خبر وشكر

[الوراد]

اولآاشكر الأخ ابو حمد على سرعة استجابته وارساله للرقم السري بهذه السرعه

كما اشكر كل عضو ساهم في ارجاعي للمنتدى اللي تعلق قلبي به وبمواضيعه المفيده


اما الخبر

فدوكم الخبر
------------

لاقط انا يا محاتسيكم فقع حول ((الحماطيات ))
لكن الكميه قليله والحجم صغير مقارنه بفقع العام الماضي

واللي ما يعرف الحماطيات

اوصف له موقعها

تقع جنوب مدينة الرقعي (( الحدود السعوديه الكويتيه من جهة الحفر )) اذا وصلت لمدخل الرقعي الجديده ابتل منك رايح للكويت بيجيك خط مزفلت يلف يمين ((جنوب)) خذه وابتل 90 كم الين تاصل للحماطيات ومن الحماطيات اتجه غرب غرب جنوب (250)درجه على البوصله لمسافة 20-25 كم وبتشوف الناس تلقط

واذا بغيتو احداثيات الموقع ترى موجوده
لأن المنطقه يسهل فيها المشي بالموتر بسرعه عاليه ((دبدبه )) يعني اللي يبي يدخل قطوع من مفرق القاعده\الحفر \السفانيه اللي حول معرج السوبان بيكون اسهل واقصر مسافه بحدود 120 كم فرق.

وعلى فكره الأرض هناك ربيعها زين وبساط اخضر نيوزلندي

كما ان منطقة الذيبيه بها ربيع جميل ومنظرها يبهج القلب

وتقع الذيبيه في بطن وادي ((الباطن )) بين الحفر ومحطة وردة الشاميه ((مفرق قاعدة الملك خالد\ طريق الحفر الرياض )) وهي اقرب للمحطه
يعني اذا اتجهت للحفر وانت جاي من جسر القاعده تمشي لك 10-15 كم وبتلقى خط مزفلت يتجه شمال غرب وعليه عمدان كهرب امسكه ((ولا تخليه يفلت منك )) الين تطيح على الذيبيه وبتشوف الربيع الهولندي

وترى الذيبيه مابه فقع

[عبدالعزيز الدباسي]

الحمد لله على السلامه ورجوع مبارك انشاء الله

ومشكور على الاخبار الساره