السلام عليكم ورحمة الله وبركاته
هذي رحله لي انا وبعض الربع يوم الجمعه 10/11/1424 الى الخراره القريبه من الرياض
وكان عندي قارب بلاستيكي منذ مبطي قمت بتوليف هيكل عليه ثم نقزت للشرقيه وشريت ماطور بحري حصانين وركبته عليه وكان لي مع هذا القارب حادثه لاتنسى عام الثمانطعش في صبخه القصب يومها بحر احد الربع قال لي معنا ضيوف من اليابان يشتغلون في ارامكو وودنا نتمشى بهم في هالبحره ماعندك مانع قلت ابد ويركبون هم ثلاثه وحنا ثلاثه والرابع زمزميه الشاهي ويوم انتصفنا فيها والى ماتشوف الا روس الطرفا وكان نصيب هالمبروك او المقرود سيان عودين وننطلق لاقرب جزيره ويقعدون يصورون هالبط وفراخته تلاحق في الما والبيض المصفصف وهم وامنين وشوي والى القارب نايم مبنشر طبعا مامعنا الازمزميه الشاهي نرقع بهاونحاول ونتطبب واجيب كسره فلين تحتنا واصب عليها بنزيم ابي اسوي غرا لكن النتيجه ان هالغرا صار مثل المصابيب على الصاجه ويفرجها الله اخيرا بحكمه تقول ان الادويه توخذ من المرض وان الحلول توخذ من المشاكل واجيب عودين والف على كل واحد منهن باغه والفزهن في الخفوس ونبدا النفخ من اثامينا طبعا (من زندك ولا مت ) ويوم جا فيه المقسوم ونشغل عقب صلاه المغرب والى الدنيا ليل ولامعنا نور يعني ماندل مكان السواق راعي السياره والماطور مهنا سرعه يحبي ومعنا هالمهندسين انا خايف عليهم اكثر مني الواحد راتبه بس ثلاثين الف اجل كم يسوى هو
الزبده انهم شغلوا الفلاشات حقت الكمرات وصار خويهم بريء من الدلاخه وكبس لنا بالنور واتجهنا له ولا وصلناه الابعد ساعه من التحرك واستقبلتنا هالنواميس الصغار اللي صرنا نتنفسها من كثرها والحمد لله على السلامه
ندور مكان مناسب للابحار
عده القارب لي النفخ بالشكمان
الهيكل قبل وبعد التركيب
الماطور
نفخ القارب
تركيب الهيكل والماطور
15 نوفمبر 2015 - 16:514 نوفمبر 2015 - 21:27
 |
