السلام عليكم ورحمة الله وبركاته
اخوي غواص الخليج
الصيد في القرية في السنين الاخيرة صار قليل مره وانت ونصيبك، احيانا تصيد واكثر الاحيان ما تصيد، واتذكر قبل عشر سنوات واكثر ان اقل شي كنا نصيده هناك هو ثلاجتين من الصافي والسبيطي والشعم اللي يحبه قلبك لا ونرجع زعلانيين ونقول ماش الصيد ضعيف هالمره وعندي صور في القرية يعود تاريخها الى عام 1977 م ايام كان الصيد واجد، ومن الاشياء الطريفة اللي اتذكرها ان في مكان قريب من المملحه (معمل الملح اللي بالقريه) كنا نشرد منه وما نحط فيه غزولنا والسبب ان الصافي اللي تصيده هناك كبير بشكل ما تتخيله يوصل طوله نص ذراع وكان الوالد الله يذكره بالخير يسميهم مواسد (جمع موسده وهي المخده) من كبرهم وسمنهم والله ان كنا نشوف الشحم في بطن الصافي، اما الحين فقد تغير الحال 180 درجه وصرت ياله تصيد لك صافيه وحده فسبحان مغير الاحوال والفضل يعود اولا واخيرا للصيادين المصريين اللي يصيدون الصغير والكبير ويشخلون البحر شخال بغزولهم (شباكهم) ذات الثلاث طبقات وهو ما يسمى بالاسرائيلي، ولكننا ما زلنا نروح لنفس المكان ولكن نمر قبلها سوق السمك وناخذ معانا السمك اللي يكفينا صافي وهوامير ونتخيل ان صايدينهم حنا
لان القصد من الرحله المتعه وتغيير الجو وعشان الشيبان يتونسون ويعطونا من سوالفهم اللي صارت لهم في نفس المكان قبل اربعين سنه واكثر.
اخيرا اتمنى ان تفيدك الخريطه واذا في اي استفسار انا حاضر وممنون
تحيات اخوك بو راشد
مكشاتي
القرية
ضوابط المشاركة
رد مع اقتباس