15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 15 من 15

الموضوع: ديوان الشاعر / نهــــــــــار

  1. #1
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    السلام عليكم ورحمة الله وبركاته

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    (((المقدمه)))
    الشاعر / - نهــار - من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    ننتضرها من الشاعر

    """""""""""""""""
    """"""""""

  2. #2
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    """""""""""
    """""
    """"

    هب البراد وذكر القلب بوناس

    قلت هذه الابيات بمناسبة قرب حلول الوسم ..... عسى ان تحوز على رضاكم :
    هب البراد وذكـر القلـب بونـاس=يوم اننا فـوق الجيـوب الجـدادي
    وبدا يتنغمش داخل القلب هوجـاس=ودلا يتصور لي إخبوت و حمـادي
    وأصبحت مثل اللي غدا عند حبـاس=والا سوات اللـي برجلـه قيـادي
    حب الخلاء يشبه هوى سود الالعاس=عندي وهذا العشـق شـئٍ وكـادي
    الله على اللي يطوي البعـد لا داس=اليا انطلـق يقبـل وياخـذ زيـادي
    اربع مديله بعـد الالفيـن قرطـاس=كامـل مكمـل للخـلاء والعتـادي
    جيبٍ تحدى بالرهاء حمر الاطعـاس=قاهـر طويـلات النقـا والسنـادي
    ومقطبٍ حوضه على كـل نومـاس=وكل الـذي نبغيـه ناخـذ ازيـادي
    نمشي على الله محيي الروح بنفاس=بين الدخـول وبيـن لينـه مـرادي
    هذا هواي وغايت الكيف والـراس=يوم إن بعض الناس يغشى النـوادي
    وصلاة ربي عد ما طار قرناس=وعداد ما دنق بحمر الثنـادي
    على نبيٍ وضح الحق للنـاس=نبينا الهادي لدرب الرشـادي

    [/frame]

    رابط القصيدة في الخيمة بالردود هنا
    التعديل الأخير تم بواسطة ريف النشاما ; 24/01/2005 الساعة 12:56 AM

  3. #3
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نظمت خيام مكشات في ابيات

    ياسـعـدنـا بخيـامـنـا والـجـمـيـلات=اللـي بهـا لهـل المـراجـل طـرايـف
    الاولـــه فـيـهـا التـمـيـز وهــمــات=اعلومهـا صعبـه ومـاهـي خفـايـف
    والثانـيـة مــن الخـيـام الرحيـبـات=فيهـا التجـول بالخـلاء وكـل نايـف
    والثالثـه فيهـا تخـصـص مسـمـات=الطيـر مـع راعـيـه اكـبـر والايــف
    والرابعـة فيهـا الطيـور الطعيمـات=اخبارهـا والـلـي لـهـا والوصـايـف
    والخامسة لهـل البحـور العميقـات=ان كنت منت من البحر بك رجايف
    والسادسة فيهـا اعلـوم و مهـارات=اسـلاح وهـل الصيـد فيهـا عرايـف
    والسابـعـة مــن الخـيـام الـعـذيـات=كل اللوازم وصطها ان كنت شايف
    والثامنـة فيـهـا القـوافـي النقـيـات=ابيـات والـغـازٍ وحـسـن الطـرايـف
    والتاسعـة لهـا الجـيـوب المـعـدات=افكـار تبعـد عـن كثـيـر الحسـايـف
    والعاشـرة فيهـا الكيافـه وطبـخـات=مـن كـل بيطـار وعــارف وحـايـف

    [/frame]

    رابط القصيدة في الخيمة بالردود هنا
    التعديل الأخير تم بواسطة ريف النشاما ; 24/01/2005 الساعة 12:58 AM

  4. #4
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    من ....... (هَل لاَّل ) إلى ........... ( الهاجوس ) مع التحيه

