معلوماتكم القيمة الله يعافيكم بسرعة عن طريق ابها

[مكشاتينيو]

بسم الله الرحمن الرحيم

اخواني هاذي اول مشاركة لي باقسم

وابي مشورتكم ومعلماتكم القيمة عن طريق ابها

س1\ كم الوقت المستغرق في الرحلة من بريدة الى ابها

س2\ وكم امشي تقريبا

س3\ هل الطريق كله سيدين

والله يجزاكم الف الف الف خير

[عاشقة الطير]

بسم الله الرحمن الرحيم..

الطريق إلى ابها .. اكيد لما تنطلق من بريده بتمر لم الرياض وعلى طول لابها مع المرور بوادي الدواسر ..

آعتقد الطريق هذا شوي خطر .. وعلى حسب ذاكرتي انوه سيدين وبعدين سيد واحد .. والتفتيشات كثيره بهالطريق ..
وبالنسبه للوقت .. لو بالمثل مشيتو الصباح الساعه 6 اعتقد .. يووم كامل إذا ما وقفتو وتاصلون الليل على حسب معلوماتي ..

اتمنى انك أستفدت من كلامي ..

عاد انوه كم تمشي ثبت على 120 اعتقد احسن لان الطريق خطر ..

بالتوفيق

[مكشاتينيو]

عشاق الطير ماتظن ان الطريق تغير حاليا

[عاشقة الطير]

مآ أظن انه تغير

[الشقردي]

معليش أختلف معكم اللي أعرفة انه أحسن من غيره كل شوي تمر بديرة ويمديك تريح بأحدها وهم يشتغلون فيه من فتره عشان يصير سيدين بالكامل.

الخيار الثاني الأسوء (على طريق الحجاز مخرج الخرمة مرورا بالموية - رنية - بيشة(ان كان مانيب واهم) .. هذا اللي يوحش وصدق مقطعة وغبرات)

الخيار الثالث الأطول لكن تمشيه (الطائف- طريق الباحة السياحي - النماص - أبها)

[مكشاتينيو]

اخوي الشقردي وش رايك بالطريق الله لايهينك هل هو ممتاز ولا لا

[الشوكيss]

أخي مكشاتينيو اســأل الله لك وللمسلمين التوفيق في رحلتك بالنسبة لطريق ابها من الرياض مروراً بالخرج والحوطه والأفلاج والسليل ثم الوادي الى أن تصل الى خميس مشيط الطريق زين مافيه مقطعه وطوله من الرياض الى ابها 1000 كم. تقريباً كله سيدين ماعدا وصله قبل الوادي سيد واحد .

اما طريق الطايف ابها فهو سيد واحد وطلعات عاليه وملفاته واجد ومزحوم لكنه أقصر في المسافه لكنه يتعب السياره الأتوماتيك .
المسافة بين الطايف وأبها حوالي 600 كم ولاتنس الرفق في القياده في الجنوب لأن القرى كثيره ومترابطه كل شوي يطلع عليك واحد
رحلة سعيدة بإذن الله

[عاشقة الطير]

أخي مكشاتينيو اســأل الله لك وللمسلمين التوفيق في رحلتك بالنسبة لطريق ابها من الرياض مروراً بالخرج والحوطه والأفلاج والسليل ثم الوادي الى أن تصل الى خميس مشيط الطريق زين مافيه مقطعه وطوله من الرياض الى ابها 1000 كم. تقريباً كله سيدين ماعدا وصله قبل الوادي سيد واحد .

اما طريق الطايف ابها فهو سيد واحد وطلعات عاليه وملفاته واجد ومزحوم لكنه أقصر في المسافه لكنه يتعب السياره الأتوماتيك .
المسافة بين الطايف وأبها حوالي 600 كم ولاتنس الرفق في القياده في الجنوب لأن القرى كثيره ومترابطه كل شوي يطلع عليك واحد

رحلة سعيدة بإذن الله

هذا اللي كنت اقصده .. الله يجزاك خير على التوضيح ..

وهذا الطريق الأحسن انك تمشي من بريده والرياض لأبها مرور بالاماكن اللي ذكرها الاخ الله يجزاه خير ..

والله يسهل عليك والمسلمين

[السد الغزير]

بسم الله وعلى بركة الله ..

من غير قصور في الباقين ولا يهونون .. ما أحد جاي أعرف مني بهالطريق .. تدرون ليه ؟؟؟؟؟
لاني تقريبا في الشهر يمكن امر معه مرتين .

