رمي الجيف ( اعزكم الله )على جنبات الطريق

[البرًي]

السلام عليكم ورحمة الله
فيه ظاهرة غريبه وغير لائقه مادري يمكن بعض المكشاتيه ملاحظه , انا لاحظته وحبيت نتدارس الظاهرة وما الاسباب وهي ظاهرة ( رمي الجيف اعزكم الله على جنبات الطريق سوا الصحروية او الازفلتيه )
فاقول بعض من اخواننا البادية هده الله يرمي بجيفه اعزكم الله على جانب الطرق والغريب في الامر ان رمي الجيف شبه متفقاً عليه على مستوى المملكة ,
فاسوال الي يطرح نفسه ما الداعي لرمي الجيف على جنبات الطريق وفيه كم صورة التقطه كتوثيق فقط وليس للكم ؟؟؟؟










تحياتي

[طير آلفلآء]

والله انك صادق
اولا(تشوه المظر
ثانيا(يا فيه ريحه تعور الراس
الله يهديهم
وان شا الله انهم يسمعون الكلام
والله يعطيك العافيه على الموضوع الجميل

[جبل راف]

لماذا لايتم دفنها من قبل البلدية ؟؟
لاتكلف شيئا

[الرهدن]

وعليكم السلام ورحمة الله وبركاته :

ملاحظة في محلها 00

وقد يكون من الأسباب والله أعلم :
لأن الأغنام الحية تبتعد عن الدروب البرية غالبآ ( لكثرة المارين ) فلا تنتقل الأمراض إليها من هذه الجيف 0
أو :
لنقل معاناتهم لمن يمر على هذه الدروب , وقد يحصل لهم تعويض
أو :
خشية العين ! فمن يرى هذه الجيف ينصرف بصره عن كثرة الحلال وجماله 0

موضوع شيق فجزاك الله خيرآ 0

0

[الساهد11]

يجب ابعادها عن الطرقات

[رحال الصمان]

تفكير جاهلي يقولون انها تطفي العيون

[الصيهد.......]

يربطها بسيم ويجرها بالسياره لين ياصل الخط
ويفكها على الخط !!!!!!!!!!!!
ماقصرت البلديه حطت برميل كبير بجنب الخط مخصص للجيف
ومافيه فايده ..............
منظر يضيق الصدر ...............مـــــــــدري وش يحسون فيه
المرض اذا مريت بعير وصقتك الريحه والله انها تقلب الراس
وتضيع المكان الي انت تبيه ..............ياررررررررررررربيه
والي معك يهوش صقكو لدرايش
.................................................. ............
اشوف البعض يكب ديزل ويشب فيها........؟؟؟؟
واحس انها افضل من تركها تخيس وتنفقع

المشكله انها تبقى سنوات ومعاد ينقبل المكان الي حولها

مشكور وموفق بأذن الله يالغالي....................

[ابورايف]

موضوع رائع
اخي/ينبغي عليك اعادة تحميل الصور مرة اخرى لعدم طهور الصور المدرجة بالموضوع
نرى الكثير من الجيف المرمية بجنبات الطرق ولكن تبقى المشلكة في ضعف النفس وعدم ألا مبالات
لأن تلك الجيف تفقد المكان طبيعتة وأيضآ تتسبب في اعطاء المكان رائحة غير مرغوب فيها وهذا مما يستدعي لجذب الدواب والحشرات والزواحف لتلك الجيفة
الله يعطيك العافية
على الطرح
وتقبل مروري

[العودالازرق]

الله يعطيك العافية عانيت من هذا التصرف في شعيب العيينه

[الحزوبر]

لاهنت يالبري والموضوع هذا يؤرقنا اولا كاصحاب مواشي وذلك لان الحلال عندما ياكل الجيف يسبب له امراض فتاكه.
وبالنسبه للسبب في رمي الجيف على الطريق لانه المحل الوحيد اللي غير صالح للاقامه وذلك لوجود الطريق لان الجيفه مايصلح ترميها في فيضه اوروض لان الناس تبي تنزل بحلالها او تكشت.

اما الحل:
لابد يكون فيه تعاون من البلديه ويكون فيه حملات سنويه لنظافة البر ودفن الجيف والقمايم في حفر يتم حفرها ودفنها من جهة البلديه والسالفه مايبيلها ذاك المشروع المكلف كلها كم شيول تفتر على المناطق اللي حول كل محافظه وتقوم باللازم.

[مثور الغبار]

السلام عليكم

يا اخوان لا تقولون البلدية البلدية ما نظفة المدن حتى تنظف البر

الحل بسيط ولا ياخذ دقيقتين كل واحد راعي غنم ياخذله كريك ولا ماتت عنده بهيمه
ياخذها لمكان معين يعتاد الدفن فيه ويدفنها .
ونتهت المشكله لكن الناس بها كسل والله المستعان .

اما اصحاب البل فيبغيلهم فزعه .

مشكور على طرحك للموضوع

[مخلف الهقاوي]

صدقت والله عندهم كسل ^^
او فيه حل ثاني ان كل واحد يرمي جيفته ان يشب فيها النار وهو اقل عمل يسويه عشان يريح العالم من الروائح الكريهه (ومشكور ياخوي على طرحك لها المشكله)

[-ظل الجزيرة-]

والله انك صادق منظرها انه يسد النفس ويشين الخاطر

[راع الحشه]

فعلا اخوي طريقة يتأذى منها جميع الناس ومن يقوم بها لايحترم مشاعر الاخرين

[تباشير]

والله انك صادق اخي الغالي

اتوقع الجهل وعدم احترام مرتادي الطرق والبيئه