    يـوم شفنـا الفـرق كببنـا القـهـاوي=ونخـرطـنـا نتـبـعـه بالجنـدلـيـه
    فوق جيـبٍ سائقـه مـا هـوب يـاوي=ضـاريٍ للطـرد وعـزومـه قـويـه
    خابـره هًـلاّل هـو طيـر الـنـداوي=مـا يفـوت الفـرق والبنـدق ملـيـه
    ونتـرك الهاجـوس بغيانـه خــلاوي=مـا يشـوف الا طـيـور القوبـريـه
    ماحـلا الصمـان وطيـور القـمـاري=فــي فيـاضـه تتبـعـه لاوا هنـيـه
    تتعـب الشـوزل ولا تجلـس تـراوي=وم صتمـه كبهـا مـا لــه مـزيـه
    وضبطة الكبسـه علـى هـاك الثنـادي=ومصـة اللبـداء ولا مبـسـم ابنـيـه

    الـشـاعــر // نــهـــار

    والاسماء المذكورة بالقصيدة نداءات كنود

    وســـــلامـــــكــــــم=ابـــــوعـــــمــــــر



    رابط القصيدة في الخيمة بالردود هنا
    التعديل الأخير تم بواسطة ريف النشاما ; 24/01/2005 الساعة 01:00 AM

  5. #5
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    السلام عليكم ورحمة الله وبركاته بعد طول غيبه اتمنا ان يكون احبابنا في مكشات جميعهم بخير وعافيه
    ومثل ما قال شاعر مكشات الكبير راعي مرات الوالد ه يصعب على الواحد التعبير عن مايكنه لها من تقدير وحترام .
    بالمناسبه اشكر اخي الكريم ومشرفنا الغالي ابو عايد على رسالته الرقيقه وسؤاله عني عبر الرسائل الخاصه لك مني كل الحب والتقدير لو اني ما استاهل .

    يا يوم ياللي شفت فيك الهوالي=ياللي فقدنا فيك روحٍ زكيه
    يومٍ فقدنا فيه اعز غالي=يوم اخطفتها من يدينا المنيه
    أمي لها بالقلب عز وجلالي=امي فديتك ما لنا مقدريه
    تفداك روحي والاهل والحلالي=لوكان يبقيك الفداء والعطيه
    ما هي رخيصه يوم تدفن بجالي=يوم ان يهد الترب فوق البنيه
    كن الغبار يهد فوقي اجبالي=وكني غريقٍ ذاق حر المنيه
    وجدي عليها وجد راع العيالي=اللي ورد عقب المتاه الركية
    يومه نظر عينه على الجم خالي=ماله خبر بالماء ولا به نديه
    ثم التفت ويلى سرابٍ ايلالي=خارت قواه وطاح عنده سديه
    يا شين فرقا من تحبه وغالي=وانتي لنا يا يوه دوم حنيه
    لعل قبرك لمدلهم الخيالي =ينبت على قبرك ازهارٍ زكيه
    ياما سهرتي في طويل الليالي= وياما صبرتي للتعب والأذيه
    ويا ما اذرفت عينك علينا همالي=من خوف يلحقنا الاذى والرزيه
    ما لك جزاء يايوه وما لك مثالي=بين الخلايق برةٍ وجوديه
    ارفع يديني للولي ببتهالي=ارجي الاهي عالماً بالخفيه
    يجزي مصابك جنة بالعوالي=في جنة الفردوس امي هنية
    وصلاة ربي عد وبل الخيالي=على محمد سيد كل البريه
    [/frame]

    رابط القصيدة بالردود من هنا
    التعديل الأخير تم بواسطة ريف النشاما ; 24/01/2005 الساعة 01:03 AM

  6. #6
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    أبكتب الأبيات صدقٍ ما تكودي=للذي مكشات وحنا كاسبينه
    أيمن المحبوب مشرفنا يقودي=لمنتدنا من افعوله مرتضينه
    من عرفته بالغلاء ما هو حقودي=يدمح الزلات ولا يحمل ضغينه
    البساطه من سماته له اشهودي=في مواضيعٍ تصطر ابـ : يدينه
    همه الخدمه ما هو همه يسودي=من ردوده باين ٍعقله او دينه
    ادعي الله وبتهل وسط السجودي=راجيا ليمن يطول في اسنينه
    المراجل كاسبه ماله احدودي=سعدمنهُ دائماً ايمن يمينه
    ليا نخيته فأنت تبشر بالسعودي=اشهد انه ليث يزأر عن عرينه
    والسموحه كان بأبياتي انقودي=الغلا حدٍ اعبر عن كنينه


    وقد رد عليه أيمن بهذا.......