____ من بريدة الى الرياض 320 كيلو ويمكن تلقى رادار عند المجمعة .
_من الرياض وادي الدواسر تقريبا 670 كيلو والرادار بعد ماتتعدا بثمانين كيلو أو قبل الحوطة بثلاثين كيلو . او قبل العجلية (النقطة اللي بعد الافلاج) او قبل وادي الدواسر.
((بريدة -الغاط-المجمعة-الرياض-الدلم-الحوطة-الأفلاج-البديع-العجلية-السليل-وادي الدواسر-القيرة-تثليث-جاش-سمر----->بعدين طريقين (والافضل والاقرب مع طريب)-طريب-خميس مشيط -ابها.

من الوادي الى ابها 380كيلو..

وصلى الله وبارك . واخذوا مني الكلام الاكيد لاني متاكد من اللي اقوله ..

تحياتي ورحلة سعيدة.

[تماشي]

انا أفضل انك تروح مع طريق وادي الدواسر - خميس مشيط - ابها

زي ماذكروا الاخوان ماقصروا

لأنه طريق مزدوج وسهل ولافيه لفات ولاجبال

وان شاء الله رحلة موفقه

ولاتنسى تتأكد من البنزين في سيارتك

بالتوفيق ان شاء الله

[برق555]

خط السير من الرياض الى ابها

من الرياض الى مفرق الخرج الدواسر 55 كم
من الرياض الى مفرق الهياثم 80 كم
من الرياض الى الدلم 91 كم
من الرياض الى الحوطة 155 كم
من الرياض الى وسط الافلاج 290 كم
من الرياض الى السليل 525 كم
من الرياض الى محطة ساسكو 555 كم
من الرياض الى وسط وادي الدواسر 605
من الرياض الى هجرة القيرة 715 كم
من الرياض الى محطة ساسكو 781 كم
من الرياض الى مفرق تثليث الرئيسي 783 كم
من الرياض الى مفرق تثليث الاول 811 كم
من الرياض الى نقطة سمر 822 كم
من الرياض الى الصبيخة 845 كم
من الرياض الى بالمضة 875 كم
من الرياض الى طريب 911 كم
من الرياض الى تندحة 960 كم
من الرياض الى مفرق تندحة من الخميس 975 كم ويبقى 40 كم على الفرعاء

الطريق عن طريق تندحة طريب افضل من طريق بن هشبل
ارجو ان اكون قد وفقت لفائدتكم
لاتنس دعاء السفر والرفقة الصالحة التي تعينك على طاعة الله واللهو المباح

[برق555]

خط السير من ابها الى الرياض

من الفرعاء الى مفرق تندحة الرياض عن طريق الواديين 40كم
من الفرعاء الى تندحة 55 كم
من الفرعاء الى طريب 104 كم
من الفرعاء الى بالمضة 140 كم
من الفرعاء الى الصبيخة 170 كم
من الفرعاء الى نقطة سمر 193 كم واحذر المطبات الصناعية قبل الوصول اليها حيث انها مفاجئة
من الفرعاء الى مفرق تثليث الاول 204 كم
من الفرعاء الى مفرق تثليث الرئيسي 232 كم
من الفرعاء الى محطة ساسكو 234 كم
من الفرعاء الى هجرة القيرة 300 كم
من الفرعاء الى وسط وادي الدواسر 410
من الفرعاء الى محطة ساسكو 460 كم ويبقى على السليل 30 كم
من الفرعاء الى السليل 490 كم
من الفرعاء الى وسط الافلاج 725 كم
من الفرعاء الى الحوطة 860 كم
من الفرعاء الى الدلم 924 كم
من الفرعاء الى مفرق الرياض الهياثم 935 كم
من الفرعاء الى مفرق الخرج الدواسر 960 كم
من الفرعاء الى الرياض اشارة مصنع الاسمنت 1015 كم

[السد الغزير]

ماشاء الله معلومات دقيقة جدا . من برق 555

أهنيك على الدقة .. وأوافقك على كامل المعلومات

[مكشاتينيو]

اخواني جزاكم الله الف خير على معلوماتكم وكنت متوقع

انكم راح تيفيدونني واخوي برق555جزاك الله الف خير

[برق555]

ماشاء الله معلومات دقيقة جدا . من برق 555

أهنيك على الدقة .. وأوافقك على كامل المعلومات

السد الغزير ....شكرا على اطرائك الجميل ....تحياتي