوكل

[عاشق الهيلا]

ماشا الله على التوقيع الجديد ياشامخ الهيلا

[كاشت المدن]

اشكركم على المعلومات
اخي شامخ الهيلا
اخي عاشق الهيلا
وجزاكم الله خير ويسر الله اموركم ورحم والديكم
ابي الجهاز اللي تعرف ضغط الكفرات وانت بالسياره
وهل لازم اغير المساعدات عشان تانكي الماء اتمنى الاجابه من باقي الشباب واللي عنده معلومه لا يقصر فيها

[العبقري 1]

بفيدك في ماطور الهواء ترى أفضل نوع عن تجربة هو الياباني الأزرق اللي يجي معاه بلف يعبي الكورة قيمته 270 ريال ولو ماعرفت شكله قلي أنزلك صورته لأني شريته قبل سنة وهو معي مية مية .

[كاشت المدن]

شكرا اخي
hammodh
وجزاك الله خير

[كاشت المدن]

لكن اخوي hammodh
يقولون انه مهب ذاك اللي ابو جمل افضل
واتمنى الرد من باقي الشباب

[المشراق]

أخي الكريم الله يبارك لك ما شريت ويطعمك من خيره ويكفيك شره
الماطور ابو جمل الأصلي ( يوجد منه تقليد وسعره 150 ريال )وهو راس واحد وقيمته عندما شريته 300 ريال وتجده في الغرابي ( وإذا إني مانيب مخطي محل السلمان في منتصف الشارع )والبطارية إن كان إنك في الرياض
خذ هذا الوصف وإن شاء الله يتسمح امرك وسعره رخيص بالنسبة للورش الاخرى

الوصف / شارع السويدي العام متجه غرب تدخل من تحت نفق السويدي تجيك إشارة اسواق الراجحي ومسجد الصانع على يسارك تأخذ يمين مع الإشارة متجه شمال تجيك إشارة يمينك اسواق الصفرات تأخذ يمين تجيك ارض فضاء على اليمين الورشة مقابلتها (مركز الرياض )بجوار مخابز الخيلاء الميكانيكي اسمه ادوارد والكهربائي (اضحك شوي ) اسمه قطو
ملاحظة / يوجد عندي عندي تانكي ستيل 90 لتر مركبه على صالون 92 ومفصله ب 1600ريال وبعت الموتر وشريت دفرنسين ولايركب عليه إذا لك نظر ما حناب مختلفين راسلني على الخاص ( يركب مطاول الشاص )

[كاشت المدن]

شاكر لكم جميعا على الردود ننتظر باقي المكشاتيه ونصايحهم