    بسم الله الرحمن الرحيم


    أيها الإخوة الأكارم الفضلاء ..
    الأخ العزيز "نهار"
    المشرف الرائع "قتال"
    المشرف المبدع "المسفهل"
    الإخوة الأعزاء : الطوقي - راعي الشعيب - فتى النظيم ..
    الإخوة في منتديات مكشات جميعًا ..

    السلام عليكم ورحمة الله وبركاته،،،

    إني أتصفح هذا الموضوع في اليوم أكثر من مرة، وكلما حاولت أن أرد وأعقب أجد أني عاجزًا لا أستطيع أن أتفوه بكلمة واحدة تجاه ما غمرتموني به من شيء والله لا أستحقه، وإني لأزداد غبطة بعد غبطة كلما تذكرت أن لي إخوة نحبهم ويحبوننا لا نعرفهم ولا يعرفوننا لا تربطنا بهم منفعة ولا مصلحة ولا شيء من حطام هذه الدنيا ..
    إنما هو الحب في الله ولوجه الله .. فوالله لهو الربح والغبطة الحقة .. فنسأل المولى الكريم أن كما جمعنا هنا إخوة متحابين أن يظلنا في ظله يوم لا ظل إلا ظله إخوانا متحابين على سرر متقابلين ..

    بهذه المناسبة جادت القريحة بشيء لم يخرج سابقًا، ولم أفكر بإخراجه مستقبلا لكن أبت هذه الكلمات إلا الخروج لأول مرة، فاقبلوها عل مابها من خلل ونقص وقصور ..

    بكتب لك أبيات عن شعرك ما تحودي=وباسْمِعْك نظمٍ حنّا قايلينه
    منّي لك يا "مكشات" بكل علمٍ نجودي= بسِبَّة قروم لكل علم مرخصينه
    حنّا لهم في وضح النّقا حبّ ماله حدودي=واخصّ بالعلم "نهار" تميّز بالوضيحة
    واعرف ترى على فعلك ما نزودي=ياكاسب من النّوماس تلحق غريقه
    سلامي لكم ولكل فعلٍ اشهودي=وانّا على فعلكم دايم مرتضينه
    حنّا لكم وانا بغيركم ما نسودي=وكل عارف حلّه وتحليله
    يالله ياجامعنا في الوجودي=ما تفرق شمل عرف ربه ودينه
    وختامها صلاة ربي على النبي الودودي=محمد المصطفى ما بعده خليله
    [/frame]

    رابط القصيدة بالردود من هنا
    التعديل الأخير تم بواسطة ريف النشاما ; 24/01/2005 الساعة 01:07 AM

  7. مشاركة: ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    تذكرت هذه الابيات اليوم بمناسبة مرت علي فكتبت ما استطعت
    تذكره منها.

    "
    "
    مسكين يا طفلٍ للفشافيش مرهـون=يبغى يتسلى وامنن مـن خطرهـا
    غير انها تقضي على الجسم بالهون=وضروسهم تشكي بلاوي نخرهـا
    ما تشوفهم بالسوق لاجو يمشـون=اجسامهم بان الضرر في صفرهـا
    من عقب مرصاع وبالزيت مدهون=والا قدوعٍ مـن اطايـب ثمرهـا
    دلت اتغذينـا المصانـع بكرتـون=ومكسبات الطعم تأكـد ضررهـا

    "
    "
    التعديل الأخير تم بواسطة ريف النشاما ; 08/02/2005 الساعة 12:41 AM

  8. مشاركة: ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    واحد من الربع عنده عقود .. يركبه يومياً يتمشى عليه ... عاد قلت على لسانه هالبيتين؟..

