كــيف تعطي طيرك علاجه !!

[الزعـبي]

ارحب يالزعبى اما القلوب صحيحه بشرط ان الطير محتاج اما اذا ما هوب محتاج فهو بينتبه وبيلفضها لكن الطريقه الزينه ان كانت حبوب تطحنها طحن وتحطها فى جوف العلفه واذا كانت كبسوله فكها من بعض وانثرها فى جوف العلفه 0
تقبل مرورى 0

الله يرحب بك يا راعي فاروق

كلامك صحيح بالنسبه للحبوب اما الكبسولات ما تعطي مفعولها الا اذا وصلت جوف الطير اما اذ فكيتها بتذوب قبل لا توصل جوف الطير وما راح تعطي مفعولها ...

[الزعـبي]

اما انا بالنسبه لي ياخوي ما اكتف الطير ولا اعطيه في القلب اعطيه وهو يكون على يدي وهاذي ترجع على تعلوم الطير عليها وان شاء الله بيفيدونك الاخوان

حياك الله يا صقار البحرين ومثل ما قلت هذي طريقه محترفين ولا اي واحد يقدر يسويها

وخصوصا في المقيض ...

[الزعـبي]

و الله عن نفسي و هوا على يدي ولا قد حاولت في حبوب كبار ابد الله لا يحوجنا لها
لاكن فكرة القلوب عز الله انك جبتها صراحة ما تطري على البال احيك عليها.

لا هنت

ما شاء الله المحترفين واجد عندنا ههههههه ...

[قشاع الرمث]

السلام عليكم ورحمة الله وبركاته

احسن طريقه انك ترفع الطبر على كفك
وتسقيه ما ثم تفك بوزه وتدف الحبه باصبعك
اذا كان الطير راكد ( متعاون )
واذا كان اقشر تظف الطير انت واحد معك
وتعطيه الحبه .

والله يعينك .

[قلب شاهين]

و الله عن نفسي و هوا على يدي ولا قد حاولت في حبوب كبار ابد الله لا يحوجنا لها
لاكن فكرة القلوب عز الله انك جبتها صراحة ما تطري على البال احيك عليها.

لا هنت

قاري أفكاري يابو بدر ،،

ولاتستغرب مع مرور الزمن تحصل اجهزة لتلقيم الطيور الحبوب

تحياتي / قلب شاهين ،،

[رامى السيد]

والله فكرة رائعه وياريت تخبرنا لو نجحت
والله يشفى لك طيرك

[الزعـبي]

والله فكرة رائعه وياريت تخبرنا لو نجحت
والله يشفى لك طيرك

حياك الله يا رامي

طريقة استعمال القلوب انك تحط الحبوب في تجويف القلب وتعطيها الطير وهي طريقه قديمه ومجربه بس الفكره الجديده استعمال قلوب الدجاج بدل ما تذبح كل يوم حمامه ...

[KAYD]

والله انك صادق طريقة قلوب الدجاج رهيبة ماشاء الله عليك
يعطيك العافية

[الزعـبي]

الله يعافيك يا كايد ...وان شاء الله ان الفكره فادتك

[بن عويان]

مشكوووووور و ما قصرت على المعلومه

[راعي هداد]

يعطيكم الف عافية انا مع الي يلقمون الحبوب تلقيم او اذا انها كبيرة مرة ننصفها و ندفها في بوز الطير لاكن طريقتك هذي زينة

[عتيج الصوف]

جزاااااااااااااااك الله خير وكفا طيورك الشر

[مدماك]

هلا اخوي انا اضم صوتي مع العجمي صحيح ما يحناج لا تكتيف ولا قلوب على يدك وحط اصبعك عند فمه وبيفتحه شوي ودسه بأصبع وهذي الطريقه علمنياها الوالد الله يحفظه بس القلوب فكره ممتازه..........مدماك

[أبو رداد]

موضوع مهم
جزاك الله خير يالزعبي
نثبته اسبوع ولي عوده ان شاء الله

[الزعـبي]

الله حي ابو رداد وترا عليك حق ههههههه


رايك وخبرتك تهمنا .. بانتظارك