مسامير ثلاجة الباترول الفتك...الأسباب الأعطال الحلول => تم إضافة المزيد من الصور

[راعي السودا]

ماشاءالله عليك ياأخ سوبر وبارك الله فيك وفي خبرتك ,, عندي سؤال واستفسار:

عندي باترول سوبر سفاري 99 مثل الساعة ولله الحمد والشكر فيه مشكلة بسيطة جدا , وهي أني عندما أكون مشاي على الخط لاأستطيع أن افتح الشباك من الريحة اللي تجيني , الريحة كأنها ريحة احتراق بنزين او غيره لكنها تكتم النفس بصراحة , ارجو أن أجد حل لهذه المشكلة .

[ابوألياس يوسف]

مشكور اخوي الله يعافيك ملاحظه بسيطه الصوره الثانيه واير البنص وواير( المثبت)

[cordoba]

عز الله كفيت ووفيت شرح وافي يالذيب
انا معي 2002 سوبر ماشي 164000 مافي اي شي
ها بس قير عادي ما اسمع له صوت لا في الماكينه ولا اي شي
ارجوا الافصاح عن الصوت الذي يحدث عند صقوط المسامير

[محمدالعريني]

عندي استفساااااااااااااااااار

[محمدالعريني]

تكفون ابي حل بسرررررررررررررررررعه

[الضرغام11]

اطرح استفسارك هنا يالعريني وان شاء الله محد مقصر معك..

[محمدالعريني]

هل فيه تاثير على عزم وصرف السياره اذا الغيت اللهاة

[مواسي الطعوس]

هل فيه تاثير على عزم وصرف السياره اذا الغيت اللهاة

*****************************


مافيه تاثير ابد ... مجربينها على كذا موتر وجاء الشتاء والصيف ولاتغير شي .

[الضرغام11]

نفس جواب اخوي مواسي الطعوس مافيه اي مشاكل ..

[عاشق الشعبيات]

والله وفكيتها اليوم الصبح والحمد لله مافيه اي مشكله ولا تغير الموتر ابد

وبيض الله وجيهكم يالربع على المشوره


اخوكم/ محمد العريني

[الواسط]

السلام عليكم ورحمة الله وبركاته
حصلت لي هذا المشكله في سفاري 2006 الموتر وقتها كان ماشي 38000 كيلو
طبعا المفروض انه على الضمان بس انا من الناس اللي ما اخذت السياره للوكاله ابد لحد ما حصلت المشكله وشلت الموتر على سطحه طبعا اضطريت ادفع 8900 ريال تقريبا الكلام هذا كان في بداية 2007 طبعا غيرو راس مكينه ووجيه واظن بدلو البستم رقم واحد ماني متاكد(بس الموتر بعدها ما ضبط)
والحل مثل ما ذكر اخونا او تستخير وتبيع السياره زي ما سويت
بالتوفيق للجميع واتمنى الفايده للجميع

[برونز]

السلام عليكم ورحمة الله وبركاته
سوف اورد لكم قصة واحد من الأصدقاء الأعزاء
اشترى جيب انفنتي 45 ثمانيه سرندل امريكي 2004 وكل شى تمام بعد فتره سمع صوت خفيف ومن ورشه الى ورشه وكلهم يقولون مافيها شى قام الرجال وسافرعليها الى المدينه وينبع وزاد الصوت والتفتفه وعرضهاعلى ورشه هناك وقالوله عندك بلف متعطل وصلحه في الرياض وتوكل على الله ومشى وهوطالع من ينبع خبطت عنده المكينه طاحن المسامير والهاة وكسرت البستم والسرندل والبلوف وحملها على صطحه والرياض ولاحصل قطع غيار الامكينه واحدة تشليح ب20000الف ثم سافر للكويت واشترى مكينه ب12000الف ريال ثم شحن السياره للكويت وركب المكينه وخذو الرجيع وبعد اسبوع رجع للكويت واخذ السياره وكل شي تمام ولله الحمد

[سوبر VTC]

اعتذر عن التاخر في الرد

للانقطاع عن المنتدى لظروف خاصه

تشريفكم و ابدأ الراي اثرت الموضوع

موفقين

[بواسامه]

هلا باخوي سوبر فتك

بالنسيه لكلامك هذا

هذا بالنسبة للقير التماتيك بخصوص مسألة سقوط مسمارين

اللهاة في البستم

(اما القير العادي فلا اعلم عنه)

هل يختلف المحرك
وهل الخلل يخص القير او المحرك

مجرد استفسار

[ملف علاقي]

تحياتي للجميع اناكان معي فتك 2004 تماتيك توني بايعه ماشي 274000 والحمدلله ماقد حصل معي اي شي مع العلم اني اسوي الصيانه في الوكاله كل فتره وكان ماشي تمام صحيح انهم يبالغون باالأسعار شوي لاكن تاخذموترك وانت مرتاح لأن واحد من الربع وداموتره للصناعيه كن فيه صدمه صغيره وبدلوله كمروسر المكيف بواحد موضب وبدلو الصدام الأمامي بواح مصلح عند حقين الفيبر يعني شلحو السياره وهو مايدري كل هذا في ثلاث ايام تقريبا 0 عموما نشكر اخونا سوبر كل الشكر علي مجهوده عسي الفايده تعم الجميع وانا سمعت ان الوكاله صارت تلحم المسامير زي الصناعيه 00