    ما ابيع وارخص قعود(ن) لي=حتى ولو زيد بثمانه
    البل شوفه لنا يسلّي=والهجن مركوب عربانه
    وانا قعودي كما الخلّي=واطوح الصوت من شانه
    وشدّ خرجه ولا أملّي=وشداده الزين وركانه

    رابط القصيدة
    التعديل الأخير تم بواسطة ريف النشاما ; 03/03/2005 الساعة 01:30 AM

  9. مشاركة: ديوان الشاعر / نهــــــــــار


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    مره من المرات راسلت واحد بالجهاز الاسلكي وكان نداه ((الذيب ))
    الحقيقه الرجال جميله العباره لطيف الكلام وكانت
    مراسلات جميله واشعار والغاز ووناسه .
    عاد انا قلت في هذه الجلسه
    ابيات

    ذيبٍ لقيته بالارطاوي اوخاويت=ذيبٍ خوينٍ للرجال النشاما
    غير اللقاء بالصوت من يوم ناديت=جاوب وبان الطيب طيب الكلاما
    يالذيب كودك من الشحيمي تعشيت=طيب العشاء يالذيب زين الحماما
    وانتا لها يالذيب فيكم تهقويت=يا هقوتي يالذيب يامااوياما
    لا شك حنا في زمانٍ على الزيت=منه الطبيعه يا خويي عدما
    شان الخلاء يالذيب ولا ينفعه ليت=ليتي انا وياك بأرضٍ تماما
    حتى نشب النار في جانب البيت=ونسكب ادلالٍ ما يجيله نداما
    في وسط روضٍ بالخلاء لا تمشيت=ريح النفل فايح وريح الخزاما

    =

    ارجو ان تحوز على رضاكم،،،

    رابط القصيدة
    التعديل الأخير تم بواسطة ريف النشاما ; 03/03/2005 الساعة 01:14 AM

  10. مشاركة: ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    قلت هذه القصيدة
    بعد تصفحي هذا الموقع وهي متواضعه لاكن
    ارجو قبوله بصدر رحب مع السموحه عن التقصير ولكم مني التحية والتقدير
    سلام مني لهل المكاشيت والطيب = طيب العلوم اهل المراجل ادروبه
    اللي لهم بالبر جولات ما تخيب = ما همهم كود المشي والصعوبه
    كم من خريمه بالخلاء مرتع الذيب = ياما ارتعوا فيها و ياما مشوبه
    ما طبه المقرود دونه دباديب = وأهل الشعور المقصقصة ما حكوبه
    عذراء جميلة خلقت الله ما هيب = تأخذ مساحيقٍ وتفتن بثوبه
    والحر ما ياقع الا بروس الشخانيب = والبوم حده بالمخربات دوبه
    ياما حلى والشمس من قبل ما تغيب = والجو غيم والنسايم جنوبه
    في خبةٍ تختارها وتوقف الجيب = وتشب نار من الارطاء شبوبه
    إرطاء ونداء ما هيب حر ولواهيب = والطير صوّت للمبيت وطروبه
    وتدني معاميل به احلى المشاريب = هيلٍ وبن غاليات وعذوبه
    مع دلةٍ رسلان ترفاء عن العيب = له نصبةٍ والجمر يوضي لهوبه
    يفوح رايحها كما غالي الطيب = والجو صافي عن عيوبٍ تشوبه
    وربعٍ اقروم معطبين المظاريب = حسبت رجالٍ والردى ما رضوبه
    هاذي حلاته يا خوي ما بها عيب = وفروض ربي قايمه ومحسوبه
    وصلاة ربي عالم السر والغيب = اعداد ما ينشي سحاب وهبوبه
    على النبي الهاشمي مبعد الريب = وعداد ما يطلع نهار وغروبه
    [/poet]

