((للفائدة)) اسباب ارتفاع درجة حرارة بالسيارة

[كاشت الليل]

يا أخوان انا عندي سياره هونداي سوناتا ومشكلتها اني اذا مشيت الحراره توصل للـ H

واذا وقفتها اسمع المويه تفور بشكل قوي جدا لدرجه يخليك تبتعد عن السياره من قوه الفوران
شوركم على يالربع
ولاهنت ياراعي الموضوع جعلك الجنه

[al-ganass]

الله يعطيك العافيه

[فلاجكو]

مشكور وماقصرت ......

[كودو]

مشاركه قيمه والحرارة مشاكلها كثير مشكورررررررررررر

[منصور م]

أو يمكن ساعة قياس درجة الحرارة التي نقرأها تكون عطلانة .. !

عموماً .. كل سيارة لها حل في مشكلتها إلا السوبربان موديل 95 فدرجة حرارتة توازي
100 فهرنهايت في البطحاء و1000 سلسيوس على طريق الملك فهد .

وسلام من الله عليكم ورحمته وبركاته ومبارك عليكم رمضان وعيد الفطر تقبل الله صومكم
وطاعاتكم ..

[التل الصامت]

ماشاء الله موضوع قيم جا جدا والله يوفقك يا صاحب الموضوع

[التل الصامت]

يرفع -يرفع -الى خيمة الموضيع المميزة

[وسيم الناس]

الله يسعدكم

يا جماعة عندي الأبيكا موديل 2006 ذبحتي بالحرارة
سيّخت الرديتر قبل شهرين .. وغيرت طرمبة الموية قبل سنة .. وغيّرت اللّيات .. وقربة الموية حقت الرديتر وشلت بلف الحرارة قبل فترة

يوم سيّخت الرديتر قبل شهرين يقول اليماني لازم تعبيها موية كل كم يوم خصوصا مع أجواء جدة
وفعلاً صرت ألاحظ كل كم يوم كذا القربة فاضية من الموية .. وأعبيها وعلى هذا الحال

واحد من الشباب يقول هذي مشكلة الشيفرولية ما تتغير .. وأقترح علي إقتراح

يقول " ولّف لها مراوح تويوتا وتضبط أمورك " .. ما أدري هل كلامه صحيح ؟

[أبو زكريا]

موفقك أخي شامخ الهيلا

أحسنت في طرق الموضوع وحسن اختيار التوصيف

بارك الله فيك

[تومان]

يالسنافي فض الاديتر الين تشوف شبك الرديتر شف ه نضيف_ يمكن رجع عليه وصخ مجاري الماء في المكينه هذا يحصل في بعض السيارات يصير السرندل وصخ

[YUKON_GMC]

لا احد يتهاون في الحراره ترى غالباً إذا تعدت النصف تؤثر على رأس المكينه مما يسبب شعر في الرأس او التواء او حرق وجيه الرأس

مما يسبب حرارة دائمه بالسياره او تغيير الرأس وتغييره مكلف ومن علامات عطل الرأس :

خروج الماء من الاديتر بقوه او تفوير الماء من الاديتر وهو بارد او وجود فقعات وهواء يخرج الرديتر

يعني حطها في بالك إذا شفت الموتر احتر وهو ماشي وقف على طول وطفته ولاتحركه الا بعد مايبرد وتتأكد من الماء والسيور وعلى اول ورشه

[salih100]

لي مواقف مع الحراره بسردها لكم واتمنى تستفيدون
كانت معي سياره كيا ابوتيما 2004 وهبلتبي الحراره الامبير يطق الفل وطلعت المشكله في الامبير ملتمس وترى اغلبها كذ مو بس سيارتي ع كلام ناس اعرفهم دايم يكذب اذا شغلت المكيف يزود مع كل درجه شوي وشف كم مرمطتني !!!!
وباث فندر وطلع في بلفين وغيرتها ومشة اموره
كورلا 1.6 98 بعد تغيير الاديتر والخراطيش طلع الكوع يبيله تغيير وينسم
المهم فيه شي دايم يخفى علينا الا وهو
غطى الاديتر
وطبات المكينه فيها تنسيم وتسحب هوى ويضغط الهوى الماء في مجاريه فلا يدور الماء بسبب ضغط الهواء وهذا كلام ميكانيكي فنااااااان. وشوكراً

[السنع كله]

وزنية الديلكو لها اثر كبير في ارتفاع الحرارة

[alsari_8]

موضوع مفيد جدا الله يعطيك العافية والشكر موصول لمن شارك وابدىرايه

[jeddal]

السلام عليكم ورحمة الله .. يا اهل الخبرة انا عندي دوج رام شارجر موديل 92 مكينة 360 امتحن اهل اللي جابوا ام امي من كثرة الحرارة وعملت معاه كل شي ممكن تتخيلوه لدرجة اني صرت احط في الرديترشراب تمبرا خافض الحرارة حق ألاطفال ومافي فايدة .. يعني ايش الحل ؟