كــيف تعطي طيرك علاجه !!

[falcon 1]

السلام عليكم... طبعا في طرق مختلفه ..كثير من الناس يفضلون وضع الحبة في قلب الطير لانه هالطريقة تريحك وتريح الطير ..بس فرضا جاك يوم ما معك قلب حمام ولا دجاج شتسوي..الجوب: تخلي واحد من اخوياك يمسك الطير مو على كفه لا يمسكه من مناكبه (المسكة الي يمسك الدكتور الطير) . طبعا الطير مبرقع..تمسك راس ومنقار الطير وتشيل برقعه .عند بداية فتحة حلقه من الصوبين تضغط والطير راح يفتح حلقه ..بس لازم تمسك حلقه عشان لا يسكره على اصابعك هههه ..واخذ الحبوب وحطهم بحلق الطير ودزهم داخل . انا ادري انه من وصفي الواحد يفكر شلون ما فهمت هههه بس طبعا لازم الواحد يسويه بنفسه ويجرب اشياء جديدة عشان يعرف.

ارجو اني افدتك يا اخوي ..وانشاءالله النشاما ما يقصرون
تحياتي الطيبة اخوك فالكن 1

[ابو صمعان]

اخوي حط الحبوب في قلب الحمامه ولا خذ الماده الي داخل وحطهاعلى القلب

[الكايد 123]

افادك اخوي الزعبي

[علي الصقار]

والله الاخوان افادوك وماقصرو.الي يخليه في قلب حمامه والي يفتح الحبه ويخليها على العلف.بس عندي طريقه مشابهه لطريقة اخويfalconالعزيز ما يحتاج تمسك الطير بس خلي احد من خوياك يحمل الطير على يده ويقصر على السبوك شوي ومن ثم شيل البركع وامسك منسر الطير وافتحه وزت الحبه بداخل منسر الطير وحاول تدفعها باصبعك للداخل .بس ملاحظة خلي بالك من المجرى الهوائي لطير خلي الحبه بشكل مائل الى احد جوانب المنسر للطير حتى تتجنب القصبه الهوائيه .انا مجربها وطريقه سهله في التطبيق اسهل من الكتابه.اسف على الايطاله

[صقار مبتدئ]

خذ المختصر المفيد
1- حطها بقلوب دجاج اذا وجد و اذا لم تجد
2- ادهن الحبه بزيت زيتون و افتح منسر الطير و اضغط على الحبه تزرق على طول

[صقار مبتدئ]

..........................

[دعاس]

اخوي معظم افادات اخويانا وارده والافضل بعد مايرمي الروباجه والافضل تحط الحبه في قلب حمامه احسن مايستطعم الحبه واذا عندك حبه كبسوله حجم 500 اكسر الحبه اللي تبي تعطيها الطير نصفين وحطها داخل الكبسوله وشف لك احد يضف الطير وحطها بوضع جانبي حتى ماتدخل فتحة الهواء وأسف على الاطاله.

ابو نواف