    رابط القصيده

  11. Post مشاركة: ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




    معارضتي

    لقصيدة القاضي

    يامل قلب كل ما ألتم الأشفاق =من عام الأول به دواكيك وخفوق
    كنه مع الدلال يجلب بالأسواق =وعامين عند معزل الوسط ماسوق
    يجاهد جنود في سواهيج الأطراف =ويكشف له أسرار كتمها بصندوق
    إلى عن لي تذكار الأحباب وأشتاق = بالي وطاف بخاطري طاري الشوق
    دنيت لك من غالي البن مالاق = بالكف ناقيها عن العذف منسوق
    أحمس ثلاث يانديمي على ساق =ريحه على جمرالغضا يفضح السوق
    وأياك والنية وبالك والأحراق = وأصحا تصير بحمسة البن مطفوق
    الى أصفر لونه ثم بشت بالعراق =وغدت كما الياقوت يطرب لها الموق
    وعطت بريح فاخر فاضح فاق = ريحه كما العنبر بالأنفاس منشوق
    دقه بنجر يسمعه كل مشتاق = راه الهوى يطرب إلى طق بأخفوق
    ولقم بدلة مولع كنها ساق =مصبوبة مربوبة تقل غرنوق
    خله تفوح وراعي الكيف يشتاق = الى طفح له جوهر صح له ذوق
    أصغر قمورة كالزمرد يالأشعاق = واكبارها الطافح كما صافي الموق
    زله على وضحا بها خمسة أرناق = هيل ومسمار بالأسباب مسحوق
    مع زعفران والشمطري الى انساق = والعنبر الغالي على الطاق مطبوق
    فلى اجتمع هذا وهذا بتيفاق = صبه كفيت العوق عن كل مخلوق
    فنجال صين زاهي عند الأرماق = يغضي بكرسيه كما اغضاي غرنوق
    الى انطلق من ثعبته تقل شبراق = أو دم جوف أمزع منه معلوق
    خمر الى منه تسلسل بالأرياق = وعليه من ماصافي الورد مذلوق
    راعيه كنه شارب ريق ترياق =كاس الطرب وسرور من ذاق له ذوق
    يحتاج من خمر السكارى الى فاق = طفل تمز شفاه والعنق مفهوق
    عبث يميل بحبته مابعد ماق = وهو يزاهي باهر البدربشعوق
    بين اشفتيه الى غنج حق براق = عجل رفيفه بالطها يعطي اطبوق
    سطر كتب من حبر عينه بالأوراق = خديه صادين ونونين من فوق
    كن العرق باخدودها حمر الأرناق =ينثر على الوجنات باللون مشعوق
    بالعنق كن المسك والخد براق = والمشخص بصدره كما الشاخ مدقوق
    يمشي برفق خايف مدمج الساق =يفصم حجول ضامها الثقل من فوق
    الى حصل لك ساعة وأنت مشتاق =فاقطف ثمرمالاق والعمر ملحوق
    فيلا حضر ماقلت عندي فالأرزاق = بيد كريم كافل كل مخلوق
    وصلاة ربي عد مابارق حاق = على النبي الهاشمي خير مخلوق


    معارضتي
    يالله يالمعبود وهاب الارزاق=يا منشي (ن) جنات يطرب له الموق
    منك النعيم اللي على الخلق غداق=وانت الذي فضلك على كل مخلوق
    يالله انا بحماك عن كل هماق=اللي طرق في هرجته كل طاروق
    بعض العرب يمشي فلاشك ما فاق=بكبر سباتٍ لو مشى حي بالسوق
    ياللي شربت اللبن على غير ما لاق=اترك ادلاله خلها يا ملا العوق
    البن فن ماهي مثل الاطباق=إلها مزاجٍ تعرفه مع هل الذوق
    اللي إلشبتها على الدوم مشتاق=يعرف لها قدرها ولا هوب مطفوق
    في كفه الفنجال مثل نقد الاوراق=وحلا من اللي شاله النخل بعذوق
    ليا شب ناره حين حزات الاشراق=ودنا معاميله ونجره وطابوق
    قرمٍ يجيد الحمس لا نيه ولا احراق=مصفين ماها لنفسه من الشوق
    يقيس حبه دايم اقياس ترياق=حتى تجيك من احسن اللبن بالذوق
    ليا فاح ريحه فاخر (ن) قبل تنساق=روح (ن)لمن صدره من الهم مفتوق
    صفرا مشاربها مثل لون الاشفاق=هي منيت اهل الكيف والهيل مطبوق
    فليا حصل هذا على حسن الاوفاق=ايضا ولا جالك من الهم طارق
    في وصط روض(ن) عشبها يغمر الساق=ريح النفل فايح بالانفاس منشوق
    وتحفه الغدران مع بعض الاشناق=ايضا ولا طبه من الناس مطفوق
    بأرضن فلاة(ن) جنة(ن) صنع خلاق=طرب لصوت طيورها وحنت النوق
    في مجلس(ن)فيه النشاما بالاوفاق=يرتاح فيه البال والعمر ملحوق
    وصلاة ربي عد ما لاح براق =على النبي الهاشمي خير مخلوق
    التعديل الأخير تم بواسطة ريف النشاما ; 09/03/2005 الساعة 06:51 PM

