السلام عليكم كيف حالكم يالربع اسمحولي لي فتره منقطع عنكم
الحين الواحد اذا بغا يعطي طيره العلاج وكان علاجه حبوب او كبسولات كيف يعطيها الطير خصوصا الكبسولات الكبار.بالنسبه لي ما فيه الي طريقتين اما انك تكتف الطير وتدفها في حلقه او انك تشوف لك قلب حمامه وتحط الكبسولات فيها.و هذي تعتبر معاناه بالنسبه لراعي الطير اما انك كل يوم تكتف الطير ويمكن توجعه او تسبب صيحه للطير من كثر الكتف او انك كل يوم تذبح حمامه وتاخذ القلب وتعطيه الطير والمشكله بعض الطيور فطين يدري ان القلب فيه حبوب يقعد يتطعم لين يحذف الحبه غير ان الحمام في الصيف تكثر فيه الامراض. طيب وش الحل انا لقيت لي حل ما ادري بس اعتقد ان حل ممتاز وهو قلوب الدجاج المثلجه موجوده عند اهل الدواجن ورخيصه يمكن 50 قلب بــ 3 ريال وميزتها انها اكبر من قلب الحمامه والكبسوله تضيع داخله ولا يدري عنها الطير
هذا الي عندي واتمنى اني افدتكم وان شاء الله طيورنا وطيوركم ما تشوف شر