  12. Post مشاركة: ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    هذه القصيده مهداه للأخ العويز أبو سهيل - المسفهل-



    يــا محـلـى يـاخـوي ضـبـط الـدلالــي=مشروبها يبعد عن الـراس الاعمـاس
    فـي مجلـسٍ مـا فـيـه خـطـو الثقـالـي=اللـي عقولـه مـا بهـا غيـر وسـواس
    الا رجـــالٍ مـــن اسـبــاع الـرجـالــي=فعولـهـا مــا غـيـر عـــزٍ و نـومــاس
    الله خـلـقـهــم لــلــكــرم والـمـعــالــي=مثـل الحـرار العـز فيهـا مـن السـاس
    احمـس لهـم حـبٍ مــن الـبـن غـالـي=وبـالـك عليـهـا خلـهـا تقـعـد الــراس
    ولـقــم بـدلــه وسـمـهـا حـــد صـــالي=خلـه تفـوح بصالـي الجـمـر بقـيـاس
    وزلــــه وبـهـرٍهــا بــزيــن الــدلالــي=مثل العروس اللي زهت زين الالباس
    احسـن عمـل رســلان مــن الغـوالـي=الـلـي لـيـا شـفـتـه تـحــس بـونــاس
    سقـهـا وخــل العـفـن مـالـه مـجـالـي=واقضب طريـق العـز والعـز نومـاس
    والـعـمـر مـحـسـوبٍ بـيــوم ولـيـالـي=وش لـك بدنـيـا حـدهـا تـعـد بنـفـاس
    وخـــل الـــذي هـمــه يـعــد الـريـالـي=اللـي مـثـل مــا قـيـل للـمـال حــراس
    مـا هـوب ايكيييـف بالجراهيـد سالـي=ولا هوب يفرق بين خبـه والاطعـاس
    الله خلـق بــالارض حـسـن وجمـالـي=وبدع لنـا بالكـون مـن كـل الاجنـاس
    وسـط الفيافـي تـحـت بـيـض اليـالـي=والجو هـادي والهـواء بـس نسنـاس
    تسـوى رصيـدٍ فـي يديـن (ن)محالـي=لوهـي ملاييـن(ن) تسجـل بقـرطـاس
    وصــلاة ربــي عـــد وبـــل الخـيـالـي=علـى نبيـن(ن) وضـح الحـق للـنـاس

    للمتابعه أضغط على الصوره

    نهار
    التعديل الأخير تم بواسطة ريف النشاما ; 10/03/2005 الساعة 01:06 AM

  13. مشاركة: ديوان الشاعر / نهــــــــــار

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  14. مشاركة: ديوان الشاعر / نهــــــــــار

    ""=""
    اقلب التقويم واعد لسهيل=واشوف فكري يم جوه سبقيا
    حيثه على ما قيل يبرد به الليل=ويطيب شب النار وقت الشفقيا
    في جلست ن فيها إعذاب المعاميل=ابريق ودلال ن صفاره شعقيا
    ويبدابه الدخل يجينا مشاكيل=اعبيد والاملس وراع الطوقيا
    وتلقا لنا تحت الطلاح المظاليل=شوي ن وطبخ وقلي وايضا مرقيا
    ومن عقبها يأت القمير- المهابيل=ما هيب تخشى الناس ولا التفقيا
    يا حلو مصة لبته يالمشاكيل=لحافة الطباخ راع الذوقيا
    هذا اسهيل وله مزايا وتفضيل= يفرح به الصقار راع العشقيا

  15. #15
    تاريخ التسجيل
    Jun 2005
    المشاركات
    4,759

    رد: ديوان الشاعر / نهــــــــــار

    ارجو ان تنال اعجابكم يا مكشاتيه من اخوكم نهار

    الـف اولــف مــن كــلام ظـريـف
    فـي حـب نجـدٍ فـي هـواه اللطـيـف
    محـلـى براريـهـا ببـرد(ن)وصـيـف
    لوكان مـا بـه غيـر طلح(ن)شجيـرات
    والـبـا بليـنـا بالـبـراري نـحـبـه
    مـا بيـن وديـان وضلـع(ن) وخـبـه
    والطيـر مالـه غيـر عـش (ن)يـربـه
    لـو كـان مالـه غيـر ميـه وحـبـات
    والتـا تليـت الفـرق واثــره حـمـام
    صار القميـري شوفتـه شوفـت اوهـام
    تبـدلـت هــاك الـفـروق بـجـهـام
    الا فريقـات (ن)عـن الصيـد حــذرات
    والثاء ثلاث(ن)صدتهـن صـرت فرحـان
    كن الصفـن عنـدي مـن المـال مليـان
    ونـا تعبـت وصـرت بالحيـل زهـقـان
    ولا نتـوب وتــرك الصـيـد تـوبـات
    والحـا حلـيّ لنـجـد مــا فـيـه لله
    خص(ن)ليـا جـاهـا وســوم تعـلـه
    ودلـت عليهـا السحـب ماهـا تهـلـه
    تصبـح براريهـا مـروج(ن) وجـنـات
    والخـا خاويـت اقـروم للبـر مــرات
    مـا هيـب خـوة مـن يعـد الريـالات]
    اهل الشبوح اللـي علـى الـدوم عليـات
    اهـل المراجـل والسـنـع والـمـروات
    والدال دنـت نجـرك فـي وسـط خبـه
    وادنيـت مـن صافـي حطبهـا تشـبـه
    وحطـيـت بـدلالـك زلالــه وحـبـه
    يـا زيـن فايحهـا بـريـح الرميـثـات
    والــذال ذود(ن)تتـبـعـه بالفـيـافـي
    والبيـت يـا زينـه بـزيـن السـوافـي
    مروبـع (ن) يطـرب لـبـدع القـوافـي
    محلـى حيـات البـدو محلـى البـداوات
    والــراء روابــي نـجـد واذودهـنـه
    يسعـد مهـو عايـش (ن) مـن بينهنـه
    البـل مـا بــه بالـوطـاء مثلهـنـه
    ملح(ن)وضح وصفـر مـن الله عطيـات
    والـزاء زبـاد السيـل لشالـه السـيـل
    ودلا يتصافـق بالمسايـل بهـا يهـيـل
    واقفى السحاب وشفـت بيـض الهماليـل
    وصوت الرعد تسمع له حنين (ن) ورجفات
    والسيـن سـال السيـل فـي كـل وادي
    وتباشـرو اهـل الحـضـر والـبـوادي
    ولبسـت لنـا نجـد(ن) اثياب(ن)جـدادي
    فضل (ن)مـن الرحمـن جـزل العطيـات
    والشيـن شــب الـنـار ورخ الـريـال
    والـرزق عنـد اللـي يسـوق الخـيـال
    واللـي كتبلـك مــا يفـوتـك مـحـال
    الله كـتـب بالـلـوح رزق الـبـريـات
    الصـاد صيـدي يـوم اغنـي ديــاري
    شفقـن علـى هـاك الفيـاض العـذاري
    مـا هـوب صـيـدي قلة(ن)بالـبـراري
    الا لنـا فـي نجـد بسـطـه وسـجـات
    والـطـا طبيـبـك لغشـتـك الهـمـوم
    ووجسـت فـي قلبـك اسـوات الغيـوم
    علـيـك بـذكـر الله عليـهـا تــدوم
    يرحمـك رب(ن)عـالـم (ن) بالخفـيـات
    والعيـن عـامـل بالـمـوده وسـامـح
    واعـرف تـرا بالنـاس صالـح وطالـح
    واللـي يـودك فـي مواريـه واضــح
    بالوجه لا قابلـك ارسـوم (ن) وشـارات
    والقـاف قـل اللـي يريـد المطـاريـش
    ايـاك والـوحـد وخــل المخـاريـش
    اللـي افعولـه دايـم يـكـدر العـيـش
    اهـل السماجـه والــدروب الـرديـات
    والكـاف كفكفـت الـدمـوع الغـزيـره
    وشبـت بقلـبـي ياجمـاعـة سعـيـره
    لا شفـت بالصحـراء فعـول(ن) خطيـره
    تصيـب قلبـك بالمشـقـى بحـسـرات

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •